مزن وزیر ءِ ھاسیں کمکار ہارون اختر خان ءَ ملائیشیا ءَ گوشت ءِ برآمد ءِ ھوالگ ءَ رکاوٹ آنی ھوالگ ءَ سٹیک ہولڈر آنی دیوان ءِ سروکی کنگ ءَ انت

اسلام آباد۔19اکتوبر  (اے پی پی):لاہور ءَ مزن وزیر ءِ صنعت ءُ پیداوار ءِ ھاسیں کمکار ہارون اختر خان ءِ سروکی ءَ مزن وزیر ءِ ھاسیں کمکار ہارون اختر خان ءِ سروکی ءَ ملائیشیا ءَ گوشت ءِ برآمد ءِ ھوالگ ءَ جیڈھ ءُ رکاوٹ آنی سر ءَ گپ ءُ تران کنگ بوت۔ گند ءُ نند ءَ سیکرٹری انڈسٹریز ءُ پروڈکشن سیف انجم ءُ حکومتی ءُ جندی شوبگ ءِ نمائندہ آں شریک بوتگ ۔ گند ءُ نند ءِ تہ شریکیں مردمانی نیام ءَ ملائیشیا ءَ گوشت ءِ برآمد کنگ ءِ ھوالگ ءَ جیڈھ ءُ سفارش آنی سر ءَ سرجمیں رنگ ءَ گپ ءُ تران بوت۔ برآمد کنوکاں فیڈ ءِ کوالٹی، لائیو سٹاک ءِ نسل، پیداوار ءِ ھرچ ءُ درچ ءِ تہ ءَ گیشی، کولڈ چین ءِ آسراتی ءِ کمی، بینکنگ ءِ آسراتی ءِ نہ بوھگ ءُ دستاویزی رکاوٹ آنی تہ ءَ مزنیں چیلنج آنی نشاندہی کتگ۔ گوشت برآمد کنوکاں اے گپ ءِ سر ءَ زور پر دات کہ بینکنگ ءِ شوبگ ءَ جوانیں کمک رسگ ءَ نہ اِنت، ایشی ءِ سبب ءَ لائیو اسٹاک مارکیٹ آنی تہ ءَ نقد ادائیگی کنگ لوٹ ایت۔ آئی ءَ بالی پٹ آنی سر ءَ کولڈ اسٹوریج ءِ نہ بوھگ ءِ ھم گپ جتگ کہ ایشی ءِ سبب ءَ گوشت ءَ را گاڑی آنی تہ ءَ ایر کنگ لوٹ ایت۔ شریکیں مردماں گوشت کہ بھارت ءَ گوشت 3.5 ڈالر ءِ سر ءَ برآمد کنگ بوھگ ءَ اِنت وھدیکہ پاکستان ءِ برآمد ءِ ھرچ 5 ڈالر اِنت۔ ایشی ءَ ابید اے وھد ءَ پاکستان گوشت ءَ تاجکستان ءَ 5 ڈالر ءِ کلوگرام ءَ برآمد کنگ ءَ اِنت۔ ہارون اختر خان ءَ برآمد کنوک آنی جیڈھ آناں منگ ءِ وھد ءَ گوشت کہ پاکستانی گوشت مزنیں کوالٹی ءِ اِنت ءُ ایشی ءَ را میاں اوستمانی مارکیٹ ءَ مقابلہ کنگ ءِ توان ھست۔ آئی ءَ دل یکیمی دات کہ مزن وزیر شہباز شریف ءِ وژن ءِ چیر دستی ءَ حکومت گوشت ءِ برآمد ءَ را گیش ءَ چہ گیش ملک آنی تہ ءَ سر کنگ ءِ واستہ جزمیگ انت ءُ برآمد کنوک آناں ھمک رنگ ءِ آسراتی پجاری کنگ بنت۔