پاک سعودی عرب شریداری و ڈیجیٹل بشخ انا شونداری ٹی ایس آئی ایف سی نا اہم کڑد

اسلام آباد۔ 20 اکتوبر (اے پی پی) پاک سعودی عرب شریداری و ڈیجیٹل بشخ انا شونداری ٹی خصوصی زرکاری سہولت کونسل (ایس آئی ایف سی) نا اہم ءُ کڑد اسے، پاک سعودی عرب کمکاری آن ’’گواے آئی ہب‘‘ نا باضابطہ بناآن پاکستان ڈیجیٹل بشخ اٹی اہم مزل اس عبور کرینے۔ سرجم حوال آتا رداٹ ایس آئی ایف سی نا گچین حکمت عملی آن پاکستان اٹ ڈیجیٹل شونداری نا پوسکن آ دور بناکرے، پاکستان وسعودی عرب مصنوعی ذہانت و ڈیجیٹل اختراع نا مون آ دننگ کن شریداری کرینو، پاک سعودی عرب کمکاری آن ’’گواے آئی ہب‘‘ نا باضابطہ بناآن ڈیجیٹل بشخ اٹی اہم مزل اس عبور کننگانے۔ گواے آئی ہب مصنوعی ذہانت، ڈیٹا انفراسٹرکچر و کسبکارافرادی قوت نا مون آ دننگ اٹ اہم کڑد ادا کیک، ڈٹ انا مسخت پاکستانی فری لانسرز آتے سعودی عرب و جہانی منڈی تسکان براہ راست رسینگ فراوان کننگ ءِ، دا گام پاکستان نا ڈیجیٹل نیشن وژن تون ہم گرنچ و ٹیکنالوجی آ تالان زرگزران نا بنداو گوندنگانے۔