ملائیشیا ءِ مزن وزیر شہباز شریف ءَ ملائیشیا ءِ ھمکار ءَ گوں گند ءُ نند کتگ، دو نیمگی، دمگی ءُ جھان ءِ جیڑھانی سر ءَ گپ ءُ تران کتگ

اسلام آباد۔18اکتوبر  (اے پی پی):شمبے ءِ روچ ءَ شپ ءَ مزن وزیر شہباز شریف ءَ را ملائیشیا ءِ مزن وزیر داتو سری انور ابراہیم ءَ گوں ٹیلی فون ءِ سر ءَ گپ ءُ تران کت ءُ دو نیمگی، دمگی ءُ جھان ءِ جیڈھ آنی سر ءَ گپ ءُ تران کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ شمبے ءِ روچ ءَ شپ ءَ مزن وزیر محمد شہباز شریف ءَ را ملائیشیا ءِ مزن وزیر داتو سری انور ابراہیم ءَ چہ ٹیلی فون اتکگ۔ مزن وزیر شہباز شریف ءَ کوالالمپور ءِ گوستگیں تر ءُ تاب ءِ وھد ءَ ملائیشیا ءِ سروکی ءُ الس ءِ منت گپت۔ مزن وزیر ءَ اے گپ ءِ سر ءَ دل یکیمی ءِ درشان کت کہ تر ءُ تاب ءِ ساھت ءَ ھاسیں رنگ ءَ حلال گوشت ءِ برآمد ءُ وت مہ وتی سیت پائدگ ءِ ایندگر شوبگ آنی ھوالگ ءَ بوتگیں منظوری آنی سبب ءَ پاکستان ءُ ملائیشیا ءِ سیادی نوکیں کوھت آنی تہ ءَ سر بوتگ اَنت۔ دوئیں بامرد آں دمگ ءِ نوکیں دیمروئی آنی بابت ءَ ھم گپ ءُ تران کتگ۔ مزن وزیر شہباز شریف ءَ مزن وزیر انور ابراہیم ءَ را شرم الشیخ ءَ غزہ امن معاہدے ءِ دستخط کنگ ءِ مراگش ءَ بہر زورگ ءِ بابت ءَ سرپد کت۔ دوئیں رہشوناں اے امن کوشست ءِ وش آتک کنان ءَ اے اُمیت ءِ درشانی کت کہ اے فلسطین ءِ راج ءِ رنج ءُ گماں زوت ھلاس کنگ ءَ کمک کنت، غزہ ءَ بے رکاوٹیں انسانی کمک ءِ سر کنگ ءَ را دل یکیمی کنت ءُ دمگ ءَ دائمی امن ءُ ایمنی ءِ راہ ءَ پچ کنت۔ مزن وزیر ءَ ملائیشیا ءِ ھمکار ءَ را پاک اوگانستان ءِ سیم سر ءِ سیکورٹی ءِ جاورھال آنی ھوالگ ءَ ھم سرپد کت۔ آئی ءَ گوشت کہ پاکستان اوگانستان ءَ امن ءُ ایمنی ءِ واھشت مند اِنت بلے اوگان سرزمین ءَ چہ پیداکیں سیم سر ءِ سرا ناشرکاری ءِ دیمپان اِنت۔ مزن وزیر ءَ اے گپ ءِ سر ءَ زور پر دات کہ اوگان واکدار آناں زوت ءُ جوانیں رنگ ءَ اوگان سرزمین ءَ چہ کار کنوکیں ناشرکاری نیٹ ورک آناں ھلاس کنگی اِنت کہ آ پاکستان ءِ اندر ءَ اُرش کنگ ءَ اَنت۔ آئی ءَ اے گپ ءِ پدرائی کت کہ پاکستان ءَ دوحہ ءَ گپ ءُ تران ءِ آسراتی ءِ واستہ اوگان واکدار آنی لوٹ ءِ سر ءَ عارضی جنگ بندی ءِ سر ءَ تپاک کتگ ءُ فتنہ الخوارج، فتنہ ہندوستان ، ٹی ٹی پی ءُ بلوچستان ءِ آجوئی ءِ سر ءَ برجائی ءُ آجوئی ءِ سر ءَ ھواریں درستیں ناشرکاریں گل آنی ھلاپ ءَ ٹھوس گامگیج زورگ ءِ سر ءَ زور پر دات۔ ملائیشیا ءِ مزن وزیر ءَ اے وئیل آنی سر ءَ وتی جیڈھ ءِ درشانی کت ءُ دمگ ءَ کش ءُ چیل آنی تہ ءَ کمی ءُ امن ءُ ایمنی ءِ بحالی ءِ واستہ جوڑیشت ءِ کرد پیلو کنگ ءِ پیشکش کت۔ دوئیں رہشوناں رابطہ ءِ برجاہ دارگ ءِ سرا تپاک کتگ۔