وزیراعظم شہباز شریف اینو(سے شنبے نادے آ) ملک اٹی پوسکن آ ٹیکنالوجی نا بنداو آ شونداری و ڈیجیٹل زرگزران نا مون آ دننگ کن آئی ٹی پروگرام نا باقاعدہ بناءِ کیک

اسلام آباد۔ 21 اکتوبر (اے پی پی) وزیراعظم محمد شہباز شریف اینو(سے شنبے نادےآ) ملک اٹی پوسکن آ ٹیکنالوجی نا بنداو آ شونداری و ڈیجیٹل زرگزران نا مون آ دننگ کن انفارمیشن ٹیکنالوجی (آئی ٹی) پروگرام نا باقاعدہ بناءِ کیک۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم نا ڈیجیٹل پاکستان وژن نا ردٹ آئی ٹی پروگرام نا بناءِ کننگ انگ ءِ ہرانا مسخت ملک اٹی پوسکن آ ٹیکنالوجی نا بنداو آ شونداری و ڈیجیٹل زرگزران نا مون آدننگ ءِ۔ وزیراعظم نا وژن نا رداٹ پاکستان ءِ ڈیہہ اٹی آئی ٹی نا مون آ بروک زرگزران نا وڑاٹ تالان کننگک، آئی ٹی پروگرام ورناتے ڈیجیٹل دور انا خواست آتون ہم گرنچ کننگ اٹ مزل نا نشان مریک، پروگرام نا بناءِ کننگ آن پاکستان اٹی آئی ٹی انڈسٹری کن سازگار چاگڑد ودی مریک۔ بنجائی دارالحکومت اسلام آباد اٹی اڈ ہلوک دود اٹی بنجائی وزیر، آئی ٹی چاہندار و اسٹارٹ اپ نمائندگان آک بشخ ہلیرہ۔ وزیراعظم پروگرام نا بناءِ کننگ نا وخت آ ڈیجیٹل پاکستان نا وژن ءِ مون آتخک۔ بیان نا رداٹ حکومت نا عزم ءِ کہ آئی ٹی نا مون آدننگ نا کمک اٹ قومی زرگزران ءِ سوگو بنداو فراوان کننگے۔ پوسکن آپروگرام نا رداٹ فری لانسنگ ، ای کامرس و سافٹ ویئر ڈویلپمنٹ نا بشخ آتیٹی آسراتی ودی مریک۔ آئی ٹی پروگرام آن ورناتیکن روزگار نا گیشتر وارخواہی ودی مریک۔ وزیراعظم نا پارت آ آئی ٹی انڈسٹری نا مون آ دننگ کن جوان پالیسی فریم ورک اس تیار کننگانے۔ پروگرام نا بنا ڈیجیٹل پاکستان وژن نا ہدف آتا پوروی نا کنڈآ اسہ اہم ءُ گام اسے۔