صدر آصف علی زرداری ءَ تھائی لینڈ ءِ پیسریگیں ملکہ کوئین مدر سِری کیت ءِ بیرانی ءِ سر ءَ دلپدردی ءِ درشانی کتگ

اسلام آباد۔25اکتوبر  (اے پی پی):صدر ءِ مملکت آصف علی زرداری ءَ تھائی لینڈ ءِ پیسریگیں ملکہ کوئین مدر سِری کیت ءِ بیرانی ءِ سر ءَ سک باز رنج ءُ گم ءِ درشانی کتگ۔ شمبے ءِ روچ ءَ صدر ءِ مملکت ءِ پریس ونگ ءِ رد ءَ صدر ءَ پیسریگیں ملکہ ءِ بیرانی ءِ سر ءَ تھائی لینڈ ءِ بادشاہ ، شاہی ھاندان ءُ الس ءَ گوں دلپدردی ءِ درشانی کتگ۔ آئی ءَ گوشت کہ پاکستان ءِ اُلس تھائی راج ءِ غم ءَ یک پیم ءَ بھر زور اَنت۔ صدر ءِ مملکت ءَ ملکہ کوئین مدر سِری کیت ءِ ھزمت ءُ شرپ ءَ را شگر ءُ منت درشان کت ءُ گوشت کہ اے غم ءِ ساھت ءَ پاکستان تھائی لینڈ ءِ اُلس ءِ ھمراہ اِنت۔