پاکستان ءَ شارک ءِ رکھینگ ءِ ھاتر ءَ راجی ایکشن پلان ءِ بندات کنگ بیت، بنجاھی وزیر جنید انور چوہدری

اسلام آباد۔18اکتوبر  (اے پی پی): بنجاھی وزیر زرئی کار امور محمد جنید انور چوہدری ءَ جار جتگ کہ عرب ءِ زر ءَ گار بوھگ ءِ ھترہ ءَ چہ رکّینگ ءِ ھاترا چاگردی ادارگ ءِ گوما شور ءُ سلاھ ءَ راجی ایکشن پلان تیار کنگ بوھگ ءَ اِنت، آئی ءَ گوشت کہ ملک ءَ را رکھینگ ءِ ھاترا ترندیں ءُ منصوبگ بندیں گامگیج آنی ضلورت اِنت۔ شمبے ءِ روچ ءَ جاڑی بوتگیں بیان ءِ تہ ءَ بنجاھی وزیر ءَ پائیدار سمندری رھبند ءُ میاں اوستمانی رکھینگ ءِ منوگری آنی سر ءَ کار  کنگ ءِ سر ءَ حکومت ءِ جزم ءِ سر ءَ زور پر دات ءُ اے گپ ءِ سر ءَ زور پر دات کہ جتا جتائیں نسل آنی ھواریں بندش جتگیں  شارک آنی برجاھیں شکار سمندری زندمان ءِ تنوع ءُ میاں اوستمانی رکھینگ ءِ جزم آنی واستہ ھترہ اِنت۔ آئی ءَ گوشت کہ عرب ءِ زر ءَ شارک ءِ مہاجریں نسل آناں آئی یو سی این ءِ ریڈ لسٹ ءَ نزوریں نسل ءِ جار جنگ بوتگ۔ اے نسل خاص طور ءَ انسانی خطرہانی دیم ءَ انت چوشکہ ماہی گیری ءِ جالاں گوں بندوک بوھگ ءُ جہازاں گوں ٹکر کنگ کہ ایشانی سستیں دیمروئی ءُ کمیں تولیدی شرح ءِ سبب ءَ گیشتر زیان رسیت۔ بنجاھی وزیر ءَ اے گپ ءِ سر ءَ زور پر دات کہ ملک ءِ دریائی ماحولیاتی نظام ءِ رکھینگ ءِ واستہ ترند ءُ منصوبگ بندیں گامگیج آنی ضلورت اِنت۔ آئی ءَ ھشدار دات کہ اے شارک آنی ھوالگ ءَ ناجائزیں ماھی گیری ءِ کار نہ ایوک ءَ چاگرد ءَ را تاوان رسیت بلکیں ملک ءِ میاں اوستمانی ساکھ ءَ را تاوان رسیت ءُ دریائی وردن ءِ سوداگری ءَ را ھم تاوان رسیت۔ آئی ءَ گوشت کہ دریائی وسیلگ آنی ذمہ واریں انتظام ءِ اولی ترجی ءِ رد ءَ بہ بیت، ایشی ءِ واستہ گار بوھگ ءِ ھترہ ءَ چہ رکّینگ ءِ واستہ سکیں گامگیج آنی ضلورت اِنت۔ وزیر ءَ اے گپ ءِ سر ءَ زور پر دات کہ اے نا ایوک ءَ راجی ذمہ واری اِنت بلکینگ ءَ جتا جتائیں چاگردی منوگری آنی چیر دستی ءَ پاکستان ءِ جزم ءِ بھر اِنت۔ جندو انور چوہدری ءَ گوشت کہ راجی منصوبگ سندھ ءُ بلوچستان ءِ صوبائی حکومت ءَ ھوار درستیں سیادی داروک آنی گوما شور ءُ سلاھ ءَ جوڑ کنگ بیت۔ بنجاھی وزیر ءَ گوشت کہ وزارت اے صوبگ آنی نیمگ ءَ چہ محدود ءُ گار بوھگ ءِ ھترہ ءَ چہ رکّینگ ءِ واستہ استیں سٹینڈرڈ آپریٹنگ طریقہ کار ءُ غیر قانونی شکار ءِ گر ءُ دار ءُ کانود ءِ نفاذ ءَ را دل یکیمی کنگ ءِ واستہ استیں نگرانی ءُ نفاذ ءِ گامگیج آنی بابت ءَ تفصیلی رائے یکجا کنت۔ آئی ءَ یکجائی بنجاھی ءُ صوبائی گامگیج ءِ ضلورت ءِ سر ءَ زور پر دیان ءَ گوشت کہ اے شارک ءِ آبادی ءِ گیشیں شکار ءِ ھلاسی ءِ واستہ جوانیں نگرانی، نفاذ ءُ الس ءِ سرپدی المی اِنت۔ جندر انور چوہدری ءَ صوبائی ماہی گیری ءِ محکمہ آناں زور پر دات کہ آ ماہی گیر ءُ ماہی گیر آنی واستہ وتی سرپدی ءُ تربیت ءِ پروگرام آنی بابت ءَ زانتکاری ءِ بہر ءُ بانگ بہ کن اَنت کہ آ شارک ءِ پجار ءُ تحفظ ءِ رہبند آنی سر ءَ کار  کنگ ءِ سر ءَ دلگوش بہ کن اَنت۔ آئی ءَ شارک ءِ بائی کیچ ءُ لینڈنگ ءِ ٹریک کنگ ءِ واستہ کارمرد بوتگیں تکنیک ءُ سامان آنی سر ءَ چار ءُ تپاسی ءِ ھم لوٹ کتگ تانکہ ڈیٹا ءِ راستی ءُ شفافیت ءَ را گہتر کنگ بہ بیت۔ بنجاھی وزیر برائے سمندری امور ءَ پاکستان ءِ سمندری رکھینگ ءِ کوشست آنی اثر آناں گیش کنگ ءِ واستہ میاں اوستمانی تحفظ ءِ تنظیم ءُ دمگی ماہی گیری ادارگ آنی گوما مھکمیں کمک ءِ ضلورت ءِ سر ءَ زور پر دات۔ آئی ءَ محکمہ دریائی ماہی گیری ءَ را ہدایت کت کہ آ سندھ دریائی ءُ کوسٹل ماہی گیری ءِ دیمروئی ءِ کارگس، بلوچستان ماہی گیری ءِ محکمہ، کوئٹہ ءُ کورنگی فش ہاربر اتھارٹیز ءُ ہمگرنچیں لاب اسٹاک ءُ ماہی گیری ءِ محکمہ ءُ ہمے رنگ ءَ ایندگر ہمگرنچیں ادارگ آنی گوما گپ ءُ تران ءِ بندات ءَ بہ کنت۔ بنجاھی وزیر ءَ گوشت کہ اے شور ءُ سلاھ شارک ءِ آبادی ءِ رکھینگ ءِ واستہ یک ھمگرنچیں حکمت کار ی ءِ جوڑ کنگ ءَ کمک رسیت ءُ اے گپ ءَ را دل یکیمی کنگ بیت کہ پاکستان ءِ ماہی گیری ءِ صنعت ءَ را میاں اوستمانی پائیداری ءِ لوٹ آناں پیلو کنگ بیت۔ محمد انور چوہدری ءَ گوشت کہ سمندری زندمان ءِ تنوع ءِ رکھینگ ءِ واستہ کوسٹل معیشت آنی آیوکیں جان سلامتی ءُ ایشی ءِ سر ءَ بڈو کنوکیں زندمان ءِ واستہ المی اِنت۔