رانا تنویر حسین ءَ گوشتگ کہ  زیتون ءِ شوبگ پاکستان ءِ معیشت ءِ ھاتر ءَ یک  جوانیں در  ءِ سہرا  بوت کنت

اسلام آباد۔21اکتوبر  (اے پی پی): راجی وردن ءُ وراک ءِ سلامتی ءُ ریالائزیشن ءِ وفاقی وزیر رانا تنویر حسین ءَ گوشت کہ زیتون ءِ صنعت پاکستان ءِ واستہ وشھالی ءُ کشت ءُ کشاری وت واجہی ءِ نوکیں راہ پچ کت کنت۔ سئے شمبے ءِ روچ ءَ پاکستان اولوگ سروک دیوان 2.0 ءَ گوں تران کنان ءَ آئی ءَ گوشت کہ پاکستان ءَ زیتون ءِ پیداوار ءِ تہ ءَ وت واجہی ءِ ھاترا سرجمیں گنجائش است انت، ءُ اے کشار ءِ سبب ءَ ملک ءِ معیشت مھکم بیت۔ وزیر ءَ گوشت کہ زیتون ءِ تہ ءَ پاکستان ءِ گلوبل ایکسپورٹ برانڈ ءِ جوڑ بوھگ ءِ گنجائش است اِنت۔ حکومت زیتون ءِ شوبگ ءَ نوکیں پٹ ءُ پول، ٹیکنالوجی ءِ کارمردی ءُ کشت ءُ کشاری ءِ تربیت ءَ را دیم ءَ برگ ءَ اِنت تانکہ پیداوار ءِ تہ ءَ بازیں رند ءَ گیشی بوت کنت۔ رانا تنویر حسینی ءَ گوشت کہ زیتون ءِ شوبگ ءَ نجی شوبگ ءِ ھوار بوھگ وش اتک کنگ بیت، ءُ اے صنعت سرکاری ءُ نجی شریکداری ءِ تہ ءَ ترندی ءَ گوں دیمروئی کت کنت۔ آئی ءَ گوشت کہ برجم کشت ءُ کشاری آیوکیں وھد ءِ ناگزیریں ضلورت اِنت ءُ فوڈ سیکیورٹی مئے راجی اولی ترجی اِنت۔ آئی ءَ گیش گوشت کہ زیتون ءِ کشت ءُ کشار ءَ را دیمروئی دیگ ءَ پاکستان ءَ را دمگ ءَ نامداریں بستار رس ایت۔ حکومت یک اتحاد ءِ جوڑ کنگ ءَ انت کہ تعاون ءُ نوکیں پٹ ءُ پول ءِ وسیلگ ءَ زیتون ءِ شوبگ ءَ را مھکم کنت۔ رانا تنویر حسینی ءَ ورنا کشت ءُ کشاری ءِ سرا زور پر دات کہ آ زیتون ءِ کاشت ءُ گچین کاری ءِ تہا کلیدی کرد پیلو بہ کن انت۔ آئی ءَ گوشت کہ ما زیتون ءَ را پاکستان ءِ پجار جوڑ کن ایں، چیا کہ ایمن ءُ پائیدار وردن پاکستان ءِ وشیں آیوکیں وھد ءِ ضمانت اِنت۔