سیلاب ءِ آماچیں مردم ایوک ءَ یلہ نہ بنت، آیوکیں روچاں گیشتر وشیں ھال رس ایت، رانا مشہود احمد خان

لاہور۔25اکتوبر  (اے پی پی):چیئرمین مزن وزیر ورنا پروگرام رانا مشہود احمد خان ءَ گوشت کہ مزن وزیر محمد شہباز شریف ءِ ہدایت ءِ رد ءَ سیلاب ءِ آماچیں مردم ایوک ءَ یلہ نہ کنگ بنت، ناامیتی ءِ جمبر چست بوتگ انت، سرکاری ھزمت ءِ سفر برجاہ بیت ، سر وزیر پنجاپ  ءَ سیلاب ءِ آماچیں مردمانی واستہ تاریخی امدادی پیکج مردمانی دوستی ءِ یک ھاسیں ثبوتے ۔ آئی ءَ اے ھیالانی درشانی شمبے ءِ روچ ءَ دمگی ھوٹل ءَ سیلاب ءِ آماچیں مردم آناں کمکی سامان بھر ءُ بانگ ءِ مراگش ءَ گوں تران کنان ءَ کت۔ اے موہ ءِ سر ءَ این اے 129 ءَ چہ راجی اسمبلی ءِ اُمیت وار حافظ میان محمد نعمان، کوآرڈینیٹر عائشہ، آمنہ، امارات ءِ کمک ءِ نمائندگ، دمگی سیاسی ءُ چاگردی مردم، زالبول ءُ اے دگہ مردم ھوار اتنت۔ رانا مشہود احمد خان ءَ گوشت کہ پنجاب ءَ سیلاب ءِ آماچیں مردمانی واستہ کمک ءِ بندات کنگ ءِ واستہ اللہ تعالیٰ ءِ منت وار آں، سیلاب ءِ سبب ءَ شہر ءُ میتگ آپ ءِ چیر ءَ کپتگ انت۔ مردمانی لوگ ءُ مال ءُ مڈی ھم آپ ءَ گوں آپ ءَ برتگ اَنت۔ سیلابانی روچاں چو قیامت ءِ روچ ءَ ات۔ یات کنگ ءَ دل ءِ ٹُکّگ بیت۔ آئی ءَ گوشت کہ وفاقی حکومت ءَ مزن وزیر محمد شہباز شریف ءِ سروکی ءَ ءُ پنجاب ءَ سر وزیر مریم نواز ءِ سروکی ءَ آپ کم بوتگ ءُ سیلاب ءَ آماچیں مردمانی بحالی ءِ کار ہمے روچ ءَ چہ بندات بوتگ۔ ھما کہ سیلاب ءَ آیانی لوگ آپ ءَ شُتگ اَنت آباد کنگ بوتگ اَنت۔ راجدپتر ءِ بدترین سیلاب ءَ پد زدگیں مردمانی جان سلامتی ءِ راجدپتری روچ نزیک بوھگ ءَ اِنت۔ ناامیتی ءِ جمبر چست بوتگ انت۔ مرچی ما اے وعدہ ءَ پیلو کنگ ءَ ایں کہ داں سیلاب ءِ آماچیں مردمانی لوگ آباد کنگ مہ بنت آ آرام ءَ مہ نندیں ۔ رانا مشہود احمد خان ءَ گوشت کہ انچوش کہ وفاقی حکومت ءِ تہ مزن وزیر محمد شہباز شریف ءَ سیلاب ءِ آماچیں مردمانی بحالی ءِ واستہ شپ ءُ روچ کار کتگ، من پنجاب ءِ سر وزیر مریم نواز ءَ را ھم شگر ءُ منت گراں کہ آ بازیں ہفتگاں سیلاب ءِ آماچیں مردمانی تہ ءَ ھوار بوتگ۔ دراہیں ادارہاں یکجاہ کار کت۔ پنجاب ءِ سرکار ءِ محنت ءِ سبب ءَ سیلاب ءِ آماچیں مردمانی زندگ دارگ ءِ کار زوت بندات بوت۔ آئی ءَ گوشت کہ سیلاب ءِ آماچیں مردم آنی بحالی ما اے کار ءَ گوں سروس ءِ درک ءَ کتگ ءُ آوانی ھرچ تاوان ءِ ھلاسی ءَ کنگ ءَ ایں ۔ ما پہ سرکاری ھزمت ءَ گوں وتی راج ءَ اوشتاتگیں، ما انگت گوں آھاں اوشتاتگیں۔ اے ھزمت ءِ سفر برجاہ بیت۔ آیوکیں روچاں مہلوک ءَ گیشتر وشیں حال رس ایت۔ چیئرمین مزن وزیر ورنا پروگرام ءَ سیلاب ءِ آماچیں مردم آناں کمک ءِ پد ءَ امارات ءِ حکومت ءِ شگر ءُ منت گپت ءُ گوشت کہ مزن وزیر محمد شہباز شریف ءَ سرجمیں دگنیا ءَ را انسانیت ءِ ازمت ءِ واستہ یک پلیٹ فارم ءِ سر ءَ یکجاہ کتگ۔ ایشی ءِ درور ایش انت کہ مروچی امارات ءِ ہمکوپگی ءَ چشیں جوانیں پروگرامے برجم دارگ بوتگ۔ دوئیں ملکانی مردمانی دل یکجاہ بوتگ انت۔ این اے 129 ءِ راجی اسمبلی ءِ اُمیت وار حفیظ میان محمد نعمان ءَ گوشت کہ مرچی مزنیں وشی ءِ روچ اِنت، اودا سیلاب ءِ آماچیں مردماں اے آزمائش ءِ دلیری ءَ گوں دیم پہ دیم بوتگ اَنت، وھدیکہ ن لیگ ءِ سرکار ءَ ھم ھر آماچیں لوگ ءِ دروازگ ءَ آھانی واستہ کمک ءِ بندوبست کتگ۔ آئی ءَ گوشت کہ مزن وزیر محمد شہباز شریف ءِ سروکی ءَ سرجمیں دگنیا ءَ مئے نیمگ ءَ دلگوشی داتگ، مرچی پنجاب ءَ ھمک لوگ ءِ تاوان ءِ جوڑ کنگ بوھگ ءَ اِنت ءُ ھمک لوگ ءَ ورگ ءِ پجاری کنگ بوتگ، ھما لوگ آنی تہ ءَ چُلُک کہ چُلّگ بوتگ اَنت آوانی دراھیں چُلّگ بندات کنگ بوتگ اَنت۔ آئی ءَ گوشت کہ پاکستان دیوالیہ بوھگ ءِ نزیک ءَ ات، مزن وزیر محمد شہباز شریف ءِ سروکی ءَ اے ملک سرجمیں دگنیا ءِ امیت آنی مرکز ءُ محور جوڑ بوتگ، پاکستان ءَ گلوبل منگ بوھگ ءَ انت، مشکل آنی روچ ھلاس بوتگ انت، نوں آسانی ءِ روچ بندات بوتگ انت۔ گڈسرا چیئرمین مزن وزیر ورنا پروگرام رانا مشہود احمد خان ءِ نیمگ ءَ چہ 1500 سیلاب ءِ آماچیں مردم آناں فوڈ آئٹم ءُ دگہ کمکی سامان بھر ءُ بانگ کنگ بوت۔