پاکستان چہ کھپت ءِ بنیاد ءَ دیمروئی ءَ چہ سرمایہ کاری ءُ برآمد ءِ بنیاد ءَ دیمروئی ءِ نیمگ ءَ روگ ءَ اِنت، وزیر ءِ ھزانگ محمد اورنگزیب ءَ گوں ہالینڈ ءِ سفیر ءَ گپ ءُ تران

اسلام آباد۔23اکتوبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان چہ کھپت ءِ سر ءَ بنیات ءِ سر ءَ دیمروئی ءَ چہ سرمایہ کاری ءُ برآمدات ءِ سر ءَ بنیات ءِ سر ءَ دیمروئی ءِ نیمگ ءَ روگ ءَ اِنت۔ اے ھیالانی درشانی آئی ءَ پاکستان ءَ ہالینڈ ءِ سفیر رابرٹ جان سیگرٹ ءَ گوں گند ءُ نند ءَ کت۔ وزیر ءِ ھزانگ ءَ آئی ءَ را سفارتی اسائنمنٹ ءِ سر ءَ وش اتک کت ءُ پاکستان ءُ ہالینڈ ءِ نیام ءَ دیریں ، راجدپتری ءُ دوستی ءِ سیادی ءَ را ساڑات۔ آئی ءَ دیمروئی، تجارت ءُ نجی شعبہ ءِ بنیات ءَ گامگیج آنی تہ ءَ برجاھیں کمک ءِ ھاتر ءَ ھالند ءِ منت گپت۔ وزیر ءِ ھزانگ ءَ گوشت کہ اقتصادی استحکام ءِ مشکلیں دور ءَ چہ گوزگ ءَ پد پاکستان ءَ نوں پائیدار استحکام ءِ نیمگ ءَ دیمروئی کتگ، ایشی ءِ تہ ءَ سرمایہ کاری ءُ ڈھانچہ ءِ اصلاحات ءِ سر ءَ ھاسیں دلگوشی دیگ بوھگ ءَ انت۔ گوستگیں دو سال آنی تہ ءَ پاکستان ءِ اقتصادی اشاریہ آنی تہ ءَ مزنیں گہتری اتکگ ءُ ھر سئیں گلوبل ریٹنگ ایجنسی آناں اقتصادی رپوٹ آناں جوانیں رنگ ءَ داتگ۔ وزیر ءِ ھزانگ ءَ آئی ایم ایف پروگرام ءِ دیمروئی ءِ ھوالگ ءَ سفیر ءَ را سرپد کنان ءَ گوشت کہ آئی ایم ایف ءِ انتظامی ءَ پاکستان ءِ اصلاحات ءِ عمل ھاسیں رنگ ءَ ٹیکس اصلاحات، توان ءِ شوبگ ءِ برجائی، سرکاری ادارگ آنی تہ ءَ گورننس ءِ گہتری ءُ برجاھیں نجکاری ءِ ایجنڈا ءِ سر ءَ دل یکیمی ءِ درشان کتگ۔ آئی ءَ گوشت کہ حکومت ءِ مستریں دلگوشی سرمایہ کار آنی اعتماد ءَ را بحال کنگ ءُ نجی شوبگ ءِ واستہ توانمندیں چاگرد ءِ جوڑ کنگ اِنت۔ درملکی سرمایہ کار آناں منافع ءِ ٹرانسفر ءِ سر ءَ بندش آنی تہ ءَ نرمی کنگ بوتگ ءُ نوں منافع ءُ منافع ءِ حوالہ جات ہمک روچ ءِ رنگ ءَ برجاہ اِنت۔ آئی ءَ گیش گوشت کہ پاکستان نوں گوست ءِ بار باریں اقتصادی ردوم ءِ چکر ءَ را ٹوٹگ ءِ واستہ سرمایہ کاری ءِ سروک ءُ برآمد ءِ سر ءَ دیمروئی ءِ نیمگ ءَ روگ ءَ اِنت۔ وزیر خزانہ ءَ گوشت کہ خلیج ءِ ملک، یورپ، امریکہ ءُ چین ءِ سرمایہ کار آنی واستہ یک وڑ ءَ مزنیں سرمایہ کاری ءِ موہ است انت، ایشی ءِ تہ ءَ کان کنی، کشت ءُ کشاری، آئی ٹی، انفراسٹرکچر ءُ دواسازی ءِ شوبگ برجم انت۔ آئی ءَ گوشت کہ پاکستان نوں ڈن ءِ وام ءُ دو نیمگی ڈپازٹ آنی سر ءَ انحصار ءَ را کم کنگ ءِ واستہ دو نیمگی بیپاری ءُ سرمایہ کاری شریکداری ءِ وسیلگ ءَ برجمیں درملکی سرمایہ کاری ءِ نیمگ ءَ جنزگ ءَ انت۔ سینیٹر اورنگزیب ءَ گیش گوشت کہ حکومت ٹیکس نیٹ ءَ را گیش کنگ، غیر رسمی معیشت ءَ را کم کنگ ءُ تجارت، جائیداد ءُ کشت ءُ کشاری شوبگ آنی تہ ءَ منصفانہ ٹیکس ءِ سر ءَ عمل کنگ ءِ واستہ کار کنگ ءَ اِنت۔ آئی ءَ گوشت کہ جتاجتائیں شوبگ آنی تہ ءَ مالیاتی لیک ءِ گر ءُ دار ءِ واستہ آرٹیفیشل انٹیلی جنس ءِ بنیات ءَ ڈیجیٹل ریونیو مانیٹرنگ سسٹم جوڑ کنگ بوتگ۔ آئی ءَ گیش گوشت کہ سرکاری ادارگ آنی تہ ءَ اصلاحات ءِ کار بوھگ ءَ انت ایشی ءِ تہ ءَ وفاقی محکمہ آناں کم کنگ ءُ گچین بوتگیں ادارگ آنی نجکاری ھوار انت۔ حالی ئیں وھد ءَ یک مالیاتی ادارگ ءِ سوبمندیں نجکاری سرجم بوتگ وھدے کہ بجلی ءِ بھر ءُ بانگ کنوکیں کمپنی آنی نجکاری آیوکیں پڑ ءَ اِنت۔ وزیر خزانہ ءَ ہالینڈ ءِ برآمدات ءِ سرا مبنی اقتصادی ماڈل ءِ حوالہ ءَ گوشت کہ پاکستان ءَ را وتی صنعت آنی عالمی مقابلہ ءِ تہ ءَ گہتری ءِ ھم ضلورت اِنت۔ آئی ءَ گوشت کہ پاکستان ءَ کوھنیں تجارتی رکاوٹ آناں دور کنگ ءُ برآمد کنگ ءِ سر ءَ بنگریں معیشت ءِ دیمروئی ءِ واستہ آیوکیں چار پنچ سال آنی تہ ءَ کم کم ءَ گیشیں کسٹم ڈیوٹی آنی تہ ءَ کمی ءِ عمل بندات کتگ۔ اے موہ ءِ سر ءَ ڈچ ءِ سفیر ءَ پاکستان ءِ گوما دو نیمگی بیپاری ءُ سرمایہ کاری سیادی آناں گیش پراھی کنگ ءِ جزم ءِ یک رندے پدا گوشت۔ آئی ءَ گوشت کہ اے وھد ءَ پاکستان ءَ نزیک ءَ 50 ڈچ کمپنی کار کنگ ءَ اَنت ءُ نیدرلینڈ کشت ءُ کشاری، آئی ٹی، ٹیکسٹائل ءُ اے دگہ شوبگ آنی تہ ءَ نوکیں سرمایہ کاری ءِ موہ آنی شوھازگ ءَ دلگوش اِنت۔ آئی ءَ ہالینڈ ءِ دیمروئی مالیاتی ادارگ ءِ کرد ءِ ھم ھال دات کہ آؤکیں وھد ءَ پاکستان ءَ سرمایہ کاری منصوبگ آنی واستہ کمک پجاری کت کنت۔ سفیر ءَ برآمداتی شوبگ ءِ واستہ پاکستان ءِ جی ایس پی پلس ءِ درجہ سک باز المی لیک اتگ ءُ اے رد ءَ پاکستان ءِ فعال سفارتی کوشست آناں ساڑاتگ۔ آئی ءَ نوکیں جی ایس پی پلس سائیکل ءِ بندات ءِ گوما جوانیں ءُ جوڑیشت ءِ برجائی ءِ حکومت ءِ جزم ءِ ھم من اِت۔ سینیٹر محمد اورنگزیب ءَ دل یکیمی دات کہ پاکستان وتی اصلاحات ءُ عمل درآمد ءِ ذمہ واری آناں پیلو کنگ ءِ واستہ جزم انت ءُ یورپی یونین ءُ ایشی ءِ باسکیں ملک آنی گوما ہالینڈ ءَ ھوار مدام رابطہ ءَ مانیت۔ فریقین ءَ وت مہ وتی اقتصادی، تجارتی ءُ سرمایہ کاری کمک ءَ را گیش گہتر کنگ ءِ واستہ یکجائی ءَ کار کنگ ءِ واستہ جزم ءِ درشان کت۔