مزن وزیر ورنا پروگرام ءِ چیر دستی ءَ شاہوکاریں  ءُ زانتکاریں نودربر آنی نیام ءَ لیپ ٹاپ ءِ بھر ءُ بانگ 30اکتوبر ءَ چہ بندات کنگ بیت

اسلام آباد۔23اکتوبر  (اے پی پی): مزن وزیر ورنا پروگرام ءِ چیر دستی ءَ شاہوکاریں  ءُ زانتکاریں نودربر آنی نیام ءَ لیپ ٹاپ ءِ بھر ءُ بانگ 30اکتوبر ءَ چہ بندات کنگ بیت۔مزن وزیر ورنا پروگرام ءِ کارندہ ءِ رد ءَ اے پروگرام ءِ چیر دستی ءَ سرجمیں ملک ءَ یک لکھ ازمکاریں نودربر آناں مفت لیپ ٹاپ پجارینگ بیت۔ اے درگت ءَ مستریں مراگش جناح کنونشن سینٹر اسلام آباد ءَ برجم دارگ بیت۔ مستریں مراگش ءَ پد صوبائی دارالحکومت آنی تہ ءَ ھم مراگش برجم دارگ بنت۔ مزن وزیر ورنا پروگرام ءِ چیر دستی ءَ باصلاحیت ءُ زانتکاریں ورنا آناں لیپ ٹاپ بھر ءُ بانگ کنگ بیت۔ مزن وزیر یوتھ پروگرام لیپ ٹاپ ٹاپ اسکیم ءِ کامیابیں اُمیت وار آنی لسٹ ہائیر ایجوکیشن کمیشن ءِ نیمگ ءَ چہ شنگ کنگ بیت۔ چیئرمین مزن وزیر ءِ ورنا پروگرام رانا مشہود احمد خان ءَ گوشت کہ ورنا آناں توانمند جوڑ کنگ ءِ واستہ ایندگہ شوبگ آنی تہ ءَ ھمک رنگ ءِ آسراتی پجاری ءِ واستہ جزمیگ آں۔