پارلیمنٹ درستیں مذہب ءِ منوگر آنی نیام ءَ ہم آہنگی ءِ دیمروئی ءِ واستہ وتی سرجمیں کرد ءَ پیلو کنت، دیوالی ءِ موہ ءَ اسپیکر راجی اسمبلی سردار ایاز صادق ءِ کلوہ

اسلام آباد۔20اکتوبر  (اے پی پی):راجی اسمبلی ءِ اسپیکر سردار ایاز صادق ءَ گوشت کہ رواداری، وت مہ وتی احترام ءُ برداشت ءِ سر ءَ بنیات ءِ چاگرد حقیقی دیمروئی ءِ ضامن اِنت، پارلیمنٹ ھمک مذھب ءِ منوگر آنی نیام ءَ یکوئی ءِ دیمروئی ءِ واستہ وتی سرجمیں کرد ءَ را برجاہ دار ایت۔ دو شمبے ءِ روچ ءَ دیوالی ءِ موہ ءَ وتی کلوہ ءِ تہ ءَ آئی ءَ دیوالی ءِ موہ ءَ پاکستان ءَ ھوار سرجمیں دگنیا ءِ ھندو کمیونٹی ءَ گوں سیادی داروکیں پارلیمنٹرین آناں مبارک بات دات ءُ گوشت کہ دیوالی امن، مھر ءُ رژنائی ءِ میلہ اِنت، پاکستان ءَ نندوکیں درستیں مذھب آنی پیروکار آناں پارلیمنٹ ءِ برابریں ھک داتگ اَنت۔ مذہباں کہ ملک ءَ نندوک انت۔ آئی ءَ گوشت کہ راجی یکوئی ءُ مذھبی یکوئی پاکستان ءِ برجائی ءُ دیمروئی ءِ ضمانت انت۔ پاکستان ءِ آئین ءَ اقلیتانی حق آنی رکھینگ ءِ ضمانت داتگ۔ پاکستان ءِ ہمک شہمکی ءَ وتی مذہبی عقیدہ ءُ دود ءُ ربیدگانی رد ءَ زند گوازینگ ءِ سرجمیں آجوئی است انت۔ ملک ءِ جوڑیشت ءُ دیمروئی ءِ تہا اقلیت ءِ راجمان ءِ کرد ستا کرز انت۔