فیلڈ مارشل سید عاصم منیر ءَ قاہرہ ءَ مصر ءِ صدر عبدالفتاح السیسی ءَ گوں گند ءُ نند

راولپنڈی۔25اکتوبر  (اے پی پی):فوج ءِ سروک فیلڈ مارشل سید عاصم منیر ءَ قاہرہ ءِ اتحادیہ صدارتی ماڑی ءَ مصر ءِ صدر عبدالفتاح السیسی ءَ گوں گند ءُ نند کت۔ گند ءُ نند ءِ ساھت ءَ آہاں پاکستان ءُ مصر ءِ دیریں دوستی ءِ پدا زور دات ءُ وت مہ وتی سیادی ءِ سرا ھیال ریچی کت۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ فیلڈ مارشل سید عاصم منیر ءَ دمگ ءَ امن ءُ ایمنی ءِ تہ ءَ مصر ءِ سروکی ءِ کلیدی کرد ءِ توسیپ کتگ وھدیکہ صدر السیسی ءَ دگنیا ءُ مسلمان آنی واستہ ھاسیں جیڈھ آنی تہ ءَ پاکستان ءِ جوانیں ءُ فعالیں کرد ءِ توسیپ کتگ۔ دوئیں بامرد آں وت مہ وتی اسٹریٹجک مفاد ءِ جیڈھ آنی سر ءَ ھمگرنچی ءِ ارزشت ءُ مردم آنی نیام ءَ رابطہ آناں گیش مھکم کنگ ءِ سر ءَ زور پر دات۔ گند ءُ نند ءَ دوستی ءِ سیادی ءِ یکجائی راجدپتر ءُ درستیں پڑ آنی تہ ءَ ھاسیں رنگ ءَ چاگردی ءُ اقتصادی ھوار بوھگ، ٹیکنالوجی ءُ سیکورٹی ءِ جیڈھ آنی تہ ءَ کمک ءَ را گیش ءُ گیوار کنگ ءِ یکوئی واھشت ءِ سر ءَ زور پر دات۔ گند ءُ نند گرمیں نوٹ ءِ سر ءَ آسر بوت ءُ دوئیں نیمگاں گوشت کہ یک مھکمیں اقتصادی ءُ ایمنی ءِ گپ ءُ تران پاکستان، مصر ءُ گیشیں دمگ ءَ امن، برجائی ءُ ایمنی ءِ تہ ءَ مزنیں کردے پیلو کنت۔