مزن وزیر شہباز شریف ءَ گتر ءِ وزیر تجارت ءُ صنعت شیخ فیصل بن ثانی بن فیصل ال ثانی ءَ گوں گند ءُ نند کتگ، دو نیمگی بیپار ءُ سرمایہ کاری ءَ را گیش کنگ ءِ واستہ دو نیمگی سیادی ءَ را مھکم کنگ ءِ سر ءَ تپاک  

اسلام آباد۔24اکتوبر  (اے پی پی): پاکستان ءُ گتر ءِ نیام ءَ دو نیمگی بیپار ءُ سرمایہ کاری ءِ دیمروئی ءِ واستہ دو نیمگی سیادی ءَ را گیش مھکم کنگ ءِ سر ءَ تپاک کنگ بوتگ۔ مزن وزیر محمد شہباز شریف ءَ جمعہ ءِ روچ ءَ گتر ءِ وزیر تجارت ءُ صنعت شیخ فیصل بن ثانی بن فیصل ال ثانی ءَ گوں گند ءُ نند کت۔ گتر ءِ وزیر پاکستان ءُ گتر ءِ یکجائی وزارتی کمیشن ءِ ششمی دیوان ءِ شریک سروکی ءِ واستہ پاکستان ءِ تر ءُ تاب ءَ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پاکستان ءُ گتر ءِ سیادی ءِ جوانیں رھبند ءِ سر ءَ دل یکیمی ءِ درشان کت کہ ایشی ءِ بنیات یکجائی قدر، قدر ءُ وت مہ وتی احترام ءِ سر ءَ اِنت۔ مزن وزیر ءَ پاکستان ءِ یک ھاسیں شریک ءُ بااثریں دمگی ثالثی ءِ بستار ءَ گتر ءِ کرد ءَ را ساڑات۔ آئی ءَ دو نیمگی تجارتی ءُ سرمایہ کاری کمک ءَ را گیش کنگ ءِ سر ءَ زور پر دات، توانائی، کشت ءُ کشاری، فوڈ سیکیورٹی، انفارمیشن ٹیکنالوجی، سیل ءُ سواد ءُ انفراسٹرکچر ءِ دیمروئی ءِ تہ ءَ موہ آنی سر ءَ چمشانک دات۔ آئی ءَ پاکستان ءِ سرمایہ کار دوستیں پالیسی آنی سر ءَ زور پر دات ءُ گتری سرمایہ کار آناں حکومت ءِ ھاسیں سرمایہ کاری آسراتی کونسل ءِ فریم ورک ءِ چیر دستی ءَ کمک ءِ نوکیں راہ آنی شوھازگ ءِ دعوت دات۔ شیخ فیصل بن ثانی بن فیصل ال ثانی ءَ گتری حکومت ءِ دلجمیں واھشت آنی درشان کنان ءَ پاکستان ءِ گوما اقتصادی سیادی ءَ را گیش گیش کنگ ءِ واستہ گتر ءِ جزم ءِ پدا زور دات۔ آئی ءَ گوشت کہ جے ایم سی ءِ ششمی دیوان ءَ استیں کمک ءِ چار ءُ تپاسی ءِ واستہ یک ھاسیں پلیٹ فارم ءِ پجاری کت ءُ وت مہ وتی پائدگ مندیں شریکداری ءَ را دیم ءَ برگ ءِ واستہ نوکیں گامگیج آنی پجاری کت۔ مزن وزیر ءَ دمگی ءُ جھان ءِ جیڈھ آنی سر ءَ گتر ءِ برجاھیں کمک ءِ ساڑات ءُ دمگی ءُ کثیر نیمگی فورم آنی تہ ءَ کمک ءَ را گیش مھکم کنگ ءِ پاکستان ءِ واھشت ءِ سر ءَ پدا زور پر دات۔ دوئیں رہشوناں دو نیمگی سیادی ءَ را برجاہ دارگ ءِ سرا تپاک کتگ کہ مشترکہ مفاہمت ءَ را ٹھوس نتیجہ ءِ تہا بدل کنگ بہ بیت، ایشی ءِ تہا کاروبار ءَ چہ کاروبار (B2B) سیادی ءُ سرمایہ کاری منصوبہ آنی واستہ گیش آسراتی ھوار انت۔