وفاقی وزیر داخلہ محسن نقوی ءَ پولینڈ ءِ نائب وزیر داخلہ میچے ڈشچک ءَ گوں گند ءُ نند کتگ ءُ وت مہ وتی کمک ءَ را گیش مھکم کنگ ءِ ارادہ کتگ

اسلام آباد۔25اکتوبر  (اے پی پی):وفاقی وزیر داخلہ محسن نقوی ءَ پولینڈ ءِ نائب وزیر داخلہ میچے ڈشچک ءَ گوں گند ءُ نند کتگ ءُ غیر قانونی امیگریشن، سیم سر ءِ سلامتی ءُ وت مہ وتی قانونی کمک ءَ ھوار جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک کتگ ءُ وت مہ وتی کمک ءَ را گیش مھکم کنگ ءِ واستہ حکومتی تک ءَ رابطہ آناں گیش کنگ ءِ پیسلہ کتگ۔ شمبے ءِ روچ ءَ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر داخلہ محسن نقوی ءَ پولینڈ ءِ نائب وزیر داخلہ میچے ڈشچک ءَ گوں گند ءُ نند کتگ۔ وزیر داخلہ محسن نقوی ءَ پولینڈ ءِ نائب وزیر داخلہ میچے ڈشچک ءِ وزارت داخلہ ءَ آیگ ءِ سر ءَ وش آتک کت۔ اے موہ ءِ سر ءَ تہی کارانی وزیر مملکت طلال چوہدری ءُ پولینڈ ءَ پاکستان ءِ سفیر محمد سمیع ھم ساڑی ات۔ گند ءُ نند ءَ دوئیں ملک آنی نیام ءَ وت مہ وتی واھگی کار آنی سر ءَ ھیال ریچی کنگ بوت۔ گند ءُ نند ءَ ناجائز مہاجرین، سیم سر ءِ رکھینگ ءُ میوچل لیگل اسسٹنٹس ءَ ھوار جتا جتائیں شوبگ آنی تہ ءَ کمک ءَ را گیش کنگ ءِ سر ءَ تپاک کنگ بوت ءُ وت مہ وتی کمک ءَ را گیش مھکم کنگ ءِ واستہ حکومتی تک ءَ رابطہ آناں گیش کنگ ءِ پیسلہ کنگ بوت۔ تہی کارانی وزیر محسن نقوی ءَ گوشت کہ پاکستان ءِ واستہ غیر کانودی امیگریشن ھم سک باز حساسیں جیڈھ اِنت، غیر کانودی امیگریشن ءَ ھواریں مافیا ءِ ھلاپ ءَ سرجمیں رنگ ءَ کارروائی کنگ بوھگ ءَ اِنت۔ آ دریائی سیمسر ءِ ایمنی ءِ ھاترا کوسٹ گارڈز ءَ را مھکم کنگ لوٹ اَنت۔ پولینڈ ءِ تہی کارانی معاون وزیر ءَ تہی کارانی وزیر محسن نقوی ءُ تہی کارانی وزیر مملکت طلال چوہدری ءَ را پولینڈ ءِ تر ءُ تاب ءِ دعوت داتگ۔ پولینڈ ءِ معاون وزیر داخلہ ءَ گشتگ کہ مارا انسانی سوداگری ءِ گر ءُ دار ءِ ھاتر ءَ یک گامے دیم ءَ بوھگی انت۔ آئی ءَ حکومت ءِ پاکستان ءِ نیمگ ءَ انسانی بیداری ءِ گر ءُ دار ءِ واستہ چست کتگیں گامگیج آناں ساڑات۔ اے موہ ءِ سر ءَ ایڈیشنل سیکرٹری داخلہ میجر جنرل نور ولی خان  ءُ  چیف کمشنر اسلام آباد محمد علی رندھاوا ھم ساڑی بوتگ اَنت۔