وفاقی وزیر اطلاعات ءُ شنگکاری عطا اللہ تارڑ ءَ وزیر آباد ءِ تر ءُ تاب کتگ ءُ چوہدری جاوید چٹھہ ءِ بیرانی ءِ سر ءَ دلپدردی درشان

وزیرآباد۔ 25 اکتوبر (اے پی پی):وفاقی وزیر اطلاعات ءُ نشریات عطا اللہ تارڑ ءَ شمبے ءِ روچ ءَ وزیر آباد ءِ تر ءُ تاب کتگ ءُ اودا آئی ءَ چوہدری شجات حسین ءِ زھگ ءِ برات ءُ چوہدری پرویز الہی ءِ نزیکیں سنگت چوہدری جاوید چٹھہ ءِ بیرانی ءِ سر ءَ دلپدردی درشان کتگ۔ اے موہ ءِ سر ءَ آئی ءِ ھمراھی ءَ وتی برات ءُ وزیر آباد ءَ چہ ضمنی گچین کاری ءَ مسلم لیگ ن ءِ اُمیت وار چوہدری بلال فاروق تارڑ ءُ ایم پی اے عدنان افضل چٹھہ ھم ھوار بوتگ اَنت۔ آئی ءَ چوہدری جاوید چٹھہ  ءِ بیرانی ءِ سر ءَ دلپدردی ءِ درشانی کت۔ اے موہ ءِ سر ءَ میڈیا ءَ گوں تران کنان ءَ آئی ءَ گوشت کہ سیلاب ءِ آماچیں مردم آناں بحالی ءِ واستہ وفاقی ءُ صوبائی حکومت جوانیں گامگیج چست کنگ ءَ انت۔ بجلی ءِ بلانی تہا ریلیف ایشی ءِ یک پدریں مثالے، ہمے وھد ءَ کشار، مال ءُ مڈی ءُ دگہ چیزانی تاوان ءِ ہم اندازہ کنگ بوہگ ءَ انت۔ سیلاب ءِ آماچیں مردماں سرکار ءِ نیمگ ءَ چہ زوت ریلیف پجاری کنگ بیت۔ یک جست ءِ پسو ءَ آئی ءَ گوشت کہ وفاقی کابینہ ءَ را پنجاب سرکار ءِ نیمگ ءَ چہ پابندی جتگیں ٹی ایل پی ءِ ھلاپ ءَ جوانیں ثبوت رستگ کہ ایشی ءِ تہ ءَ ٹی ایل پی ءِ نیمگ ءَ زوراکی ءِ کار ھوار اَنت۔ آئی ءَ گوشت کہ مریدکے ءَ پنجاب پولیس ءِ شھیدیں ایس ایچ او ءِ سر ءَ 21 تیر گواری بوتگ۔ آئی ءَ گیش گوشت کہ وھدے کہ پابندی جتگیں ٹی ایل پی ءَ گوں پی ٹی آئی سرکار ءَ ھم شرطی منوگری کتگ ات کہ آ زوراکی ءُ آشوب ءِ کاراں گوں بندوک نہ بنت گڑا آیاں ھمے منوگری ءِ خلاف ورزی کتگ۔ آئی ءَ گوشت کہ بنجاہی تحریک انصاف ءِ حلاف ءَ 190 ملین پونڈ ءِ کیس است انت ایشی ءِ پسہ ایش انت کہ مذہب ءِ میان ءَ آرگ ءَ یا ریاست مدینہ ءِ نعرہ ءَ چست کنگ ءَ وت ءَ رکّینگ ءِ کوشست کنگ مہ بیت۔ راج ءِ زرّ اِنت، ملک ریاض ءَ چون چوشیں مزنیں رعایتے دیگ بوتگ۔ یک جستے ءِ پسو ءَ آئی ءَ گوشت کہ بنجاھی وزیر ءِ پوزیشن کسے ءِ امیج ءَ ساپ کنگ یا کسے ءِ جوتانی سائز دیگ یا جیل ءِ دپ ءَ سڑک آنی سر ءَ نندگ نہ اِنت بلکیں بنجاھی وزیر ءِ کار کلین پنجاب پروجیکٹ ءِ وڑیں الس وشھالی ءِ منصوبگ آنی سرجم کنگ اِنت۔ اگاں نہ زان اَنت دستور ءَ بہ وان اَنت۔ آئی ءَ گوشت کہ من 1992 ءَ چہ مرحوم جاوید چٹھا ءَ زاناں، آئی ءَ گوں منی پیرک ءَ دیریں سیادی بوتگ ءُ مئے گوما سک مہروان بوتگ۔ آئی ءَ جاوید چٹھا ءِ غم ءِ آماچیں کھول ءِ گوما دلپدردی ءِ درشانی کتگ ءُ آئی ءِ بُرزی ءِ دعا کتگ۔