وفاقی وزیر تعلیم ڈاکٹر خالد مقبول صدیقی ءَ اقوام متحدہ ءِ سڑک آنی ایمنی ءِ ھاسیں نمائندہ ءَ گوں گند ءُ نند

اسلام آباد۔23اکتوبر  (اے پی پی): اقوام متحدہ ءِ سیکرٹری جنرل ءِ ھاسیں نمائندہ ژاں ٹوڈ  ءَ وانگ ءُ زانگ ءُ پیشہ وارانہ تربیت ءِ وفاقی وزیر ڈاکٹر خالد مقبول صدیقی ءَ گوں گند ءُ نند کت۔ پنچ شمبے ءِ روچ ءَ برجم داشتگیں گند ءُ نند ءَ نودربر آنی تہ ءَ روڈ سیفٹی ءِ بابت ءَ سرپدی پیداک کنگ ءِ واستہ جاری ءُ آیوکیں گامگیج، وانگ ءُ زانگ ءِ ادارگ آنی تہ ءَ روڈ سیفٹی ءِ وانگ ءُ زانگ ءِ دیمروئی ءُ اقوام متحدہ ءِ گوما کمک ءِ گیشیں موہ آنی سر ءَ گپ ءُ تران کنگ بوت۔ ڈاکٹر خالد مقبول صدیقی ءَ اے موہ ءِ سر ءَ گوشت کہ سڑک آنی ایمنی نودربر آنی وشھالی ءُ ایمنیں آیوکیں باندات ءِ واستہ سک باز بنیات انت۔ آئی ءَ یک رندے پدا گوشت کہ حکومت وانگ ءُ زانگ ءِ وسیلگ ءَ زمہ وار ءُ   جوانیں  شہری آناں دیمروئی دیگ ءِ واستہ جزم انت۔ وفاقی وزیر ءَ گوشت کہ روڈ سیفٹی ءِ وانگ ءُ زانگ راجی نصاب ءِ تہ ءَ ھوار کنگ بوتگ، ءُ نودربر آناں بنداتی تبک آنی تہ ءَ ٹریفک سگنل ءُ سڑک ءَ چہ گوزگ ءِ ایمنیں راہ آنی وانینگ بوھگ ءَ اِنت۔ آئی ءَ گیش گوشت کہ فیڈرل ڈائریکٹوریٹ آف ایجوکیشن (ایف ڈی ای) موٹروے پولیس ءِ کمک ءَ نودربر آنی تہ ءَ روڈ سیفٹی ءِ بابت ءَ سرپدی ءِ مہم ءَ را برجاہ دارگ ءَ اِنت، ءُ نودربر آنی تہ ءَ استاد آنی تربیت ءُ مقابلہ ھم سڑک آنی سر ءَ محتاطیں رویہ ءِ دیمروئی ءِ واستہ کمکی ثابت بوھگ ءَ اِنت۔ ڈاکٹر خالد مقبول صدیقی ءَ زور پر دات کہ ھاسیں زھگانی ادارگ ھم سڑک آنی رکھینگ ءِ کار آنی تہ ءَ سرگرمیں رنگ ءَ بھر زوری کنگ ءَ اَنت، ایشی ءَ چہ سرپدی ءِ عمل ءَ ھوار ءُ شمولیت ءِ دیمروئی کنگ بوھگ ءَ اِنت۔ آئی ءَ گوشت کہ وفاقی وانگ ءُ زانگ ءُ پیشہ وارانہ تربیت ءِ وزارت سرجمیں پاکستان ءَ سڑک آنی ایمنی ءَ را دیمروئی دیگ ءِ واستہ اقوام متحدہ ءِ گوما نزیکی ءَ کار کنگ ءِ واھشت مند اِنت۔ راجی نصاب کونسل ءَ سڑک ءِ ایمنی ءَ گوں سیادی داروکیں مضمون درستیں تبک ءِ نصاب ءَ ہوار کتگ انت۔ آئی ءَ گوشت کہ مئے یکجائی مول ءُ مراد وانگ ءُ زانگ ءِ وسیلگ ءَ ٹریفک ءِ رکھینگ ءَ را دیمروئی دیگ اِنت۔ ہدف حادثہ ءُ مرگ ءِ کم کنگ انت۔ آئی ءَ گوشت کہ پاکستان وانگ ءُ زانگ ءِ وسیلگ ءَ ایمنیں باندات ءِ بنیات ءَ ایر کنگ ءَ انت۔