دیوالی روژنائی  ءُ اُمیت ءِ میلہ اِنت، کہ مارا یکے دومی ءِ احترام، رواداری ءُ یکوئی ءِ قدر ءُ قیمتانی دیمروئی ءِ یات ءَ دنت، سینیٹر اعظم نظیر تارڑ

اسلام آباد۔20اکتوبر  (اے پی پی): وفاقی وزیر کانود ءُ انسانی حقانی سینیٹر اعظم نظیر تارڑ ءَ دیوالی ءِ موہ ءَ سرجمیں پاکستان ءَ نندوکیں ہندو کمیونٹی ءَ را دل ءِ جہلانکی ءَ چہ سلام ءُ دروت گوشت۔ وزارت ءِ کانود ءُ انصاف ءِ جارکش ءِ رد ءَ وفاقی وزیر ءَ وتی کلوہ ءِ تہ ءَ گوشت کہ دیوالی رژن ءُ اُمیت ءِ میلہ اِنت، ایشی ءَ چہ مارا یکے دومی ءِ احترام، برداشت ءُ یکوئی ءِ قدر آنی دیمروئی ءِ یات کیت۔ آئی ءَ گوشت کہ دعا انت کہ دیوالی ءِ اے میلہ ھمک مردم ءَ را وشھالی، امن ءُ وشھالی ءِ کلوہ ءَ سر بہ کنت ءُ مئے چاگرد ءَ براتی ءُ وت مہ وتی احترام ءِ بنداں گیش مھکم بہ کنت۔ سینیٹر اعظم نظیر تارڑ ءَ گوشت کہ پاکستان ءَ راجی دیمروئی، چاگردی یکوئی ءُ بین مذاہب تپاکی ءَ را سہمکا کنگ ءَ پاکستان ءَ ہندو کمیونٹی ءِ کرد سک باز المی انت۔ آئی ءَ اے جزم ءِ یک رندے پدا گوشت کہ پاکستان ءِ حکومت آئین ءِ تہ ءَ ھواریں درستیں شہمکی آنی برابریں ھک، مذہبی آجوئی ءُ شرپداریں زندمان ءِ رکھینگ ءِ واستہ جزم اِنت۔