بلوچ مہلوک ناشرکارانی ھلاپ ءَ ڈنی   ارش ءُ جوانیں کارروائی ءِ ھاتر ءَ پاک فوج ءَ را شگر ءُ منت پیش کن انت

اسلام آباد۔23اکتوبر  (اے پی پی): بلوچ راج ءَ ناشرکارانی ھلاپ ءَ ڈنی  اُرش ءُ جوانیںیں کارروائی ءِ پاکستان آرمی ءَ را شگر ءُ منت گپت۔ کوئٹہ ءِ الس ءَ اوگان طالبان ءِ بے سوبیں زوراکی ءِ ھلاپ ءَ پاک فوج ءِ نیمگ ءَ وھد ءِ سر ءَ گامگیج ءِ سر ءَ سرجمیں دل یکیمی ءِ درشان کتگ۔ شہریاں گشتگ کہ اوگان سرکار پاکستان ءِ تہا استیں  کنوکیں ناشرکار آناں  زوت کنٹرول بہ کنت، ءُ اوگانستان ءَ استیں خوارج ءِ دراہیں پناہ گاہ ءُ اڈہ زوت ھلاس کنگ بہ بنت۔ پاکستان ءَ باز رند ءَ چہ اوگانستان ءِ سرکار ءَ لوٹ کرتگ کہ آ وتی سرزمین ءَ پاکستان ءِ ھلاپ ءَ کارمرد کنگ ءَ مئیل بہ کنت بلے وھدے کہ اوگانستان ءِ سرکار ءَ ھچ وڑیں گامگیج نہ زرتگ گڑا پاکستان ناشرکارانی ھلاپ ءَ کارروائی کنگ ءَ لاچار بوتگ ۔ شہری آں گوشت کہ پاکستان ءِ سرکار ءَ باز رند ءَ اوگان سرکار ءَ چہ لوٹ کتگ کہ پاکستان ءَ ناشرکار آنی پینگ جنی ءَ را بند کنگ بہ بیت، پرچا کہ اے ناشرکار دمگ ءَ امن ءُ ایمنی ءَ را ھراب کنگ ءَ اَنت۔ شہریاں گشتگ کہ خوارج ءِ پناہ گاہ کہ پاکستان ءِ ہلاپ ءَ کارمرد کنگ بوہگ ءَ اتنت ہلاس کنگ بوتگ انت۔ آئی ءَ گوشت کہ ما وتی اوگان برات آناں ھمک رنگ ءِ کمک کتگ۔ اوگانستان ءِ بابت ءَ جیڑگی اِنت کہ آ ھندوستان ءِ دست ءَ ٹولی یے مہ بیت۔ پاکستانی اُرد ءَ راج ءِ توار ءِ گوش دارگ ءَ ناشرکار ھلاس کت اَنت۔