مزن وزیر شہباز شریف ءَ صنعتی ءُ کشت ءُ کشاری پیداوار ءِ تہ ءَ گیشی ءِ واستہ بجلی ءِ جوانیں کارمرد کنگ ءِ واستہ یک سرجمیں حکمت عملی ءِ جوڑ کنگ ءِ پنت ءُ شون  

اسلام آباد۔20اکتوبر  (اے پی پی): مزن وزیر محمد شہباز شریف ءَ وزارت توانائی ءَ را پنت ءُ شون کتگ کہ آ بجلی ءِ پیداوار ءِ جوانیں کارمردی ءِ وسیلگ ءَ صنعتی پیداوار ءُ زرعی پیداوار آناں گیش کنگ ءِ واستہ یک جامع حکمت عملی ءِ جوڑ بہ کنت ءُ گوشت کہ زرعی ءُ صنعتی شوبگ ءَ را ھرچ وڑیں آسراتی ءِ پھجاری حکومتی اولی ترجی آنی تہ ءَ ھوار اِنت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صنعتی ءُ کشت ءُ کشاری شوبگ آنی واستہ پاور ڈویژن ءِ گہتری پیکج ءِ ھوالگ ءَ مزن وزیر محمد شہباز شریف ءِ سروکی ءَ جائزہ دیوان بوتگ۔ مزن وزیر ءَ را پاور ڈویژن ءِ نیمگ ءَ بجلی ءِ پیداوار ءِ ھوالگ ءَ استیں گہتری  کار پیکج ءُ ملک ءَ ایشی ءِ سرجمیں ءُ جوانیں رنگ ءَ کارمرد کنگ ءِ ھوالگ ءَ بریفنگ دات۔ مزن وزیر ءَ پنت ءُ شون کت کہ پاور ڈویژن ملک ءِ صنعتی پیداوار ءِ تہ ءَ گیشی ءِ واستہ بجلی ءِ پُلائی ءِ ھوالگ ءَ سرجمیں ءُ جوانیں پالیسی سفارشات جوڑ بہ کنت۔ صنعتی پیداوار ءَ گوں سیادی داروکیں درستیں ادارگ صنعت کار ءُ سرمایہ کار آنی آسراتی ءِ واستہ ھرچ وڑیں گامگیج بہ زور اَنت۔ ملک ءَ برق ءِ پیداوار ءِ گیش ءَ چہ گیش مثبت کارمرد کنگ ءِ ھاتر ءَ پالیسی ءِ سر ءَ کار کنگ بہ بیت۔ آئی ءَ گوشت کہ صنعتی پیداوار ءُ کشت ءُ کشاری پیداوار ءِ تہ ءَ گیشی ءِ واستہ بجلی ءِ پیداوار ءَ را جوانیں رنگ ءَ کارمرد کنگ بوت کنت۔ مزن وزیر ءَ وزارت توانائی ءَ را بجلی ءِ پیداوار ءِ جوانیں کارمردی ءِ وسیلگ ءَ صنعتی ءُ کشت ءُ کشاری پیداوار ءِ تہ ءَ گیشی ءِ واستہ یک سرجمیں حکمت عملی ءِ جوڑ کنگ ءُ پاور ڈویژن ءَ را سرمایہ کار ءُ صنعت کار آناں آسراتی ءِ واستہ جتاجتائیں سفارش جوڑ کنگ ءِ پنت ءُ شون کتگ۔ گند ءُ نند ءَ توانائی ءِ وفاقی وزیر سردار اویس خان لغاری، وفاقی وزیر اطلاعات ءُ شنگکاری عطا اللہ تارڑ، وفاقی وزیر اقتصادی امور ڈویژن احد خان چیما، صنعتانی مشیر ہارون اختر ءُ اے دگہ سیادی داروکیں سرکاری کارندہ، افسر ءُ کارندہ آں بہمک زرتگ۔