صدر آصف علی زرداری ءَ پاک بحریہ ءِ جہاز یارموک ءَ را منشیات ءِ ھلاپ ءَ سوبمندیں آپریشن ءِ پد ءَ مبارکی دات

اسلام آباد۔22اکتوبر  (اے پی پی): صدر آصف علی زرداری ءَ سعودی ءِ سروکی ءَ یکجائی میری ٹائم ٹاسک فورس ءِ چیر دستی ءَ کنگ بوتگیں آپریشن ءَ را وت مہ وتی کمک ءِ مزنیں مثال لیک اِتگ ءُ گوشت کہ پاک بحریہ ءِ اے کارنامہ راجی شان ءُ پیشہ وارانہ رنگ ءِ درپشناکیں مثال اِنت۔ چار شمبے ءِ روچ ءَ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ پاک بحریہ ءِ جہاز یرموک ءَ را منشیات ءِ ھلاپ ءَ سوبمندیں آپریشن ءِ سر ءَ مبارکی دات ءُ گوشت کہ یرموک ءِ سوبمندی پڑ ءَ امن ءُ ایمنی ءِ واستہ پاک بحریہ ءِ جزم ءِ درشان اِنت۔ صدر آصف علی زرداری ءَ گوشت کہ منشیات ءِ ھلاپ ءَ اے مزنیں آپریشن ءَ چہ جھان ءِ امن ءُ دریائی ایمنی ءِ واستہ پاکستان ءِ کرد ءَ را پدر کنگ بیت۔ صدر ءِ مملکت ئَ سعودی ءِ سروکی ئَ یکجائی میری ٹائم ٹاسک فورس ءِ چیر دستی ئَ برجم داشتگیں آپریشن ئَ را وت مہ وتی کمک ءِ مزنیں درور  لیک اتگ۔ آئی ءَ نیول چیف ایڈمرل نوید اشرف ءُ یرموک ءِ جہاز ءِ عملہ ءَ را وتی زبردستیں سوبمندی ءِ ھاتر ءَ شگر ءُ منت گپت۔ صدر ءِ مملکت ءَ گوشت کہ پاک بحریہ ءِ کرد جہانی تک ءَ پاکستان ءِ نام ءُ جوانیں امیج ءَ را مھکم کنگ ءَ انت۔