مزن وزیر شہباز شریف ءَ مزن تک ءِ دیوان ءِ سروکی کت، گندم ءِ پالیشی 2025-26 ءِ منظوری

اسلام آباد۔19اکتوبر  (اے پی پی):مزن وزیر محمد شہباز شریف ءِ سروکی ءَ مزن تک ءِ دیوان ءَ حکومت ءَ گندم پالیسی 2025-26 ءِ منظوری داتگ ایشی ءِ رد ءَ کشت ءُ کشاری ءَ را منصفانہ قیمت دیگ بیت ءُ حکومت اسٹریٹجک اسٹاک ءِ گرگ ءَ چہ کشت ءُ کشاری ءِ مھکمیں ذخائر ءُ رکھینگ ءَ را دل یکیمی کنگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گوستگیں روچ ءَ مزن وزیر محمد شہباز شریف ءِ سروکی ءَ گندم پالیسی 2025-26 ءِ ھوالگ ءَ مزن تک ءِ دیوان برجم دارگ بوت۔ گند ءُ نند ءَ پنجاب، سندھ، بلوچستان ءُ گلگت بلتستان ءِ سر وزیر، خیبر پختونخوا ءِ سر وزیر ءِ نمائندہ، آزات جموں ءُ کشمیر ءِ مزن وزیر ءُ ہمگرنچیں اسٹیک ہولڈراں بہر زرتگ۔ مزن وزیر ءَ گوشت کہ پاکستان زرعی معیشت ءِ تہ ءَ گندم ءِ فصل کلی ئیں ارزشت ءِ دار اِنت۔ مزن وزیر ءَ گوشت کہ گندم نہ ایوک ءَ پاکستان ءِ الس ءِ بنیات ءِ وردن اِنت بلکینگ ءَ ملک ءِ کشت ءِ کشار ءِ واستہ مزنیں آمدنی ءِ وسیلگ اِنت۔ مزن وزیر شہباز شریف ءَ گوشت کہ حکومت کشاری آنی جیڈھ آنی بابت ءَ جوانیں سرپد انت، کشاری آنی گہبودی ءُ گہتری ءِ واستہ ھمک رنگ ءِ کوشست کنگ بوھگ ءَ انت۔ آئی ءَ گوشت کہ کشت ءُ کشاری پاکستان ءِ معیشت ءِ ریڑھ ءِ ھڈ انت، پالیسی ءِ واستہ وفاقی حکومت ءَ صوبائی حکومت، کشت ءُ کشاری تنظیم، صنعت کار ءُ کشت ءُ کشاری کمیونٹی ءَ ھوار درستیں اسٹیک ہولڈر آنی گوما سرجمیں شور ءُ سلاھ ءِ عمل کتگ۔ مزن وزیر ءَ گوشت کہ شور ءِ بنیات ءَ حکومت گندم ءِ راجی پالیشی 2025-26ءِ جار ءَ جنئگ ءَ اِنت، پالیسی ءِ مول ءُ مراد راجی نپ ءِ رکھینگ ءِ وھد ءَ کشت ئُُ کشاری ءِ منافع ءَ دل یکیمی کنگ اِنت۔ مزن وزیر ءَ گوشت کہ تپاکی ءِ بنیاد ءَ پالیشی ءِ جوڑ کنگ ءَ صوبائی حکومت آنی کمک ءَ را ساڑات آں، انشاء اللہ اے پالیشی ءَ چہ کشت ءُ کشاری ءَ را دیمروئی رسیت۔ مزن وزیر محمد شہباز شریف ءَ گوشت کہ اے پالیشی ءَ چہ نہ ایوک ءَ کشت ءُ کشاری ءِ آمدنی گیش بیت بلکینگ ءَ پاکستان ءِ الس ءِ وردن ءُ وراک ءِ ایمنی ءَ را دل یکیمی کنگ ءَ ھم ھاسیں کرد پیلو بیت۔ دیوان ءَ پالیشی ءِ ھاسیں لیکہ آنی بابت ءَ ھم سرپدی دیگ بوت۔ بریفنگ ءِ ساھت ءَ گوشت دیگ بوت کہ وفاقی ءُ صوبائی حکومت 2025-26 ءِ گندم ءِ فصل ءَ چہ نزیک ءَ 6.2 ملین ٹن ءِ اسٹریٹجک ذخائر ءِ گر ءُ دار کنت۔ دیوان ءَ را گوشگ بوت کہ گندم ءِ میاں اوستمانی درآمد ءِ نھاد ءِ رد ءَ 3500 کلدار فی ماؤنڈ ءِ رد ءَ گرگ بیت۔ بریفنگ ءِ ساھت ءَ گوشگ بوت کہ اے گامگیج ءَ چہ کشت ءُ کشاری ءَ را منصفانہ قیمت ءُ منافع ءَ را دل یکیمی کنگ بیت وھدیکہ مارکیٹ ءِ مقابلہ برجائی بیت۔ پالیسی ءِ رد ءَ سرجمیں پاکستان ءَ گندم ءِ دستیابی ءَ را دل یکیمی کنگ ءِ واستہ ایشی ءِ بین صوبائی نقل و حرکت ءِ سر ءَ ھچ وڑیں بندش نہ بیت۔ بریفنگ ءِ تہ ءَ گوشت کہ وفاقی وزیر برائے راجی وردن ءُ وراک ءِ سلامتی گندم ءِ نگرانی ءِ واستہ راجی کمیٹی ءِ سروکی ءَ کنت، ایشی ءِ تہ ءَ توامیں صوبگ آنی نمائندگ ھوار بنت۔ بریفنگ ءَ گوشگ بوت کہ اے کمیٹی پالیسی ءِ گامگیج آنی سر ءَ عمل درآمد ءُ ھمگرنچی ءِ سر ءَ چار ءُ تپاسی کنت۔ بریفنگ ءِ تہ ءَ گوشت بوت کہ کمیٹی ھپتگی دیوان کنت ءُ براہ راست مزن وزیر ءَ را رپوٹ دنت۔ بریفنگ ءِ ساھت ءَ گوشگ بوت کہ کشت ءُ کشاری ءَ را منصفانہ قیمت دیگ بیت ءُ حکومت ویفر اسٹاک ءِ گرگ ءَ چہ مھکمیں ذخائر ءُ کشت ءُ کشاری ءِ رکھینگ ءَ را دل یکیمی کنگ بیت۔