پاکستان نوکیں سائنسی پٹ ءُ پول ءُ خلائی ٹیکنالوجی ءِ نوکیں دور ءَ داخل بوتگ، سینیٹ ءِ چیئرمین سید یوسف رضا گیلانی

اسلام آباد۔19اکتوبر  (اے پی پی):سینیٹ ءِ چیئرمین سید یوسف رضا گیلانی ءَ پاکستان ءِ اولی ہائپر اسپیکٹرل سیٹلائٹ ’’ایچ ایس ون‘‘ ءِ خلاء ءَ سوبمندیں روان دیگ ءِ سر ءَ راج ءَ را مبارکی دیان ءَ گوشت کہ پاکستان نوکیں سائنسی پٹ ءُ پول ءُ خلائی ٹیکنالوجی ءِ نوکیں دور ءَ داخل بوتگ۔ یک شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ سید یوسف رضا گیلانی ءَ گوشت کہ اے مزنیں کامیابی پاکستان ءِ سائنسی، پٹ ءُ پولی ءُ تکنیکی صلاحیت آنی سر ءَ دراجیں آدینگ انت۔ آئی ءَ گوشت کہ راج ءَ اے گپ اے گپ سثوت کتگ کہ آ زانت، پٹ ءُ پول ءُ نوکیں ٹیکنالوجی ءِ پڑ ءَ ترندی ءَ گوں دیمروئی ءِ نیمگ ءَ روگ ءَ انت۔ من سوپارکو ءِ سائنسدان، انجینئر ءُ تکنیکی کارندہاں مزنیں شگر ءُ منت ءِ درشان کناں۔ سینیٹ ءِ چیئرمین سید یوسف رضا گیلانی ءَ گوشت کہ ہائپر اسپیکٹرل سیٹلائٹ راجی خلائی پالیشی ءُ وژن 2047 ءِ سرجمی ءِ نیمگ ءَ یک ھاسیں سنگ ءِ انت، اے سیٹلائٹ کشت ءُ کشاری منصوبگ بندی، چاگردی نگرانی، شہری منصوبگ بندی ءُ قدرتی آفت آنی پیش گوئی ءِ تہ ءَ کمک کنت۔ آئی ءَ گوشت کہ پاکستان نوکیں سائنسی پٹ ءُ پول ءُ خلائی ٹیکنالوجی ءِ نوکیں دور ءِ تہ ءَ داشتگ۔ سید یوسف رضا گیلانی ءَ گوشت کہ مئے نوجوانیں باھند ءَ کریٹیویٹی، ھزمت ءِ جزبگ ءُ جھان ءِ تک ءِ ازم است انت۔ ایچ ایس ون سیٹلائٹ ءِ شنگ کنگ پاکستان ءِ وت مہ وتی ءُ ٹیکنیکل آجوئی ءِ دیم ءَ یک ھاسیں گامگیج اِنت۔ پاکستانی ورنا سائنس، ٹیکنالوجی ءُ ریسرچ ءِ پڑ ءَ دیم ءَ روان کن اَنت ءُ دیمروئی کتگیں راجانی تہ ءَ پاکستان ءِ بستار ءَ را مھکم کن اَنت۔ آئی ئَ گوشت کہ اے کامیابی سرجمیں راج ئِ واستہ شان ئُُ وشی ئِ ساھت اِنت۔ پاکستانی راج ءَ یک رندے پد ءَ اے گپ ثابت کتگ کہ آ وتی صلاحیت، جزم، دلیری ءُ یکوئی ءَ گوں ھمک چیلنج ءَ چہ دیم ءَ شت کنت۔