اسلام آباد ءَ را جھان ءِ درجگ  ءِ دارالحکومت جوڑ کنگ بیت، وزیر داخلہ محسن نقوی

اسلام آباد۔25اکتوبر  (اے پی پی):وفاقی تہی کارانی وزیر محسن نقوی ءَ گوشت کہ اسلام آباد ءَ را جھان ءِ درجگ ءِ دارالحکومت جوڑ کنگ بیت، کھیڈ ءُ دود ءُ ربیدگ مردم آناں یکجا کنگ ءِ ھاسیں وسیلہ انت، مہمان داری ءُ جوانیں دود ءُ ربیدگ پاکستانی راج ءِ نشان انت، سفارتکار ڈپلومیٹک انکلیو ءَ پیڈل ٹینس ءِ لیب ءَ ھم موہ دار انت۔ وفاقی وزیر ءَ اے ھیالانی درشانی شمبے ءِ روچ ءَ ڈپلومیٹک انکلیو ءَ پیڈل ٹینس کورٹ ءُ فٹنس ایرینا ءِ بنگیج ءِ موہ ءَ گشتانک دیان ءَ کت۔ افتتاح ءِ مراگش ءَ اوورسیز پاکستانی آنی واستہ وفاقی وزیر چوہدری سالق حسین، سینیٹر فیصل سلیم ءُ قائم مقام امریکی سفیر نیٹلی بیکر ءَ بہر زرتگ ات۔ وزیر داخلہ محسن نقوی ءَ امریکی سفیر ءِ قائم مقام نیٹلی بیکر، وفاقی وزیر چوہدری سالک ءُ سی ڈی اے ءِ چیئرمین محمد علی رندھوا ءِ گوما پیڈل ٹینس ءِ لیب کتگ۔ اے موہ ءِ سر ءَ تہی کارانی وزیر محسن نقوی ءَ گوشت کہ پیڈل ٹینس کورٹ ءَ چہ سفارتی براتی ءَ را کوالٹی ءِ لیب ءُ گوازی ءِ آسراتی رس ایت۔ اسپورٹس ءُ جان سلامتی ءِ کارانی دیمروئی مئے اولویت اِنت۔ آئی ءَ گوشت کہ ڈپلومیٹک انکلیو ءِ نوک جوڑی ءِ سر ءَ کار بندات کنگ بوتگ، نوک جوڑی ءِ کار زوت سرجم کنگ بیت، سفارتی برات ءَ را ھمک رنگ ءَ آسراتی پجاری ءِ تہ ءَ ھچ وڑیں کوشست ءِ رکینگ نہ بیت۔ مئے مول ءُ مراد اسلام آباد ءَ سفارتی براتی ءِ نندگ ءَ را وش ءُ ایمن جوڑ کنگ اِنت، ما اسلام آباد ءَ را جھان ءِ درجہ ءِ دارالحکومت جوڑ کن ایں، کھیڈ ءُ دود ءُ ربیدگ مردم آناں یکجا کنگ ءِ ھاسیں وسیلہ اَنت، مہمان نوازی ءُ جوانیں دود ءُ ربیدگ پاکستانی راج ءِ نشان اَنت، چیئرمین سی ڈی اے ءُ ڈپٹی کمشنر اسلام آباد ءِ ھم ھوار بوتگ اَنت۔