نائب مزن وزیر ءُ درئی کارانی وزیر سینیٹر محمد اسحاق ڈار ءَ گشتگ کہ پاکستان سلامتی کونسل ءِ غیر دائمی باسک ءِ بستار ءَ گیش پرامن، انصاف ءُ وشحالیں دنیا ءِ جوڑ کنگ ءِ ھاتر ءَ وتی کرد ءَ پیلو کنگ ءِ ھاتر ءَ جزمیگ  اَنت

اسلام آباد۔24اکتوبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاکستان 26-2025 ءِ مدت ءِ واستہ اقوام متحدہ ءِ سلامتی کونسل ءِ غیر دائمی باسک ءِ بستار ءَ گیش امن ءُ ایمنی ءُ وشھالیں دگنیا ءِ جوڑیشت ءِ واستہ وتی کرد ءَ پیلو کنگ ءِ واستہ جزم انت۔ اقوام متحدہ ءِ روچ ءِ موہ ءَ وتی کلوہ ءِ تہ ءَ نائب مزن وزیر ءَ جمعہ ءِ روچ ءَ گوشت کہ پاکستان امن، دیمروئی ءُ انسانی شرپ ءِ واستہ اقوام متحدہ ءِ منشور ءِ وعدہ ءَ را گیش مھکم کنگ ءِ واستہ اقوام متحدہ ءِ باسکیں ملک ءُ اقوام متحدہ ءِ نظام ءِ گوما کار کنگ ءِ واستہ تیاری ءِ یک رندے پدر کنت۔ آئی ءَ گوشت کہ پاکستان اقوام متحدہ ءِ منشور ءِ 80 سالی روچ ءِ موہ ءَ کثیر نیمگی ءِ ھوالگ ءَ وتی مھکمیں جزم ءِ پدا پدر کنگ ءَ میاں اوستمانی براتی ءَ گوں ھمگرنچ اِنت۔ ما باور کنیں کہ اقوام متحدہ ، دنیا ءِ نمائندہ ترین کثیر جہتی ادارگ ءِ بستار ءَ ، مشترکہ عالمی چیلنج آنی گیواری ءِ واستہ منفردیں پوزیشن ءَ انت ، ایشی ءِ تہ ءَ میاں اوستمانی امن ءُ ایمنی ءِ ھاترا مزنیں ھترہ ، بدترین انسانی بحران ، برجاھیں دیمروئی ءِ فرق ءُ موسمیاتی بحران ھوار انت۔ نائب مزن وزیر سینیٹر محمد اسحاق دار ءَ گوشت کہ پاکستان ءِ بانی قائداعظم محمد علی جناح ءِ وژن ءِ رھشونی ءَ پاکستان ءِ دری پالیشی اقوام متحدہ ءِ منشور ءِ اصول آنی تہ ءَ مھکمیں رنگ ءَ بندوک اِنت، ایشی ءِ تہ ءَ ریاست آنی وت واجہی ءِ برابری، مداخلت ءِ نہ کنگ، امن ءِ ھک ءُ وت مہ وتی ءِ جار جنگ ھوار اِنت۔ آئی ءَ گوشت کہ مئے راجدپتر ءَ چہ دیم پہ دیم بوھگ ءِ سر ءَ سفارتکاری، تنہائی ءِ سر ءَ ھوار بوھگ ءُ پولرائزیشن ءِ سر ءَ شریکداری ءِ یک مھکمیں ترجیح ءِ درشان اِنت۔ نائب مزن وزیر ءَ گوشت کہ کثرت پسندی ءِ ھوالگ ءَ مئے جزم ءِ اقوام متحدہ ءِ نظام ءِ تہ ءَ مئے دہائی آنی سر ءَ سرگرمیں بھر زوری ءَ چہ گندگ بیت۔ پاکستان 1960 ءَ چہ اقوام متحدہ ءِ امن کاروائی آنی تہ ءَ مزنیں فوجی کمک کنوکیں ملک آنی تہ ءَ یکے بوتگ ءُ امن ءِ کوھنیں مشن آنی تہ ءَ یکے اقوام متحدہ ءِ فوجی مبصر گروپ ہندوستان ءُ پاکستان (UNMOGIP) ءِ میزبان اِنت۔ آئی ءَ گوشت کہ اقوام متحدہ ءِ منشور ءَ چہ میاں اوستمانی کانود ءُ وت واجہی ءِ برجائی ءِ واستہ مئے اجتماعی جزم ءِ دوبر پدر کنگ بوتگ ءُ اے گپ ءِ سر ءَ اپسوز ءِ درشانی کتگ کہ اے آدرش آنی سر ءَ مدام ھلاپ ورزی کنگ بوھگ ءَ اِنت، گیشتریں رنگ ءَ بھارتی زیر انتظام جموں ءُ کشمیر ءُ فلسطین ءِ سرزمین آنی تہ ءَ۔ نائب مزن وزیر ایس اسحاق ڈار ءَ گوشت کہ کشمیری راج ءِ وت واجہی ءِ حق ءِ جائزیں واھشت ، چوش کہ اقوام متحدہ ءِ سلامتی کونسل ءِ سیادی داروکیں قرارداد آنی تہ ءَ ھوار انت، بھارت ءِ نیمگ ءَ چہ زالمیں سرکوب ءِ وسیلگ ءَ رد کنگ بوھگ ءَ انت، انچوش کہ غزہ مئے یکجائی انسانیت ءُ گلوبل یکوئی ءِ قبرستان جوڑ بوتگ۔ آئی ءَ گوشت کہ اقوام متحدہ ءِ سلامتی کونسل ءِ غیر دائمی باسک ءِ بستار ءَ پاکستان گیش امن، انصاف ءُ وشھالیں دگنیا ءِ جوڑ کنگ ءِ واستہ وتی کرد ءَ پیلو کنگ ءِ واستہ جزمیگ انت۔ نائب مزن وزیر ءَ گوشت کہ پاکستان ءَ اے سال ءِ جولائی ءَ سلامتی کونسل ءِ صدارت ءِ وھد ءَ تپاکی ءِ جوڑیشت ءِ واستہ نام ءُ شان جوڑ کتگ ایشی ءِ گوما اقوام متحدہ ءِ منشور ءِ اصول آناں دیمروئی دیگ ءِ تہ ءَ مئے برجائیں  کرد ءِ ھمراھی ءَ مارا ھما آسر آنی نیمگ ءَ کار کنگ ءِ وس ءُ واک رسیت کہ آ اقوام متحدہ ءِ تہ ءَ گیشیں باسک ءِ واھشت ءُ ترجیحات ءِ درشان ءَ کنت۔