وزیر خزانہ سینیٹر محمد اورنگزیب ءَ 15می وی ٹوئنٹی وزارتی دیوان ءَ بہر زرتگ

واشنگٹن ۔19اکتوبر  (اے پی پی): وزیر خزانہ سینیٹر محمد اورنگزیب ءَ 15می وی ٹوئنٹی وزارتی دیوان ءَ بہر زرتگ۔ دیوان ءِ تہ ءَ ” سرمایہ ءِ ھرچ ءُ درچ، وام ءُ دیمروئی ءِ راہ“ ءِ سرھال ءِ سر ءَ گپ ءُ تران کنگ بوت۔ وزیر ءِ ھزانگ ءَ وتی کلوہ ءِ تہ ءَ پاکستان ءَ سیلاب ءِ تہ ءَ گیش بوھوکیں شدت ءُ فریکوئنسی ءِ سر ءَ زور پر دات۔ وزارت خزانہ ءِ نیمگ ءَ جاڑی بوتگیں بیان ءِ رد ءَ سیلاب ءَ گوں سیادی داروکیں ریسکیو ءُ ریلیف ءِ کار آنی ھرچ ءُ درچ ءَ پاکستان ءِ حکومت وتی وسیلگ ءَ چہ پیلو کنت۔ وزیر ءِ ھزانگ ءَ پاکستان ءِ موسمیاتی وشھالی منصوبگ ءِ جوڑ کنگ ءَ سی وی ایف وی ٹوئنٹی سیکرٹریٹ ءِ کمک ءِ سر ءَ منت گپت۔ اے منصوبہ ءِ سرا عمل کنگ ءِ ھاتر ءَ ملکی شراکت داری ءِ چارچوب ءِ چیر دستی ءَ مالی کمک دستیاب اِنت۔ سینیٹر محمد اورنگزیب ءَ تاوان ءُ تاوان ءِ فنڈ ءَ را ترندیں رنگ ءَ چالو کنگ ءِ سر ءَ زور پر دات۔ آئی ءَ گرین کلائمیٹ فنڈ ءَ پیسلہ کنگ ءِ عمل ءَ را ترند کنگ ءِ ضلورت ءِ سر ءَ زور پر دات۔