پی ٹی آئی ءِ دور ءَ معیشت ءُ ادارگاں سک باز تاوان رستگ، انوگیں حکومت ءِ دور ءَ پاکستان ءِ شرپ جہانی تک ءَ گیش بوھگ ءَ اِنت، وفاقی وزیر ڈاکٹر طارق فضل چوہدری

اسلام آباد۔25اکتوبر  (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ تحریک انصاف ءِ دور ءَ معیشت ءُ ادارگ آناں سک باز تاوان رستگ، استیں حکومت ءِ دور ءَ پاکستان ءِ شرپ جھان ءِ تک ءَ گیش بوھگ ءَ اِنت۔ شمبے ءِ روچ ءَ نجی ٹی وی چینل ءَ گوں تران کنان ءَ ڈاکٹر طارق فضل چوہدری ءَ گوشت کہ امریکی صدر ڈونلڈ ٹرمپ ءُ اسلامی ملک آنی سروک آنی نیمگ ءَ چہ ھواریں دگنیا ءِ سروک آنی نیمگ ءَ چہ راجدپتری شناخت اے گپ ءِ ثبوت اِنت کہ پاکستان ءِ شرپ دگنیا ءِ تک ءَ ترندی ءَ گوں گیش بوھگ ءَ اِنت کہ گوستگیں 70سال آنی تہ ءَ اے وڑ کدی گندگ نہ بوتگ۔ اے پاکستان ءِ اعزاز ءِ گپ اِنت کہ ما مرچی انچیں مھکمیں پڑ ءَ اوشتاتگ آں ۔ چیف آف آرمی اسٹاف فیلڈ مارشل سید عاصم منیر ءُ مزن وزیر محمد شہباز شریف ءِ سروکی ءَ ملک ءَ را سفارتکاری ءُ فوجی شرپ ءِ سبب ءَ سرجمیں دگنیا ءَ عزت ءُ شرپ رسگ ءَ انت۔ وفاقی وزیر ءَ اپوزیشن ءِ سرا ایراد گپتگ ءُ گشتگ کہ اگاں عمران خان جیل ءَ انت گڈا آ وتی کرپٹیں کارانی آسراں زورگ ءَ انت، احتساب المی انت ءُ قانون ءَ چہ کس برز نہ انت۔ آئی ءَ گوشت کہ تحریک انصاف ءِ دور ءَ معیشت ءُ ادارگ آناں سک باز تاوان رستگ ءُ مرچی ھم تحریک انصاف حکومت ءِ سوبمندی ءُ پاکستان ءِ گیش بوھوکیں جھان ءِ بستار ءَ را منگ ءَ چہ انکار کنت کہ ایشی ءَ چہ آئی ءِ سیاسی تنگ نظری ءِ درشانی بیت۔ پیپلز پارٹی ءِ تحفظات ءِ ھوالگ ءَ جست ءِ پسو ءَ آئی ءَ گوشت کہ گندم ءِ نرخ آنی ٹھینگ ءِ وڑیں اقتصادی پیسلہ آنی تہ ءَ سرجمیں کانود سرجمیں اتحادی گل آنی وت مہ وتی شور ءُ سلاھ ءَ گوں کنگ بوتگ اَنت۔ مئے سرکار جمہوریت ءُ راجمانی وشحالی ءِ سرا باور کنت نہ کہ انتہا پسندی ءِ سرا۔ آئی ءَ گوشت کہ تحریک انصاف ءِ سروکی وتی رویہ ءَ بدل بہ کنت ءُ سیاسی پوائنٹ اسکورنگ ءِ بدل ءَ پاکستان ءِ مفاد آناں اولی رند ءَ بہ کنت۔