پاک بحریہ ءِ جہاز یرموک  ءَ  سعودیہ  ءِ سروکی ءَ منشیات ءِ ھلاپ ءَ آپریشن ءَ 972 ملین ڈالر ءِ منشیات ضبط کتگ،   آئی ایس پی آر

راولپنڈی۔22اکتوبر  (اے پی پی): سعودیہ  ءِ سروکی ءَ یکجاھیں میری ٹائم فورسز ءِ یکجاھیں ٹاسک فورس (سی ٹی ایف -150)  ءِ چیر دستی ءَ کار کنگ ءَ پاک بحریہ ءِ جہاز یرموک ءَ گوریچانی   بحیرہ عرب  ءَ منشیات ءِ ھلاپ ءَ سوبمندیں آپریشن کتگ ایشی ءِ آسر ءَ 972  ملین ڈالر ءِ کساس ءَ منشیات ضبط کتگ۔  چار شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ اے سوبمندی پاک بحریہ ءِ دمگی میری ٹائم سیکورٹی، جھان ءِ ایمنی  ءُ زر  ءَ ناجائزیں سمگلنگ ءِ ھلاپ ءَ اجتماعی جنگ ءِ واستہ بے دروریں جزم ءِ سر ءَ پدر اِنت۔ کثیر القومی سی ٹی ایف -150ءِ دلگوشی زرئی برجائی ءَ را دل یکیمی کنگ ءُ جہلیں زر ءَ ناشرکاری ءُ ناجائزیں کاروائی آنی گر ءُ دار ءِ سر ءَ انت ایشی ءِ بھر ءِ رد ءَ پی این ایس یرموک ءِ سوبمندیں آپریشن بحر ہند ءِ مزنیں دمگ ءَ امن ءُ ایمنی ءِ نیمگ ءَ مزنیں گامگیج انت۔ پاک بحریہ ءِ سروک ایڈمرل نوید اشرف ءَ منشیات ءِ ھلاپ ءَ سوبمندیں آپریشن ءِ سر ءَ پی این ایس یرموک ءِ جہاز ءِ کارندہ آنی پیشہ وارانہ ءُ لگن ءِ توسیپ کت۔ آئی ءَ اے گپ ءِ سر ءَ زور پر دات کہ پاک بحریہ کمک ءُ یکجاھیں میری ٹائم سیکورٹی کوشست آنی وسیلگ ءَ جھان ءِ تک ءَ وتی کرد ءَ پیلو کنان ءَ راجی زرئی نپ آنی رکھینگ ءِ وتی مشن ءِ سر ءَ مھکم اِنت۔ نیول چیف ءَ اے گپ ءِ سر ءَ زور پر دات کہ سعودیہ  ءِ سروکی ءَ ٹاسک فورس ءِ چیر دستی ءَ پی این ایس  یرموک ءِ آپریشن ءَ چہ دوئیں بحریہ آنی نیام ءَ وت مہ وتی کمک ءَ را گیش گیش کنگ ءُ پاکستان ءُ سعودی عرب ءِ نیام ءَ دیمپانی کمک ءَ را مھکم کنگ بیت۔