مزن وزیر شہباز شریف ءَ جنوبی افریقہ ءُ راجی کرکٹ ٹیم ءِ شرپ ءَ شپ ءِ ورگ ءِ میزبانی کتگ

اسلام آباد – 25 اکتوبر (اے پی پی) : مزن وزیر محمد شہباز شریف ءَ جنوبی افریقہ ءِ کرکٹ ٹیم ءُ راجی ٹیم ءِ شرپ ءَ شپ ءِ ورگ ءِ میزبانی کت ءُُ میاں اوستمانی لیب آنی دیمروئی ءِ واستہ جوانیں چاگرد ءِ برجائی ءُ مزنیں لیب ءُُ گوازی ءِ مراگش آنی میزبانی ءِ واستہ پاکستان ءِ عزم ءِ سر ءَ زور پر دات۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ جنوبی افریقہ ءُُ پاکستان ءِ کرکٹ ٹیمب ءِ لیب کنوکاں گوں گند ءُُ نند کتگ ءُ گپ ءُ تران کتگ۔ مزن وزیر شہباز شریف ءَ گوشت کہ پاکستان ءَ جنوبی افریقہ ءِ کرکٹ ٹیم ءَ را وش اتک کنگ بیت، جنوبی افریقہ ءِ گوما جتا جتائیں پڑ ءَ جوانیں سیادی است انت ءُ کرکٹ ہم ایشانی تہ ءَ یکے انت۔ مزن وزیر ءَ گوشت کہ جاری کرکٹ سیریز پاکستان ءُ جنوبی افریقہ ءِ نیام ءَ گہتریں اسپورٹس سیادی ءُُ وت مہ وتی شرپ ءِ علامت انت۔ مزن وزیر شہباز شریف ءَ گوشت کہ جنوبی افریقہ ءَ مزنیں کرکٹ لیب کنوک ودی کتگ انت۔ مزن وزیر ءَ گوشت کہ پاکستانی کرکٹر ھم وتی جوانیں گوازی ءَ چہ سرجمیں دگنیا ءَ ملک ءُ راج ءِ شان ءُ شُہاز ءِ آورتگ، امیت انت کہ پاکستان ءِ کرکٹ ٹیم گوستگیں وھد ءِ وڑ ءَ جوانیں کارکردگی پیش دار ایت۔ مزن وزیر ءَ دوئیں ٹیم آنی لیب کنوک آنی واستہ نیکیں واھگ آنی درشان کت۔ مزن وزیر ءَ پاکستان کرکٹ بورڈ ءِ چیئرمین محسن نقوی ءِ صلاحیت آنی سر ءَ سرجمی ءَ دل یکیمی ءِ درشان کت۔ مزن وزیر ءَ گوشت کہ کرکٹ ایوک ءَ لیب نہ انت بلکینگ ءَ جتاجتائیں ملک آنی الس آناں یکجائی کنگ ءِ سبب ھم انت۔ مزن وزیر ئَ گوشت کہ کرکٹ ءِ گوازی براتی ءُ ایمنی ءِ دیمروئی کنت، اے گوازی ءِ اصل روح ئِ برجائی ءِ لوٹ اِنت۔ مزن وزیر ءَ میاں اوستمانی لیب ءُُ گوازی ءِ دیمروئی ءِ واستہ جوانیں چاگرد ءِ برجائی ءُ مزنیں لیب ءُ گوازی ءِ مراگش آنی میزبانی ءِ واستہ پاکستان ءِ عزم ءِ سر ءَ زور پر دات۔ اے موہ ءِ سر ءَ تران کنان ءَ جنوبی افریقہ ءِ ٹیم ءِ انتظامیہ ءُ لیب کنوکاں پاکستان ءِ حکومت ءُ مہلوک ءِ گرمائش ءِ پد ءَ شگر ءُُ منت گپت۔ آہاں گوشت کہ اے سیریز یک یاتگاریں تجربگ ءِ بوتگ ءُ آہاں پاکستانی چاروک آنی سرجمیں کمک ءُُ ستا ءِ سرا وش اتک کتگ۔ شام ءِ ورگ ءَ وفاقی وزیر ءِ ھزانگ ءُ آمدنی محمد اورنگزیب، وفاقی وزیر ءِ تجارت جام کمال، وفاقی تہی کارانی وزیر ءُ پاکستان کرکٹ بورڈ ءِ چیئرمین محسن نقوی، وفاقی وزیر ءِ ھال ءُ اھوال عطا اللہ تراڑ ءُ پاکستان کرکٹ بورڈ ءِ مزنیں کارندہ ھم ھوار اتنت۔