پاکستان ترکیہ  پڑ ءِ توامیں دوستیں ملک آنی گوما  لاجسٹک ءُ انفراسٹرکچر پارٹنر شپ ءَ را شاھیگانی دیگ لوٹ ائیت،  عبدالعلیم خان

24اکتوبر (اے پی پی) وفاقی وزیر مواصلات عبدالعلم خان ءَ گوشت کہ پاکستان ترکیہ  پڑ ءِ توامیں دوستیں ملک آنی گوما  لاجسٹک ءُ انفراسٹرکچر پارٹنر شپ ءَ را شاھیگانی دیگ لوٹ ائیت ۔ آئی ءَ اے گپ اسلام آباد ءَ جتاجتائیں ملک آنی وزیرانی رابطہ ءُ ٹرانسپورٹ ءِ گوما جتا جتائیں گند ءُ نند ءَ کت۔ ترکی ءِ ٹرانسپورٹ ءُ بنیاتی ڈھانچگ ءِ وزیر عبدالقادر اوغلو ءَ گوں گند ءُ نند ءِ ساھت ءَ عبدالعالم خان ءَ گوشت کہ پاکستان ترکی ءِ گوما رسد ءِ شریکداری لوٹ ایت ءُ یکجائی منصوبگ بندی نیشنل لاجسٹکس کارپوریشن ءِ وسیلگ ءَ ممکن اِنت۔ آئی ءَ گوشت کہ ترکی ءِ ھمک کوچگاں یک پاکستانی یے گون اِنت، تو من ءَ وتی مسافر بہ لیک۔ وفاقی وزیر ءَ صدر رجب طیب اردوان ءِ سروکی ءَ ترکی ءِ معمولی پیشرفت ءَ را ستا کرزیں لیک اتگ۔ ترکی ءِ وزیر عبدالقادیروگلو ءَ پاکستان ءَ اقتصادی شریک آنی گوما کار کنگ ءِ جزم ءِ درشان کت وھدیکہ گند ءُ نند ءَ دوئیں وزیر آنی اے گپ ءِ سر ءَ تپاک کت کہ پاکستان ءُ ترکی ءِ کاروباری براتی آنی نیام ءَ وت مہ وتی سیادی ءَ را گیش کنگ وھد ءِ لوٹ اِنت۔ اے موہ ءِ سر ءَ پاک ترکی ءِ رابطہ ءِ کار آنی تہ ءَ دیمروئی ءِ واستہ چیئرمین این ایچ اے ءَ را فوکل پرسن ءِ بستار ءَ گچین کنگ بوت۔ دومی نیمگ ءَ وفاقی وزیر مواصلات ءَ سعودی عرب ءِ مواصلات ءِ نائب سیکرٹری ڈاکٹر رومہ رومہ ءَ گوں ھم گند ءُ نند کتگ۔ عبدالعالم خان ءَ گوشت کہ پاکستان ءُ سعودی عرب یک ءِ جان انت، دو جند انت، دوئیں ملک آنی مھکمیں سیادی پاکستانی الس ءِ واستہ شرف انت۔ سعودی ءِ ڈپٹی ڈپٹی سیکرٹری ءَ وفاقی وزیر ءَ را وتی ملک ءِ تر ءُ تاب ءِ دعوت دات ءُ کانفرنس ءِ جوانیں بندوبست ءِ توسیپ کت۔ سری لنکا ءِ ٹرانسپورٹ ءِ وزیر بمل راتھ نائیک ءِ گوما گند ءُ نند ءَ دوئیں رہشون آں یکجائی کاروباری موہ آناں گیش کنگ ءُ سیادی داروکیں اسٹیک ہولڈر آناں یکجا کنگ ءِ سر ءَ تپاک کت۔ سری لنکا ءِ وزیر ءَ دو نوکیں بندر ءُ ٹینک رسد ءِ مراگش آنی جوڑیشت ءِ واستہ ایکسپریشن آف انٹرسٹ ءِ دعوت دیگ بوتگ ءُ پاکستان ءِ کمک ءِ واھشت ءِ درشان کتگ۔ عبدالعالم خان ءَ سرجمیں رنگ ءَ کمک ءِ دل یکیمی دات ءُ گوشت کہ آیوکیں مشورہ ءَ پاکستان ءِ نیمگ ءَ چہ این ایل سی ءُ فرنٹیئر ورکس آرگنائزیشن بھر زوری کت کن اَنت۔ بمل رتھ نائیک ءَ بس ڈپو آنی نوکیں رنگ ءَ جوڑ کنگ ءِ منصوبگ ءِ تہ ءَ پاکستان ءِ نیمگ ءَ کمک ءِ ھم لوٹ کت، وھدیکہ دوئیں سروک آنی نیمگ ءَ بودھ دود ءُ ربیدگی ورثہ ءِ دیمروئی ءِ ھوالگ ءَ ھم ھیال ءُ لیکہ آنی درشان کنگ بوت۔ دومی نیمگ ءَ ایکو ءِ سیکرٹری جنرل ارشد مجید ءَ وفاقی وزیر مواصلات ءَ گوں ھم گند ءُ نند کتگ ءُ میاں اوستمانی ادارگی رابطہ کاری ءَ را دیمروئی دیگ ءُ ٹرانسپورٹ ءِ آسانی ءَ را گہتر کنگ ءِ سر ءَ سرجمیں رنگ ءَ تپاکی ءِ درشانی کتگ۔ گند ءُ نند ءِ ساھت ءَ اے گپ ءِ سر ءَ تپاک کنگ بوت کہ استنبول، تہران، اسلام آباد ءِ تجارت راہداری ءَ را گیش مھکم ءُ کارآمد جوڑ کنگ بیت۔