اسپیشلائزڈ ڈیجیٹل سکلز ٹریننگ آف ٹرینرز پروگرام نا بنائی ریسہ ٹی 200 ٹرینرآتے چندی بشخ آتیٹی آن لائن تربیت تننگک، رانا مشہود احمد خان

اسلام آباد۔ 20 اکتوبر (اے پی پی) وزیراعظم یوتھ پروگرام نا چیئرمین رانا مشہود احمد خان پارینے کہ اسپیشلائزڈ ڈیجیٹل اسکلز ٹریننگ آف ٹرینرز پروگرام نا بنائی ریسہ ٹی 200 ٹرینرآتے آن لائن مصنوعی ذہانت، ای کامرس، ڈیجیٹل مارکیٹنگ و ڈیٹا اینالٹکس کون آ پوسکن آ بشخ آتیٹی تربیت تننگک۔ اودوشنبے نادے آ قومی کمیشن کسبی و تکنیکی تربیت(نیوٹیک) نا ہیڈکوارٹراٹی وزیراعظم نا ڈیجیٹل پاکستان وژن نا رداٹ ’’اسپیشلائزڈ ڈیجیٹل اسکلز ٹریننگ آف ٹرینرز‘‘ پروگرام نا بنائی دود آن تران کریکہ۔ رانا مشہود احمد خان تران اٹی پارے کہ دا پروگرام ورناتے جہانی آب انا ڈیجیٹل مہارت فراوان کننگ نا کنڈآ بھلو گام اسے۔ اوپارے کہ داپروگرام نیوٹیک، یونی سروسز انٹرنیشنل و آئی ٹی ایم سی چائنا نا شریداری اٹ بناکننگانے ہرا پاکستان اٹ ڈیجیٹل اسکلز نا اسہ پوسکن آدور انا بناءِ۔ اوپارے کہ بنائی ریسہ ٹی 200 ٹرینرآتے آن لائن تربیت تننگک ہرافتے مصنوعی ذہانت، ای کامرس، ڈیجیٹل مارکیٹنگ و ڈیٹا اینالٹکس کون آپوسکن آبشخ آتیٹی ہیل تننگک، تربیت پورو کروک آتے پاکستان و چین نا پنی ادارہ غاتا اسیجائی سند تننگک۔ رانا مشہود احمد خان پارے کہ ’’پریکٹس آف اسکلز‘‘ پلیٹ فارم نا کمک اٹ پاکستانی ورناو فری لانسرآتے مفت ڈیجیٹل لرننگ اکاؤنٹس ہم فراوان کننگک ہراڑآن ملک اٹی ڈیجیٹل خواندگی ءِ مون آدننگ ملک۔ اونیوای ٹی سی سی و چینی ادارہ غاتا شریداری نا ستاءِ کرساپارے کہ دا گام پاکستان و چین نا نیام اٹ ڈیجیٹل کمکاری و انسانی وسیلہ غاتا شونداری ءِ پین سوگو کیک۔ پروگرام پبلک پرائیویٹ پارٹنر شپ انا رداٹ پاکستان نا چین نا نیام اٹ ڈیجیٹل کمکاری و انسانی وسیلہ غاتا شونداری ءِ پین سوگو کیک۔ پروگرام پبلک پرائیویٹ پارٹنر شپ انا رداٹ پاکستان نا ٹیوٹ نا نظام ءِ پوسکن آ وڑتتون ہم گرنچ کیک۔ دود اٹی یوتھ پروگرام، نیوٹیک، ٹیوٹ قومی وجہانی شریدار و وزارت تعلیم و تربیت نا بڑزکو کمامدارآک ہم بشخ ہلکر۔