راجی فوڈ سیکیورٹی ءُ ریالائزیشن ءِ وفاقی وزیر ءَ گتری نمائندہ ءَ گوں گند ءُ نند کتگ، زراعت ءِ شوبگ ءَ کمک ءِ دیمروئی ءِ ھاتر ءَ گپ ءُ تران کتگ، برات ءِ سیادی ءَ را اقتصادی شراکت داری ءَ بدل کنگ ءِ ھاتر ءَ گپ ءُ تران

اسلام آباد۔22اکتوبر  (اے پی پی): پاکستان ءَ گتر ءِ سفیر علی بن مبارک الخاطر ءَ راجی وردن ءِ سلامتی ءُ ریالائزیشن ءِ وفاقی وزیر رانا تنویر حسین ءَ گوں گند ءُ نند کت۔ اے گند ءُ نند ءَ دوئیں ملک آنی نیام ءَ کشت ءُ کشاری شوبگ ءَ دو نیمگی کمک ءَ را دیمروئی دیگ ءُ براتی سیادی آناں اقتصادی شریکداری ءَ را بدل کنگ ءِ آسراتی آنی بابت ءَ تفصیل ءِ تبادلہ کنگ بوت۔ چار شمبے ءِ روچ ءَ راجی فوڈ سیکیورٹی ءِ وزارت ءِ نیمگ ءَ جاڑی بوتگیں پریس ریلیز ءِ رد ءَ وفاقی وزیر ءَ گتری سفیر ءِ پجارینگ ءِ وھد ءَ گوشت کہ پاکستان ءُ گتر ءِ نیام ءَ گہتریں، براتی سیادی است انت، ایشی ءِ بنیات وت مہ وتی بھروسہ، شرپ ءُ یکجائی قدر ءُ قیمت آنی سر ءَ انت۔ آئی ءَ گوشت کہ پاکستان ھمک مشکلیں وھد ءَ گتر ءِ گوما اوشتاتگ، ما یکیں راج ایں، دیمروئی ءُ وشھالی ءِ مکسد یکجائی انت۔ رانا تنویر حسین ءَ اے گپ ءِ سر ءَ دلپدردی ءِ درشانی کت کہ مھکمیں سفارتی ءُ دود ءُ ربیدگی سیادی ءِ باوجود پاکستان ءُ گتر ءِ نیام ءَ کشت ءُ کشاری شوبگ ءَ کمک کم انت ءُ دمگ ءِ ایندگر ملک ھاسیں رنگ ءَ بھارت ءِ مقابلہ ءَ پاکستان ءِ کشت ءُ کشاری ءِ برآمدات گتر ءَ سک کم انت۔ آئی ءَ گوشت کہ پاکستان ءَ مزنیں کوالٹی ءِ کشت ءُ کشاری مصنوعات ءِ پھجارینگ ءِ واستہ مزنیں صلاحیت است انت ھاسیں رنگ ءَ حلال گوشت، میوہ، سبزی، برنج ءُ جانور آنی وردن ءِ پجارینگ ءِ واستہ۔ وفاقی وزیر ءَ گوشت کہ استیں حکومت ءِ وژن ءِ چیر دستی ءَ سرمایہ کاری ءَ را دیمروئی دیگ ءِ واستہ کاروبار دوستیں چاگرد پجاری کنگ بوھگ ءَ انت۔ آئی ءَ کشت ءُ کشاری ءِ شوبگ ءَ یکجائی ورکنگ گول ءِ جوڑ کنگ ءِ سوج دات تانکہ دو نیمگی کمک ءِ واستہ باقاعدہ فریم ورک جوڑ کنگ بہ بیت ءُ اسٹریٹجک منصوبگ آنی پجار کنگ بہ بیت۔ رانا تنویر حسین ءَ گتری سفیر ءَ را پاکستان ءِ نوکیں کشت ءُ کشاری پیداوار آنی بابت ءَ ھم سرپدی دات، ایشی ءِ تہ ءَ اُشتر ءِ شیر ءِ پاؤڈر ءِ پروسیسنگ ءُ برآمد ھم ھوار اِنت۔ اے شیر پیسر ءَ چہ امریکہ ءُ برطانیہ ءَ برآمد کنگ بوھگ ءَ اِنت ءُ سعودی عرب ءَ ھم دلگوشی ءِ درشانی کتگ۔ آئی ءَ گیش گوشت کہ پاکستان ءِ روڈس گراس ءِ برآمد کنگ ءُ فیڈ لاٹ چربی ءِ فارم آناں صنعتی جوڑ کنگ ءِ منصوبگ است انت، ایشی ءَ چہ گتر ءِ وردن ءُ چارہ ءِ ضلورت آناں پیلو کنگ بوت کنت۔ آئی ءَ گوشت کہ مئے حکومت ءَ گتری سرمایہ کار آناں پاکستان ءِ کشت ءُ کشاری شوبگ ءَ سرمایہ کاری ءِ واستہ گرمیں دعوت داتگ، ءُ ما ھرچ تک ءُ پھنات ءَ آسراتی، گارنٹی ءُ ھمگامیں ھمگرنچی ءِ پھجارینگ ءَ ایں ۔ گتر ءِ تر ءُ تاب ءَ اتکگیں علی بن مبارک الخاطر ءَ آئی ءِ وش اتک ءِ منت گپت ءُ پاکستان ءِ گوما سیادی ءَ را گیش مھکم کنگ ءِ واستہ وتی جزم ءِ پدا زور دات۔ آئی ءَ گوشت کہ پاکستان ءِ تہ ءَ مزنیں کشت ءُ کشاری وسیلگ ءُ ہنرمندیں کارکن است انت، کہ آ گتر ءِ فوڈ سیکیورٹی وژن 2030ءِ تہ ءَ کلیدی کرد پیلو کت کنت۔ آئی ءَ وتی سرجمیں کمک ءِ درشان کنان ءَ سوج دات کہ دوئیں ملک آناں فوکل پرسن ءِ گچین کنگ بہ بیت تانکہ منصوبگ آنی برجاھیں ھمگرنچی ءُ دیمروئی ءَ را دل یکیمی کنگ بہ بیت۔ دوئیں نیمگ ءَ کشت ءُ کشاری شوبگ ءَ گیشیں کمک ءِ واستہ مفاہمت نامہ ءِ سر ءَ کار کنگ ءُ کاروباری تک ءَ سیادی ءَ را گیش مھکم کنگ ءِ سر ءَ تپاک کنگ بوتگ۔ رانا تنویر حسین ءَ گوشت کہ پاکستان ءُ گتر ایمان، برات ءُ دوستی ءِ بندوک انت ءُ پاکستان گتر ءِ فوڈ سیکیورٹی ءِ مول ءُ مراد آنی سرجمی ءِ واستہ یک معتبریں شریک ءِ بستار ءَ وتی سرجمیں کرد ءَ پیلو کنگ ءَ تیار انت۔