آر ایل این جی ءَ چہ ملکی صارف آناں کوالٹی ءِ ایندھن ءِ رسگ ءِ اہل جوڑ بیت، مزن وزیر شہباز شریف ءَ ملکی کنکشن ءِ بندات کنگ ءِ مراگش ءَ گشتانک

اسلام آباد۔26اکتوبر  (اے پی پی):مزن وزیر شہباز شریف ءَ گوشت کہ آر ایل این جی ءَ چہ ملکی صارف آناں کوالٹی ءِ ایندھن ءِ رسگ ءِ موہ رس ایت، سرجمیں ملک ءَ لاکھوں صارف گیس ءِ کنکشن ءِ ودار ءَ اَنت، مئے حکومت ءَ ملک ءِ تہ ءَ بیست ءُ چار کلاک ءِ بجلی لوڈ شیڈنگ ءِ جیڈھ ھم گیش ءُ گیوار کتگ ات ءُ پاکستان ءَ را شپ ءِ دیمروئی ءِ واستہ دیمروئی کتگ۔ آئی ءَ اے ھیالانی درشانی یک شمبے ءِ روچ ءَ ادا ری گیسیفائیڈ لیکویفائیڈ نیچرل گیس ءِ ملکی کنکشن ءِ بنگیج کنگ ءِ مراگش ءَ گوں تران کنان ءَ کت۔ اے موہ ءِ سر ءَ نائب مزن وزیر ءُ دری کارانی وزیر اسحاق ڈار، وفاقی وزیر، اسمبلی ءِ باسک، ایس این جی پی ایل ءُ سرکاری مزنیں کارندہ ھم ساڑی بوتگ اَنت۔ مزن وزیر ءَ گوشت کہ گیس ءِ کنکشن ءِ پجاری راجی ءِ مزنیں لوٹ اِنت۔ 2022 ءَ وھدے سرکار ءَ وتی اگدہ گپت گڑا گیس ءِ کنکشن ءِ پھجارینگ ءِ ھاترا سک باز زور بوتگ، سپلائی کم بوتگ، لوٹ گیش بوتگ، لکاں مردم گیس ءِ کنکشن ءِ پجارینگ ءِ ودار ءَ بوتگ اَنت، ھما جاھاں ھم کہ پائپ لائن ایر کنگ بوتگ اَنت، گیس ءِ پھجارینگ ممکن نہ بوتگ پرچا کہ گیس نہ بوتگ، ما اے جیڑھ ءِ نیمگ ءَ دلگوش داتگ۔ مرچی معیاری ایندھن ملکی صارفین ءِ دست ءَ بوتگ، اے پیسریگیں مزن وزیر میان نواز شریف ءِ پبلک سروس ءِ گامگیج آنی برجاہ اِنت۔ 2013 ءَ سیمی رند ءَ مزن وزیر گچین بوھگ ءَ پد آئی ءَ ملک ءَ ھژدہ بیست ءُ دو کلاک ءِ لوڈ شیڈنگ ءِ جیڈھ گیش ءُ گیوار کتگ ات۔ مرچی گیس ءِ جیڑھ ھم پی ڈی ایم سرکار ءَ گیش ءُ گیوار کتگ کہ ایشی ءِ تہ ءَ مسلم لیگ ن، پیپلز پارٹی، ایم کیو ایم ھوار اتحادی گل ھوار اَنت کہ ایشی ءِ ھاتر ءَ من ھرکس ءَ را مبارک بات دیان آں ۔ مارا پاکستان ءِ دیمروئی ءِ واستہ شپ ءُ روچ کار کنگی انت ءُ وتی ملک ءَ را دیم ءَ برگی انت ۔ مزن وزیر ءَ ایشی ءَ چہ پیسر آر ایل این جی کنکشن ءِ پھجاری ءِ بنگیج یک تختے ءِ پچ کنگ ءَ کت۔ وفاقی وزیر توان ءُ پٹرولیم ڈویژن علی پرویز ملک ءَ گوشت کہ مزن وزیر ءِ ہدایت ءِ رد ءَ حکومت ءَ قطر ءُ ایندگر ملک آنی گوما توان ءِ جیڈھ ءِ گیواری ءِ سر ءَ دلگوشی داتگ تانکہ اے جیڈھ ءِ دائمی گیواری ءِ شوھازگ بہ بیت۔ 2026 ءَ تاں دمگی ایندھن ءِ چاه ھم فعال کنگ بنت ءُ الس ءَ را ارزان ءُ کوالٹی ءِ ایندھن ءِ وسیلگ ءَ رسگ بیت۔ آئی ءَ گوشت کہ نوں گس آنی تہ ءَ گیس ءِ سلنڈر ایر کنگ ءِ ضلورت نہ بیت۔ آئی ءَ گوشت کہ یک سالے ءِ تہ ءَ ایس این جی پی ایل ءَ 29 ارب ءِ منافع رستگ، لائن ءِ تاوان 4.93 درسد ءَ کم بوتگ، آر ایل این جی یک ایمن ءُ چاگرد دوستیں ایندھن اِنت، ءُ گیس کنکشن ءِ پجارینگ نوں آسان بوتگ۔