سنٹرل ڈویلپمنٹ ورکنگ پارٹی   ءِ دیوان ءَ جتا جتائیں شعبہ آں گوں سیادی داروکیں 18 منصوبگ منظوری داتگ انت

اسلام آباد۔19اکتوبر  (اے پی پی):پاکستان ءِ پائیدار، ھواریں ءُ موسمیاتی دیمروئی ءِ ایجنڈا ءَ را نوکیں رھشونی ءِ دیگ ءِ عزم ءِ گوما مرکزی دیمروئی ورکنگ پارٹی ءِ دیوان ءِ سروکی ءَ وفاقی وزیر ءِ منصوبگ بندی، دیمروئی ءُ منصوبگ بندی ءِ پروفیسر کمیشن آئی ءِ سروکی ءَ برجم دارگ بوت۔ کہ ایشی ءِ تہ ءَ راجی دیمروئی ءِ جتا جتائیں پڑ آنی ھوالگ ءَ 18 منصوبگ منظور کنگ بوتگ اَنت۔ یک شمبے ءِ روچ ءَ وزارت ءِ منصوبگ بندی، دیمروئی ءُ ھاسیں گامگیج آنی نیمگ ءَ چہ جاڑی بوتگیں بیان ءِ رد ءَ وفاقی وزیر احسن اقبال ءَ دیوان ءِ موہ ءَ گوشت کہ دیمروئی ایوک ءَ منصوبگ آنی بابت ءَ نہ اِنت، ایشی ءِ تہ ءَ مردم، کارکردگی ءُ مول ءُ مراد ءِ یکجاھی اِنت۔ کجام ھم منصوبہ ءِ منظوری دیگ بہ بیت آ پاکستان ءِ جوانیں مستقبل ءِ تہا بدل کنگ بہ بیت۔ آئی ءَ گوشت کہ پاکستان ءِ دیمروئی ءِ حکمت عملی ءِ بنیات ءَ وژن 2025 ءُ اودان پاکستان ءِ 5Es فریم ورک ءِ سر ءَ اِنت ایشی ءِ تہ ءَ برآمدات، ای پاکستان، توانائی ءُ بنیاتی ڈھانچہ، چاگرد، برابری ءُ بااختیار کنگ ھوار اَنت۔ اے ستون پاکستان ءَ را انفارمیشن ءِ سرا بنیات ءِ سرا مقابلہ کنوکیں ءُ ھواریں معیشت ءِ تہا بدل کن انت۔ دیوان ءِ تہ ءَ سی ڈی ڈبلیو پی ءِ تک ءَ 35.4ارب کلدار ءِ 12 منصوبگ منظور کنگ بوتگ اَنت وھدیکہ 6 منصوبگ آنی کلیں ھرچ 280.2ارب کلدار ءِ سفارش ءِ واستہ ای سی این ای سی ءَ را روان دیگ بوتگ۔ دیوان ءِ تہ ءَ سیکرٹری پلاننگ اویس منظور سمرا، چیف اکانومسٹ، وائس چانسلر پی وائی ای ڈی ءُ وفاقی ءُ صوبائی محکمہ آنی مزنیں نمائندگ آنی تہ ءَ بھر زوری بوتگ۔ دیوان ئِ ایجنڈا ئِ تہ ئَ کشت ئُُ کشار، گورننس، جان سلامتی، مزن تعلیم، چاگردی گہتری، توانائی، ٹرانسپورٹ ئُُ آپی وسیلگ آنی وڑیں کلیدی شوبگ آنی سر ئَ دلگوشی دیگ بوت تانکہ راجی دیمروئی ئِ توامیں تک ءُ پھنات آناں یکوئی رنگ ئَ دیم ئَ برگ بہ بیت۔ سی ڈی ڈبلیو پی ءَ کشت ءُ کشاری ءَ را پاکستان ءِ معیشت ءِ ریڑھ ءِ ھڈ ءِ رنگ ءَ پیش کنان ءَ نوکیں ٹیکنالوجی، ارزشت ءِ گیشی ءُ موسمیاتی ردوم ءِ دیمروئی ءِ ھاترا کلیدی گامگیج آناں منظوری داتگ۔ 68ارب 67ارب کلدار ءِ پنجاب ریزیلینٹ اینڈ انکلیو سیو ایگریکلچر ٹرانسفارمیشن پروجیکٹ ای سی اینیک ءَ را روان دیگ بوتگ۔ اے منصوبگ ءَ چہ ورلڈ بینک ءُ حکومت پنجاب ءِ کمک ءَ زراعت ءِ شوبگ ءَ کلائمیٹ سمارٹ ءُ کمیونٹی ءِ بنیاد ءَ زراعت ءَ را دیمروئی دیگ بیت۔ اے منصوبہ ءِ تہا آپ ءِ موثر کارمرز کنگ، قدر ءِ اضافہ، مارکیٹ ءِ رسائی، ءُ کسانیں کشت ءُ کشاری ءِ آمدنی ءَ را گیش کنگ ءِ سرا دلگوشی دیگ بوتگ۔ منصوبگ بندی ءِ وفاقی وزیر احسن اقبال ءَ گوشت کہ اے منصوبگ ءِ آسر آناں اسمارٹ ءِ مول ءُ مراد آنی رد ءَ ماپ کنگ بہ بیت ءُ ایشی ءِ تہ ءَ ویلیو چین ءِ تصور ءَ را مھکم کنگ بہ بیت تانکہ کشت ءُ کشاری ءَ را برآمد ءُ اقتصادی قوت ءِ تہ ءَ بدل کنگ بہ بیت۔ ھمے شوبگ ءَ جانور آنی نادراھی آنی سر ءَ نگرانی ءُ کنٹرول ءِ راجی پروگرام (7.35ارب کلدار ءِ ھرچ) ءِ منظوری دیگ بوتگ کہ ایشی ءِ تہ ءَ میاں اوستمانی تک ءِ رد ءَ لائیو سٹاک ءِ نادراھی آنی سر ءَ نگرانی ءُ برآمداتی گنجائش ءَ را گیش کنگ بوتگ۔ پنجاب ءِ موسمیاتی لچکدار ءُ کم کاربن زراعت ءِ میکانائزیشن منصوبگ ءِ سرا 36.12ارب کلدار ءِ ھرچ ءُ درچ ای سی اینیک ءَ را روان دیگ بوتگ۔ اے منصوبہ ایشیائی دیمروئی بینک ءِ نیمگ ءَ چہ مالی کمک ءَ چہ زرعی مشینری ءِ پھجارینگ، چاگردی پائیداری، ءُ زالبولیں کشت ءُ کشاری ءِ ڈیجیٹل شمولیت ءِ سر ءَ دلگوشی دیگ بیت۔ گورننس اصلاحات ءِ چیر دستی ءَ پنجاب وسیلگ ءِ گہتری ءُ ڈیجیٹل کارکردگی پروگرام (3.08ارب کلدار ءِ ھرچ) ءِ سر ءَ ھیال ءُ لیکہ کنگ بوتگ کہ ایشی ءَ را ورلڈ بینک ءِ کمک ءَ چہ سرجم کنگ بیت۔ منصوبگ ءِ مول ءُ مراد ڈیجیٹل گورننس، ای پروکیورمنٹ، شفاف مالیاتی انتظام ءُ آٹومیٹک پروجیکٹ مینجمنٹ سسٹم ءِ وسیلگ ءَ موثر گورننس ءَ را دیمروئی دیگ اِنت کہ ایشی ءَ را اودان پاکستان ءِ ای پاکستان ءِ ستون ءَ گوں براہ راست سیادی اِنت۔ دیوان ءِ تہ ءَ نیشنل ہیلتھ سپورٹ پروگرام (2.17ارب کلدار)، جنوبی پنجاب ءَ زھگانی جان سلامتی ءِ آسراتی آنی تہ ءَ گیشی (6.40ارب کلدار) ءُ انسولین فار لائف ءُ ڈی ٹاک (1.39ارب) ھواریں سئے جان سلامتی منصوبگ آنی منظوری داتگ۔ احسن اقبال ءَ گوشت کہ جان سلامتی ءِ شوبگ ءَ ھرچ سرمایہ کاری ءِ ٹھوس آسراتی بہ بیت چیاکہ راجی وسیلگ کم انت۔ آئی ءَ ہدایت کت کہ خیبر پختونخوا ءَ شکر ءُ انسولین ءِ ھوالگ ءَ منصوبگ آناں راجی ذیابیطس پروگرام ءِ گوما یکجا کنگ بہ بیت تانکہ گیش موثر آسراتی رس ایت۔یونیورسٹی آف ویٹرنری اینڈ اینیمل سائنسز کیمپس پٹوکی منصوبہ ءِ منظوری دیگ بوتگ کہ ایشی ءِ مالیت یک ارب کلدار انت۔ اے منصوبگ ءَ چہ وانگ ءُ زانگ ءُ پٹ ءُ پولی آسراتی آناں گیش کنگ بیت ءُ پاکستان ءِ کشت ءُ کشاری ءُ ویٹرنری شوبگ ءَ نوکیں چیز آرگ بنت۔ لاہور ءِ بابو سابو گند ءُ نند ءِ ٹریٹمنٹ پلانٹ (52.19ارب کلدار ءِ مالیت) پاکستان ءِ چاگردی بنیاتی ڈھانچگ ءِ راجدپتر ءِ تہ ءَ مزنیں سنگ میل اِنت۔ اے منصوبہ اے ایف ڈی ءِ کمک ءَ سرجم کنگ بیت ءُ لاہور ءِ صنعتی ءُ شہری ردی ءِ علاج ءِ ھاتر ءَ نوکیں بائیو گیس ءُ شمسی ٹیکنالوجی ءِ کارمرز کنگ بیت۔ احسن اقبال ءَ گوشت کہ اے منصوبگ بیست سال پیسر بندات کنگ بوتگ بلے مرچی اے منصوبگ شہر ءِ زندگ بوھگ ءُ چاگرد ءِ رکھینگ ءِ واستہ ناگزیر انت۔ آزات جموں ءُ کشمیر ءَ سئے کسانیں ہائیڈرو پاور منصوبگ فلوائی (3 میگاواٹ)، خورشید آباد (2.71 میگاواٹ) ءُ نوشیرا (1.95 میگاواٹ) ءِ منظوری دیگ بوتگ۔ اے منصوبگ آنی تہ ءَ چہ اودان پاکستان ءِ انرجی ءُ انفراسٹرکچر ءِ ستون ءِ رد ءَ ساپ ءُ سلہ، پائیدار ءُ بنجاہی توان پجاری ءُ دمگ ءِ وت واجہی ءَ را گیش کنگ بیت۔ سندھ ءَ سوشل سیفٹی نیٹ ءَ را مھکم کنگ ءِ منصوبگ (ایشی ءِ ھرچ 64.4ارب کلدار) سفارش ءِ واستہ ای سی اینیک ءَ را روان دیگ بوتگ۔ اے منصوبگ ءَ چہ ورلڈ بینک ءُ سندھ حکومت ءِ شریکداری ءَ حاملہ زالبول ءُ دو سال ءَ کم عمریں زھگ آنی مات آناں مشروط نقد ٹرانسفر ءِ وسیلگ ءَ اولی 1000 روچ آنی تہ ءَ وردن، جان سلامتی ءُ وشھالی ءَ را دل یکیمی کنگ بیت۔ پہل ءِ بنیاد ءَ مساوات ءُ بااختیار کنگ ءِ اصولانی سرا انت۔ ٹرانسپورٹ ءُ کمیونیکیشن ءِ شوبگ ءَ سئے منصوبگ آنی سر ءَ ھیال ءُ لیکہ کنگ بوتگ۔ کوئٹہ بس ریپڈ ٹرانزٹ سسٹم ءِ فزیبلٹی اسٹڈی (لاگت 1 ارب 24ارب کلدار) ءِ منظوری دیگ بوت۔ مین لائن ون (ایم ایل 1) ءُ ہاویلیان ڈرائی پورٹ (16.26ارب کلدار ءِ ھرچ) ءِ ڈیزائن ءُ ڈرائنگ پروجیکٹ ای سی این ای سی ءَ را روان دیگ بوتگ۔ احسن اقبال ءَ گوشت کہ ایم ایل ون پاکستان ءِ دیمروئی ءِ واستہ المی اِنت پرچا کہ ایشی ءَ چہ ملک ءِ ریلوے ءِ نظام ءَ را نوکیں، ایمن ءُ ترند جوڑ کنت۔ آئی ءَ سوج دات کہ ریلوے وتی ارزشت داریں زمین ءَ کمرشل بنیات ءَ کارمرز بہ کنت تانکہ اے منصوبگ وت مستر بہ بیت۔ ھمے شوبگ ءِ تہ ءَ سیمی منصوبگ ایم ایل ون روہری ءَ چہ ملتان سیکشن (3.21ارب کلدار) بوتگ کہ اے ڈی بی ءِ کمک ءَ منظور کنگ بوتگ۔ آبی وسائل ءِ شوبگ ءَ دو ھاسیں منصوبگ منظور کنگ بوتگ انت۔ کاچھی نہر ءِ بحالی منصوبگ (5.65ارب کلدار) سیلاب ءِ سبب ءَ بوتگیں تاوان ءِ ھلاسی ءِ ھاترا اِنت ءُ خیبر پختونخوا آبپاشی ءِ زراعت ءِ گہتری منصوبگ (50.95ارب کلدار) ءَ چہ نوکیں آبپاشی ءِ نظام، آپی کورس ءُ کارکردگی ءِ وسیلگ ءَ آپ ءِ جوانیں کارمردی ءَ را دل یکیمی کنگ بیت۔ اے دوئیں منصوبگ چاگرد ءُ موسمیاتی بدلی ءِ ستون ءَ گوں بندوک اَنت ءُ آپ ءِ رکھینگ ءِ ھاترا پاکستان ءِ عزم ءِ نمائندگی کن اَنت۔ اے درستیں منصوبگ وژن 2025 ءُ اودان پاکستان ءِ چیر دستی ءَ پاکستان ءِ معیشت، روزگار ءُ برجمیں دیمروئی ءِ تہ ءَ سنگ میل ثابت بنت۔