وفاقی حکومت ملکی ءُ درملکی سرمایہ کار آنی دلبڈی ءَ کنگ ءَ اِنت، نوکیں کاروبار بندات کنگ ءِ تہ ءَ رکاوٹ ءُ جیڑھانی گیش ءُ گیوار حکومت ءِ اولی ترجی آنی تہ ءَ ھوار اِنت، مزن وزیر محمد شہباز شریف ءِ نمائندہ صنعتی ءُ کاروباری مردمانی گوما گپ ءُ تران

اسلام آباد۔23اکتوبر  (اے پی پی): مزن وزیر محمد شہباز شریف ءَ گوشت کہ وفاقی حکومت ملکی ءُ درملکی سرمایہ کار آناں دلبڈی دیگ ءَ اِنت، نوکیں کاروبار بندات کنگ ءِ تہ ءَ رکاوٹ ءُ جیڈھ آناں گیواری حکومت ءِ اولی ترجی آنی تہ ءَ ھوار اِنت، برآمدات ءِ تہ ءَ دیمروئی ءِ جوانیں اشارہ ءُ نوکیں اقتصادی دیمروئی ءِ تہ ءَ بدلی آرگ بوت کنت۔ مصنوعات ءُ کاروبار ملک ءِ تہا نہ ایوک ءَ دمگی بلکیں عالمی سطح ءَ دلکش حکومت ءِ اقتصادی ہدف انت، وفاقی حکومت ءِ ادارہ آں چہ ماہرین ءُ کاروباری مردمانی سفارشات ءِ سرا حکمت کاری ءَ را گیش گہتر کن انت پہ سرجمیں اقتصادی دیمروئی ءَ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے ھیالانی درشانی معیشت ءُ صنعت ءِ جتا جتائیں شوبگ آنی نمائندگی کنوکیں صنعتی ءُ کاروباری مردم آں گوں تران کنان ءَ کت آھاں مزن وزیر ءَ گوں گند ءُ نند کت۔ گند ءُ نند ءَ معیشت ءُ صنعت ءِ جتاجتائیں شوبگ آنی نمائندگ آں وتی وتی جیڈھ ءُ حکومتی جتاجتائیں گامگیج آنی واستہ سفارشات دیم ءَ آؤرتگ اَنت۔ گند ءُ نند ءَ ملکی معیشت ءَ را گہتر کنگ ءُ سرمایہ کاری ءِ تہ ءَ گیشی ءِ واستہ کاروباری اعداد و شمار ءِ نیمگ ءَ پیش کتگیں سفارشات آنی سر ءَ چار ءُ تپاسی کنگ بیت۔ گند ءُ نند ءَ وفاقی وزیر  خزانہ محمد اورنگزیب، وفاقی وزیر  توانائی سردار اویس احمد خان لغاری، وفاقی وزیر اکنامک افیئرز ڈویژن احد خان چیمہ، وفاقی وزیر  ریلوے حنیف عباسی، وفاقی وزیر اطلاعات و نشریات عطاء اللہ تارڑ،  وفاقی وزیر تجارت جام کمال ،وفاقی وزیر قومی تحفظ خوراک رانا تنویر حسین، وفاقی وزیر انفارمیشن ٹیکنالوجی شزا فاطمہ خواجہ، وزیر مملکت برائے خزانہ بلال اظہر کیانی  ءُ ہمگرنچیں وزارت آنی کارندہ آں گوں ھوار انت۔  مزن وزیر ءَ توامیں نمائندگ آنی سفارشات ءِ رد ءَ جوانیں حکمت کاری جوڑ کنگ ءِ ہدایت جاڑی کت تانکہ کاروباری مردم آنی کمک ءَ گوں ملکی معیشت ءَ را برجمیں دیمروئی ءُ جوانیں رھشونی ءِ نیمگ ءَ برگ بہ بیت۔ گند ءُ نند ءَ صنعتی پیداوار ءِ ھرچ ءُ درچ ءَ را کم کنگ ءِ امکانات ءِ سر ءَ سرجمی ءَ گپ ءُ تران کنگ بیت، ایشی ءَ را دمگی تک ءَ ایندگہ ملک آنی پیداوار آنی مقابلہ ءَ گیش دلکش جوڑ کنگ ءُ پاکستان ءَ صنعت ءُ تجارت ءِ تہ ءَ میاں اوستمانی سرمایہ کاری ءِ را وتی نیمگ ءَ رازیگ کنگ ءِ امکانات آنی سر ءَ سرجمی ءَ گپ ءُ تران کنگ بیت۔ کاروباری شخصیت ءَ حکومتی گامگیج آنی رد ءَ جتاجتائیں شوبگ آنی تہ ءَ اقتصادی استکارندہ ءِ توسیپ کت ءُ گوشت کہ اے جوانیں پڑ ءَ گیش جوانیں رنگ ءَ کار کنگ ءَ چہ ملک ءِ اقتصادی جاور آناں سرمایہ کاری ءِ واستہ گیش سازگار جوڑ کنگ بوت کنت۔ مزن وزیر ءَ گوشت کہ ملکی برآمدات ءِ تہ ءَ گیشی ئُُ نوکیں صنعت آنی برجائی ءِ جوانیں اشارہ آناں زوتاں چہ زوت اقتصادی برجائی ءِ تہ ءَ مٹ کنگ بوت کنت۔ وفاقی حکومت ملکی ءُ درملکی سرمایہ کار آناں یک پیم ءَ دلبڈی دنت ءُ نوکیں کاروبار کنگ ءِ تہ ءَ ھرچ وڑیں رکاوٹ ءُ جیڈھ آناں گیواری حکومت ءِ اولی ترجی آنی تہ ءَ ھوار اِنت۔ مزن وزیر ءَ گوشت کہ ملک ءَ صنعتی ءُ اقتصادی دیمروئی ءِ واستہ کاروباری مردم آناں ھمک رنگ ءِ آسراتی پجاری حکومت ءِ اولی ترجی آنی تہ ءَ یک انت۔ ملک ءِ معیشت ءِ دراجیں مدت ءِ دیمروئی ءِ واستہ سرکاری ءُ جندی شعبہ آنی نیام ءَ وت مہ وتی ءُ کاری کمک ءِ وسیلگ ءَ جوانیں آسراتی رسگ ءَ انت۔ مزن وزیر ءَ گوشت کہ ملک ءَ ملکی پیداوار ئُُ کاروبار ءَ را نا ایوک ءَ دمگی بلکینگ ءَ جھان ءِ تک ءَ دلکش جوڑ کنگ حکومت ءِ اقتصادی مکسد اِنت۔ وفاقی حکومت ءُ درستیں سیادی داروکیں ادارگ ملک ءِ جوانیں اقتصادی شاھد آناں راجی دیمروئی ءُ وشھالی ءِ رنگ ءَ الس ءَ را سر کنگ ءِ ھاترا شپ ءُ روچ کار کنگ ءَ انت۔ مزن وزیر ءَ گوشت کہ حکومت میاں اوستمانی تجارت ءِ گوما ھوار مینوفیکچرنگ ءُ پروسیسنگ ءِ شوبگ ءَ درملکی سرمایہ کاری ءَ را آرگ ءِ واستہ جوانیں گامگیج کنگ ءَ انت۔ اقتصادی دیمروئی ءِ ھاتر ءَ گلوبل کمپنی آنی نیمگ ءَ چہ سرمایہ کاری ءَ ابید ملکی صنعت آنی دیمروئی ءِ ھاتر ءَ زبردستیں رنگ ءَ کار کنگ بوھگ ءَ اِنت۔