بار ایسوسی ایشن عدالتی نظام ءِ مھکم کنگ ءِ تہ ءَ کلیدی کرد پیلو کنگ ءَ اَنت، وزارت ءِ کانود ءُ انصاف وتی پیشہ وارانہ لوٹ آنی واستہ ھرچ وڑیں کمک ءِ دیم ءَ برگ ءَ اِنت، وفاقی وزیر کانود ءُ انصاف اعظم نظیر تارڑ

اسلام آباد۔23اکتوبر  (اے پی پی): وفاقی وزیر برائے کانود اعظم نظیر تارڑ ءَ گوشت کہ بار ایسوسی ایشن عدالتی نظام ءِ مھکم کنگ ءَ کلیدی کرد پیلو کنگ ءَ انت، وزارت کانود ءُ انصاف ایشانی پیشہ وارانہ لوٹ آنی واستہ ھمک رنگ ءِ کمک ءَ را برجاہ دار ایت۔ وزارت ءِ کانود ءُ انصاف ءِ جارکش ءِ رد ءَ آئی ءَ پنچ شمبے ءِ روچ ءَ جتا جتائیں وکیل آنی ڈل آنی گوما گند ءُ نند ءَ اے ھیال آنی درشانی کتگ۔ اے وکیلانی ڈلانی تہا راولپنڈی ڈسٹرکٹ بار ایسوسی ایشن، گجرانوالہ، پٹوکی، پنڈی گب، کوٹلی ستیان ءُ سوہاوا بار ایسوسی ایشن ءِ نمائندگ ہوار اتنت۔ گند ءُ نند ءِ ساھت ءَ وکیلاں بار روم ءُ کتابجاہ آنی نوک کنگ ءِ تہ ءَ وزیر ءِ کانود ءِ کمک ءِ منت گپت۔ اعظم نظیر تارڑ ءَ گوشت کہ وفاقی حکومت ءِ نیمگ ءَ چہ قانونی چاگرد ءِ وشھالی ءِ واستہ گامگیج آیوکیں وھد ءَ ھم برجاہ بنت۔ آئی ءَ گوشت کہ بار ایسوسی ایشن عدالتی نظام ءِ مھکم کنگ ءِ واستہ کلیدی کرد پیلو کنگ ءَ انت ءُ وزارت ءِ کانود ءُ انصاف ایشانی پیشہ وارانہ لوٹ آنی واستہ ھمک رنگ ءِ کمک ءَ را برجاہ دار ایت۔ وزیر قانود ءِ ہدایت ءِ رد ءَ بار ایسوسی ایشن آنی واستہ گرانٹ ان ایڈ ھم جاری کنگ بوتگ تانکہ وکیل آناں جوانیں آسراتی رس ایت۔ وکیلانی ڈلاں حکومت ءِ کمک ءَ را وش آتک ءُ ستا کرزیں لیک اتگ ءُ گشتگ کہ اے گامگیج قانونی چاگرد ءَ را گیش مھکم ءُ فعال کنگ ءَ کمک کن انت۔