سپیشلائزڈ ڈیجیٹل سکلز ٹریننگ آف ٹرینرز    مراگش ءِ بنداتی بھر ءَ جتا جتائیں پڑ آنی تہ ءَ آن لائن 200 ٹرینرز آناں تربیت دیگ بیت، رانا مشہود احمد خان

اسلام آباد۔20اکتوبر  (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ گوشت کہ ٹرینرز ءِ ھاسیں ڈیجیٹل مہارت آنی تربیت پروگرام ءِ بنداتی بھر ءَ 200 ٹرینر آناں آن لائن ٹریننگ دیگ بیت چوشکہ نوکیں پڑ آنی تہ ءَ آرٹیفیشل انٹیلی جنس، ڈیجیٹل اینالیٹکس، ڈیٹا مارکیٹنگ، ای کامرس۔ آئی ءَ دو شمبے ءَ نیشنل کمیشن برائے ووکیشنل اینڈ ٹیکنیکل ٹریننگ ءِ بنجاہی کارگس ءَ مزن وزیر ءِ ڈیجیٹل پاکستان وژن ءِ چیر دستی ءَ ’’ٹرینرز ءِ ھاسیں ڈیجیٹل مہارت ءِ تربیت‘‘ پروگرام ءِ بنگیجی مراگش ءَ گوں گشتانک دیگ ءَ ات۔ رانا مشہود احمد خان ءَ وتی گشتانک ءِ تہ ءَ گوشت کہ اے پروگرام ورنا آناں جھان ءِ تک ءِ ڈیجیٹل ھنر پجاری ءِ نیمگ ءَ مزنیں گامگیج اِنت۔ آئی ءَ گوشت کہ اے پروگرام نیو ٹیک، یونی سروسز انٹرنیشنل ءُ آئی ٹی ایم سی چائنا ءِ کمک ءَ چہ بندات کنگ بوتگ ایشی ءَ چہ پاکستان ءَ ڈیجیٹل ہنر آنی نوکیں دور ءِ بندات انت۔ آئی ءَ گوشت کہ بنداتی بھر ءَ 200 ٹرینر آن لائن تربیت دیگ بنت ءُ آھاں آرٹیفیشل انٹیلی جنس، ای کامرس، ڈیجیٹل مارکیٹنگ ءُ ڈیٹا اینالیٹکس ءِ وڑیں نوکیں پڑ آنی تہ ءَ وانینگ بیت ءُ تربیت ءَ سرجم کنوکیں مردم آناں پاکستان ءُ چین ءِ نامداریں ادارگ آنی نیمگ ءَ چہ یکجائی سرٹیفکیٹ دیگ بیت۔ رانا مشہود احمد خان ءَ گوشت کہ ’’پریکٹس آف اسکلز‘‘ پلیٹ فارم ءِ وسیلگ ءَ پاکستانی ورنا ءُ فری لانسرز آناں مفت ڈیجیٹل لرننگ اکاؤنٹس ھم پجاری کنگ بیت، ایشی ءَ چہ ملک ءَ ڈیجیٹل وانندگی دیمروئی بیت۔ آئی ءَ نیو ٹیک سی ءُ چینی ادارگ آنی شریکی ءَ را ساڑاتگ ءُ گوشت کہ اے گامگیج ءَ چہ پاکستان ءُ چین ءِ نیام ءَ ڈیجیٹل کمک ءُ انسانی وسائل ءِ دیمروئی ءَ را گیش مھکم کنگ بیت۔ پروگرام ءَ چہ پاکستان ءِ یونیورسٹی ءِ نظام ءَ را سرکاری ءُ نجی شریکداری ءِ چیر دستی ءَ نوک جوڑ کنگ بیت۔ مراگش ءَ یوتھ پروگرام، نیو ٹیک، ٹی یو ٹی، راجی ءُ میان استمانی شریک ءُ وزارت ءِ وانگ ءُ زانگ ءِ مزنیں کارندہ ھم بھر زوری کنگ ءَ اتنت۔\932