بنجاھی وزیر داخلہ محسن نقوی ءَ ٹی چوک فلائی اوور منصوبہ ءِ تر ءُ تاب کتگ، میگا منصوبہ ءِ سرا تعمیراتی کارانی پیشرفت ءِ سرا چار ءُ تپاسی کتگ

اسلام آباد۔18اکتوبر  (اے پی پی): بنجاھی تہی کارانی وزیر محسن نقوی ءَ ٹی چوک فلائی اوور منصوبگ ءِ تر ءُ تاب کتگ ءُ میگا منصوبگ ءِ سر ءَ جوڑیشت ءِ کار آنی دیمروئی ءِ سر ءَ چار ءُ تپاسی کتگ۔ وزیر داخلہ محسن نقوی ءَ جوڑیشت ءِ کار آنی دیمروئی ءُ رفتار ءِ چار ءُ تپاسی کت۔ منصوبہ ءِ 100درسد ڈھیر، ڈھیر ءِ کیپ ءُ گرڈر کاسٹنگ سرجم بوتگ انت وھدیکہ منصوبہ ءِ 60درسد حفاظتی دیوار سرجم کنگ بنت۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ ساھت ءَ بنجاھی وزیر داخلہ محسن نقوی ءَ منصوبگ ءِ جوڑیشت ءِ کار آنی دیمروئی ءِ سر ءَ دل یکیمی ءِ درشان کتگ۔ آئی ءَ جی ٹی روڈ ءِ آیوکیں توسیپ ءَ را ھیال ءَ دارگ ءَ منصوبگ ءِ سرجمی ءِ واستہ جامع منصوبگ بندی ءِ ہدایت کت ءُ گوشت کہ منصوبگ ءَ را وھد ءِ سر ءَ ءُ مزنیں معیار ءِ گوما سرجم کنگ بہ بیت۔ تہی کارانی وزیر محسن نقوی ءَ گوشت کہ دیمروئی منصوبگ آنی کوالٹی ءِ سر ءَ ھچ وڑیں سمجھوتہ نہ بیت۔ وزیر داخلہ ءَ منصوبگ ءِ کش ءُ گور ءَ جوانیں لینڈ اسکیپنگ ءُ باغبانی ءِ ھاتر ءَ ہدایت کتگ ءُ گوشت کہ ٹی چوک فلائی اوور منصوبگ ءَ چہ جی ٹی روڈ ءَ چہ آیوکیں مسافر آنی واستہ دارالحکومت ءَ سگنل فری رسائی ءِ آسراتی رس ایت۔ آئی ءَ گوشت کہ الس ءِ آسراتی ءُ ازمت مئے مستریں مول ءُ مراد انت۔ اے موہ ءِ سر ءَ تہی کارانی وزیر ءَ را منصوبگ ءِ سر ءَ برجاھیں دیمروئی کار آنی ھوالگ ءَ سرجمیں بریفنگ دیگ بوت۔ منصوبگ ءِ کار ٹائم لائن ءِ رد ءَ دیم ءَ روگ ءَ انت ءُ ایر کتگیں وھد ءُ پاس ءِ تہ ءَ سرجم کنگ بیت۔ اے موہ ءِ سر ءَ آئی جی اسلام آباد پولیس ڈی سی اسلام آباد، سی ڈی اے ءِ باسک ءُ اے دگہ کارندہ ھم ساڑی بوتگ اَنت۔