راجی اسمبلی ءِ اسپیکر سردار ایاز صادق ءَ سوپارکو ءِ سائنسدان، انجینئر ءُ راج ءَ را اولی ہائپر اسپیکٹرل سیٹلائٹ (ایچ ایس ون) ءِ سوبمندیں شنگ کنگ ءِ سر ءَ مبارک بات داتگ

اسلام آباد۔19اکتوبر  (اے پی پی):راجی اسمبلی ءِ اسپیکر سردار ایاز صادق ءَ سوپارکو ءِ سائنسدان، انجینئر ءُ راج ءَ را اولی ہائپر اسپیکٹرل سیٹلائٹ (ایچ ایس ون) ءِ سوبمندیں لانچ ءِ پد ءَ مبارکی دات۔ یک شمبے ءِ روچ ءَ راجی اسمبلی سیکرٹریٹ میڈیا ونگ ءِ نیمگ ءَ جاڑی بوتگیں بیان ءِ رد ءَ اسپیکر سردار ایاز صادق ءَ سپارکو  ءِ سائنسدان ءُ انجینئر آناں نیکیں واھگ آنی درشان کت ءُ گوشت کہ ایچ ایس ون مشن ءِ سوبمندیں لانچ پاکستان ءِ خلائی پٹ ءُ پول پروگرام ءِ تہ ءَ راجدپتری سنگ انت۔ ایچ ایس ون سیٹلائٹ ءِ شنگ کنگ ءَ چہ ملک ءَ سائنسی ءُ ٹیکنالوجی ءِ وت مہ وتی ءِ واستہ نوکیں راہ پچ بنت۔ اسپیکر سردار ایاز صادق ءَ گوشت کہ سپارکو  ءِ سائنسدان، انجینئر ءُ کارندہ آں راج ءَ را ناز کتگ ۔ ایچ ایس ون سیٹلائٹ زراعت، ماحولیاتی پائیداری ءُ شہری منصوبہ بندی ءِ تہا انقلابی پیشرفت ثابت بیت۔ اسپیکر سردار ایاز صادق ءَ گوشت کہ سیٹلائٹ ءِ وسیلگ ءَ فصل آنی جان سلامتی، مٹی ءِ رمی ءُ قدرتی آفت آنی جوانیں نگرانی ممکن بیت۔ اے مشن پاکستان ءِ پائیدار دیمروئی ءِ مول ءُ مراد آنی سرجمی ءِ ھاترا یک ھاسیں گامگیج اِنت۔ اسپیکر سردار ایاز صادق ءَ گوشت کہ اے لانچ پاکستان ءِ سائنسی کمیونٹی ءِ محنت، وژن ءُ راجی عزم ءِ آدینک انت۔ سوپارکو ءِ اے سوبمندی ورنا نسل ءِ ھاتر ءَ پٹ ءُ پول ءُ جدت ءِ نوکیں تحریک جوڑ بیت۔ اسپیکر سردار ایاز صادق ءَ گوشت کہ پارلیمنٹ سوپرکو ءُ ایندگر سائنسی ادارگ آنی دیمروئی ءِ واستہ دیم ءَ کمک کنت ۔ ملک ءَ را خلائی پٹ ءُ پول ءِ پڑ ءَ نامداریں جاہ جوڑ کنگ ءِ واستہ دستیابیں درستیں وسیلگ آناں کارمرد کنگ بیت۔