اسلام آباد۔18اکتوبر (اے پی پی): وزیر دیمپانی ءِ سروکی ءَ پاکستانی مزن تک ءِ ڈل ءَ دوحہ ءَ اوگان طالبان ءِ نمائندگاں گوں آدینگ ءِ روچ ءَ گپ ءُ تران کنت۔ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گپ ءُ تران ءِ تہ ءَ پاکستان ءِ ھلاپ ءَ اوگانستان ءِ نیمگ ءَ چہ سیم سر ءِ سر ءَ …
پاکستان ءِ مزن تک ءِ ڈل ءَ وزیر دیمپانی ءِ سروکی ءَ مرچی دوحہ ءَ اوگان طالبان ءِ نمائندگاں گوں گپ ءُ تران کنگ ءَ انت، دری کارانی کارگس ءِ جارکش
گیشتریں ھال
اسلام آباد۔18اکتوبر (اے پی پی): وزیر دیمپانی ءِ سروکی ءَ پاکستانی مزن تک ءِ ڈل ءَ دوحہ ءَ اوگان طالبان ءِ نمائندگاں گوں آدینگ ءِ روچ ءَ گپ ءُ تران کنت۔ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گپ ءُ تران ءِ تہ ءَ پاکستان ءِ ھلاپ ءَ اوگانستان ءِ نیمگ ءَ چہ سیم سر ءِ سر ءَ ناشرکاری ءِ ھلاسی ءُ پاک اوگانستان ءِ سیمسر ءَ امن ءُ ایمنی ءِ بحالی ءِ واستہ ترندیں گامگیج آنی سر ءَ گپ ءُ تران کنگ بیت۔ ترجمان ءَ گوشت کہ پاکستان تناؤ نہ لوٹ ایت ءُ اوگان طالبان ءِ واکدار آناں زور پر دنت کہ آ میاں اوستمانی براتی ءِ گوما وتی زمہ واری آنی سر ءَ کار بہ کن اَنت ءُ ٹی ٹی پی / ایف اے کے ءُ بی ایل اے / ایف اے ایچ ءَ ھوار ناشرکاریں گل آنی ھلاپ ءَ تصدیق ءِ لائکیں گامگیج زورگ ءَ پاکستان ءِ جائزیں سیکورٹی جیڈھ آنی گیواری ءَ بہ کن اَنت۔ بیان ءِ تہ ءَ گوشگ بوت کہ پاکستان قطر ءِ میانجی داری کوشست آناں ساڑایت ءُ امیت کنت کہ ایشی ءَ چہ پڑ ءَ امن ءُ ایمنی ءِ تہ ءَ کمک رس ایت۔
