مزن وزیر شہباز شریف ءَ فتنہ الخوارج ءِ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را  توسیپ ءُ ستا

لاہور۔26اکتوبر  (اے پی پی):مزن وزیر محمد شہباز شریف ءَ ضلع شمالی وزیرستان ءُ ضلع کرم ءَ فتنہ الخوارج ءِ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را شگر ءُ منت گپت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آپریشن آنی تہ ءَ فتنہ الخوارج ءِ 25 ناشرکار آنی کوش ءِ سر ءَ سیکورٹی فورسز آناں ساڑاتگ۔ مزن وزیر ءَ اے آپریشن آنی ساھت ءَ ناشرکار آنی ھلاپ ءَ سوبمندیں رنگ ءَ جنگ ءِ وھد ءَ وتی جان ندر کتگیں پنچ سیکورٹی فورسز ءِ کارندہ آناں شگر ءُ منت پیش کت، شہید آنی بالادستیں رند آنی واستہ دعا کت ءُ آہانی گس ءِ گوما دلپدردی ءِ درشانی کت۔ مزن وزیر ءَ گوشت کہ سرجمیں راج سیکورٹی فورسز ءَ را سلام پیش کنت۔ مزن وزیر ءَ گوشت کہ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزمیگ آں۔