خیبر پختونخوا ءَ آرت ءِ بحران ءِ جیڈھ اپیکس کمیٹی ءِ دیوان ءَ چست کنگ بوتگ، وفاقی وزیر انجینئر امیر مقام ءَ اھوالکاراں گوں گپ ءُ تران کتگ

سوات۔ 19 اکتوبر (اے پی پی):کشمیر ءِ کار، گلگت بلتستان ءُ سافرون ءِ وفاقی وزیر ءُ پاکستان مسلم لیگ ءِ صوبائی صدر انجینئر امیر مقام ءَ خیبر پختونخوا ءَ برجاھیں آرت ءِ بحران ءِ ھوالگ ءَ گوشت کہ اے جیڈھ اپیکس کمیٹی ءِ دیوان ءَ چست کنگ بوتگ، جیڈھ ءِ گیش ءُ گیوار کنگ بیت۔ وفاقی وزیر انجینئر امیر مقام ءَ سوات ءِ مزنیں اھوالکاراں گوں تران کنان ءَ گوشت کہ اوگانستان ءَ آرت ءِ قاچاق ءِ سبب ءَ آرت ءِ سپلائی بندش پیداک بوتگ ایشی ءَ چہ صوبگ ءَ کمی بوتگ۔ آئی ءَ گوشت کہ راجی نمائندہ ءِ بستار ءَ آ راجی جیڈھ آنی سر ءَ چپ بوت نہ کنت ءُ آئی ءَ گوست ءَ ھم الس ءِ ھک آنی بابت ءَ گپ جتگ، مرچی ھم کنگ ءَ اِنت ءُ آیوکیں وھد ءَ ھم کنت۔ آئی ءَ گوشت کہ صوبائی حکومت سرکاری گودام آنی تہ ءَ دست کپتگیں گندم ءَ را زوت یلہ بہ کنت تانکہ بحران ءَ را کنٹرول کنگ بہ بیت۔ خیبر پختونخوا ءِ سرکار ھم زوتیں گامگیج چست بہ کنت تانکہ مہلوک ءَ را ریلیف پجاری کنگ بہ بیت۔