پی سی بی ءِ چیئرمین محسن نقوی ءَ صدر پاکستان ٹینس فیڈریشن سیام الحق قریشی ءَ گوں گند ءُ نند کتگ، لیب ءُ گوازی ءِ دیمروئی ءِ ھوالگ ءَ گپ ءُ تران بوتگ

لاہور۔19اکتوبر  (اے پی پی):پاکستان کرکٹ بورڈ ءِ چیئرمین محسن نقوی ءَ گوں صدر پاکستان ٹینس فیڈریشن اعصام الحق قریشی ءَ گند ءُ نند کت۔ گند ءُ نند ءَ لیب ءُ گوازی ءِ دیمروئی ءِ ھوالگ ءَ ھاسیں رنگ ءَ ٹینس ءِ بنیاتی ڈھانچگ ءَ را گہتر کنگ ءِ جیڈھ آنی سر ءَ چار ءُ تپاسی کنگ بوت۔ عیسم الحق قریشی ءَ ایشیا کپ ءِ تہا چیئرمین پی سی بی ءِ اصولی موقف ءِ توسیپ کت ءُ اسلام آباد ءَ ٹینس کورٹ ءِ ھوالگ ءَ جیڈھ آنی ترندیں گیواری ءِ سر ءَ آئی ءِ منت گپت۔ محسن نقوی ءَ اے موہ ءِ سر ءَ گوشت کہ ٹینس ءِ دیمروئی ءِ واستہ پاکستان ٹینس فیڈریشن ءَ را سرجمیں کمک پجاری کنگ بیت۔ آئی ءَ گوشت کہ اسلام آباد ءَ نوکیں ٹینس کورٹ آنی سر ءَ کار بندات کنگ بوتگ، ایشی ءَ چہ لیب کنوک آناں گہتریں آسراتی رس ایت۔ آئی ءَ گوشت کہ ٹینس ٹیلنٹ ءِ دیمروئی ءِ واستہ فیڈریشن ءَ را ھمک رنگ ءِ کمک پجاری کنگ بیت۔ آئی ءَ گوشت کہ کرکٹ بہ بیت، ٹینس یا کجام ھم لیب بہ بیت اے لیب ھم راج آں گوں دل آناں جوڑ کنت۔