پاکستان ءِ جوڑ بوھگ ءَ پد پاکستانی سلاہ بندیں اُرد ءَ راج ءِ سرجمیں کمک ءَ گوں مھروانیں وطن ءِ درائیں ءُ اندری دیمپانی ءَ ھچ سنگ یلہ نہ داتگ، فیلڈ مارشل سید عاصم منیر پاکستان ملٹری اکیڈمی ءَ پاسنگ آؤٹ پریڈ ءَ گوں تران کنان

کاکول۔18اکتوبر  (اے پی پی): فیلڈ مارشل سید عاصم منیر ءَ گوشت کہ پاکستان ءِ جوڑ بوھگ ءَ پد پاکستانی سلاھ بندیں اُرد ءَ راج ءِ سرجمیں کمک ءَ گوں دوستاریں وطن ءِ چری ءُ اندری دیمپانی ءَ ھچ وڑیں سنگ بے ٹال نہ کتگ۔ ما وردی پوشیں مردم پاکستان ءِ راج ءُ ریاست ءِ دیمروئی ءُ وشھالی ءُ اے مزنیں ملک ءِ نظریاتی ءُ جغرافیائی سیمسر آنی دیمپانی ءِ واستہ مدام تیار ایں ءُ تیار بئیں۔ گوستگیں پاک ءُ ہندوستان ءِ جنگ ءَ پاکستان ءَ وتی عددی لحاظ ءَ مزنیں دژمن ءِ ھلاپ ءَ وتی پدریں سوبمندی ءِ سبب ءَ نہ ایوک ءَ پاکستانی راج ءِ بلکیں میان استمانی براتی ءِ احترام ءُ ستا ءِ سبب جوڑ بوتگ۔ اگاں پدا زوراکی ءِ کوشست کنگ بہ بیت گڈا پاکستان دژمن ءِ گمان ءَ چہ باز گیش تریں پسو ءَ دنت۔ دژمن ءِ سرا بوتگیں جنگی ءُ معاشی تاوان ہندوستان ءِ گمان ءَ چہ سک باز گیش بیت۔ اوگانستان ءِ تہ ءَ پراکسی پاکستان ءِ تہ ءَ زھرناکیں اُرش کنگ ءِ ھاترا اوگان سرزمین ءَ کارمرز کن اَنت۔ پاکستان ملٹری اکیڈمی ءِ پاسنگ آؤٹ پریڈ ءِ تر ءُ تاب کنگ منی واستہ مزنیں شرف ءُ پھر ءِ وسیلہ انت۔ پاکستان ءِ بیرک بُرز ءَ مان اِنت انشاء اللہ، پرچا کہ آئی ءِ رکھوک پاکستانی راج اِنت، کہ کدی بے سوب نہ بیت۔ چین، امریکہ ءُ اسلامی ملکاں گوں پاکستان ءِ سیادی گیش مہکم بوتگ انت۔ پاکستان کشمیر ءِ بابت ءَ وتی اصولی موقف ءِ سرا سدک انت۔ انوگیں تپاک نامہ ءَ پد گمان اِنت کہ فلسطینی وتی وطن ءَ امن ءُ ایمنی ءَ زند گوازینگ ءِ وس ءَ کن اَنت۔ شمبے ءِ روچ ءَ پاکستان ملٹری اکیڈمی ءِ پاسنگ آؤٹ پریڈ ءَ فیلڈ مارشل سید عاصم منیر (نیشان امتیاز ملٹری ہلال جرات) ءَ گوں گشتانک دیگ ءَ ات۔ فیلڈ مارشل سید عاصم منیر ءَ وتی راجدپتری ءُ بے دروریں گشتانک ءِ تہ ءَ گوشت کہ پاکستان ملٹری اکیڈمی ءِ پاسنگ آؤٹ پریڈ ءِ چار ءُ تپاسی منی واستہ مزنیں شرپ ءُ پھر ءِ چیز اِنت۔ من بنگلہ دیش، عراق، مالی، مالدیپ، نائیجیریا، نیپال، فلسطین، قطر، سری لنکا ءُ یمن ءِ کیڈٹس  ھم مبارک بات دیان آں کہ آیاں اے مزنیں ادارگ ءَ چہ وتی تربیت سرجم کتگ۔ پاکستان ءِ جوڑ بوھگ ءَ پد پاکستانی سلاہ بندیں اُرداں گوں راج ءِ سرجمیں کمک ءَ گرانیں وطن ءِ درائیں ءُ تہی دیمپانی ءَ ھچ وڑیں سنگ ءُ سنگے یلہ نہ داتگ۔ فیلڈ مارشل ءَ گوشت کہ انوگیں آپریشن ’’مرکہ حق/بنیان مرسوس‘‘ ءَ پاکستانی سلاھ بندیں اُرد ءَ وتی پیشہ وارانہ ہنر ءُ جزم ءَ گوں دژمن ءَ را شکست دیان ءَ راج ءِ اعتماد ءَ را گیش مھکم کتگ۔ ابدی دژمن ءِ ھلاپ ءَ سکیں پیشہ وارانہ رنگ ءَ آپریشن کنگ ءِ وھد ءَ رافیل ءِ بالی گراب تیرگواری کنگ بوتگ اَنت، ایس 400 سسٹمز ءَ ھوار دژمن ءِ بازیں اڈہ نشانگ جوڑ کنگ بوتگ اَنت ءُ پاکستان ءَ ھم وتی کثیر ڈومین جنگی توانائی ءِ سرجمیں رنگ ءَ درشان کتگ۔ فیلڈ مارشل ءَ گوشت کہ اللہ تعالیٰ ءِ فضل ءُ کرم ءُ راجی جزم ءِ گوما ما یک راجی ءِ رنگ ءَ یکجاہ بوتیں ءُ دژمن ءِ گوما چو اسٹیل ءِ دیوال ءَ دیم پہ دیم بوتیں ۔ پاکستان ءَ یک رندے پدا یک انچیں دژمن ءِ ھلاپ ءَ سوبمندی رست کہ آ وتی گمراہ کنوکیں بالادستی ءِ شان ءِ جنون ءَ گوں بندوک ات۔ بھارت ءَ زوت زوت ءَ الزام جتگ ءُ غیر جانبداریں پٹ ءُ پول ءَ چہ رکّ اِتگ۔ بھارت ءِ وت جوڑ کتگیں ثبوت اے گپ ءِ نشانی انت کہ بھارت ءِ حاکمیں گل ءَ وتی نا شریں مول ءُ مراد ءِ ھاترا ناشرکاری ءَ را سیاسی کتگ۔ فیلڈ مارشل ءَ گوشت کہ پاکستان ءَ اعداد ءِ رد ءَ مزنیں دژمن ءِ ھلاپ ءَ وتی پدریں سوبمندی ءِ برکت ءَ نہ ایوک ءَ پاکستانی الس ءِ احترام ءُ ستا زرتگ بلکینگ ءَ میاں اوستمانی براتی ءِ احترام ءُ ستا ءَ را زرتگ۔ ورنا آنی تہ ءَ اے دل یکیمی ھم مھکم کنگ بوتگ کہ پاکستان ءِ سلاہ بندیں اُرد راجی مھکم ءِ بنیاتی کنٹگ اَنت۔ فیلڈ مارشل ءَ گشتگ کہ آ راج ءَ دل یکیمی کناں کہ انشاء اللہ ما اے مقدسیں زمین ءِ یک انچے ہم دژمن ءِ دست ءَ دیگ ءَ نہ دیاں۔ من پاکستانی اُلس ءِ دلیری ءَ گوں مزنیں شان ءَ سلام پیش کن آں ۔ من ہر سرمچار، ملاح، فضائیہ ءِ کارندہ، دلیریں مرد، زالبول، زھگ ءُ پیریں مردماں کہ اے گرانیں جاوراں وتی جان ندر کتگ انت آئی ءَ را یات کناں۔ من ھما غازیاں ھم شگر ءُ منت وار آں کہ آیاں اے جنگ پہ ماتیں وطن ءِ رکّینگ ءَ کتگ۔ راجی سروکی، بیوروکریسی، زانتکار، شاہوکار ، رسانکدر ءُ وانگ ءُ زانگ ءِ پڑ ءِ مردم شگر ءُ منت ءِ مستحق اَنت۔ فیلڈ مارشل ءَ گوشت کہ ما شھید ءُ آھانی کھول ءِ بے دروریں منت وار ءُ مدیون ایں، آھانی قربانی آنی سبب ءَ ما مرچی آجوئی ءِ زند گوازینگ ءَ ایں ۔ فیلڈ مارشل ءَ پاسنگ آؤٹ کیڈٹس  گْوشت کہ شما شھیدانی وارث اِت، وتی زند ءَ آیانی قربانیانی لائق بہ کن اِت، شما اے گپ ءَ شان بہ کن اِت کہ شما دگنیا ءِ مزنیں ءُ شرپ مندیں اُرد ءِ بھرے بوھگ ءَ اِت، کہ چہ کس ءَ کمتر نہ اِنت، یات بہ دار اِت،  کہ مئے دژمن آناں مئے اُرد آوانی گس ءِ توک ءَ شتگ ءُ سبک سیکارینتگ ، مئے دژمن آں مئے دلیری ءُ وےتی لگوری ءِ کسہ دگنیا ءِ دیما  درشان کتگ۔ فیلڈ مارشل ءَ گوشت کہ پاکستان ءِ دیمپانیی نظریہ پکوئیں رکاوٹ ءُ مدام تیاری ءِ سر ءَ بنیات اِنت، ایشی ءِ تہ ءَ درستیں توانائی آناں ھوار اِنت۔ دو دہائیاں ذیلی روایتی جنگی میدان ءَ آزمائش کنگ بوتگیں اے پیشہ واریں اُرد ءَ دژمن ءَ را لائکیں پسو داتگ ءُ روایتی میدان ءَ ہم وتی توانائی ثابت کتگ۔ فیلڈ مارشل ءَ ھشدار داتگ کہ اگاں پدا زوراکی ءِ کوشست کنگ بہ بیت گڈا پاکستان دژمن ءِ گمان ءَ چہ باز گیش زھرناکیں پسو دنت۔ مئے سلاہ دور ءَ سر بنت ءُ جنگ ءَ گیشتر تاوان بار ثابت بنت ءُ ہندوستان ءِ جغرافیائی توسیع ءِ ایمنی ءِ من گھڑتیں تصور ءَ ھلاس کن انت۔ دژمن ءِ سرا بوتگیں جنگی ءُ معاشی تاوان ہندوستان ءِ گمان ءَ چہ سک باز گیش بیت۔ من بھارتی فوجی سروکی ءَ را پنت ءُ شون کناں ءُ سک باز ھال دیان آں کہ ایٹمی چاگرد ءَ دوئیں ملکانی نیام ءَ جنگ ءِ گنجائش نیست۔ پاکستان ءِ گوما میان استمانی رہبندانی رد ءَ برابری ءُ وت مہ وتی شرپ ءِ بنیاد ءَ بنیاتی جیڈھ آناں گیش ءُ گیوار بہ کنت۔ بھارت ءَ گوں تران کنان ءَ آئی ءَ گوشت کہ ما کدی شمئے بیانیہ ءَ چہ ترس ءُ بیم ءِ آماچ نہ بئیں ءُ کجام ھم کسانیں آشوب ءِ سر ءَ فیصلہ کنوکیں پسو ءَ دئیں۔ آؤکیں تناؤ ءِ ذمہ واری کہ گڈسرا سرجمیں دمگ ءُ چہ ایشی ءَ دریں دمگاں تباہ کنوکیں آسراتی ءِ سوب جوڑ بوت کنت، سرجم ءَ ہندوستان ءِ سرا کپیت۔ دنیا انگیزہانی تہا یک ھاسیں بدلی یے گندگ ءَ اِنت، چوش کہ سیاسی مول ءُ مراد ءِ سرجم کنگ ءِ ھاترا زوراکی ءِ کارمرز کنگ۔ فیلڈ مارشل ءَ گوشت کہ پاکستان دمگ ءَ نیٹ ریجنل اسٹیبلائزر ءِ رنگ ءَ سوبمندیں رنگ ءَ ابھر بوتگ، مئے سیادی دگنیا ءِ طاقت آنی گوما ھاسیں رنگ ءَ مسلمان ملک آنی گوما گیش مھکم بوتگ اَنت، پاکستان ءَ دمگ ءُ ایشی ءَ چہ دریں امن ءُ ایمنی ءِ تہ ءَ کلیدی کرد ءِ پیلو کنگ ءَ را مدام ثابت کتگ، مئے سلاہ بندیں اُرد اقوام متحدہ ءِ امن مشن ءِ تہ ءَ مزنیں کساس ءَ بھر زور اَنت۔ آئی ءَ گوشت کہ سعودی عرب ءِ گوما گوستگیں اسٹریٹجک باہمی دیمپانیی منوگری پاکستان ءُ سعودی برات ءَ را مھکم ءُ رسمی کنت، اے منوگری میاں اوستمانی ءُ جنوبی ایشیا ءَ امن ءُ ایمنی ءَ را دل یکیمی کنگ ءِ نیمگ ءَ گامگیج اِنت، اے پاکستان ءِ الس ءُ سلاہ بندیں اُرد آنی واستہ یک انچیں انفرادی شرف اِنت کہ آ موکو ٹی ءِ دیمپانی ءِ واستہ وتی ازمت آناں پیش کنگ ءِ اہل بہ بنت۔ فیلڈ مارشل ءَ گوشت کہ ایران ءِ گوما مذاکرات ءِ پرامنیں کار  ءَ پاکستان ءَ ھم کرد پیلو کتگ، مئے سیادی گوں دگہ درستیں مسلمانیں ملک آنی گوما ترندی ءَ گوں دیمروئی کنگ ءَ اَنت، مستریں گپ ایش اِنت کہ مارا چین ءِ گوما وتی راجدپتری ءُ اسٹریٹجک کوآپریٹو شریکداری ءُ دوستی ءِ سر ءَ پھر اِنت، امریکہ ءِ گوما مھکم ءُ دیمروئی کنوکیں سیادی آنی دوبر فعال کنگ یک وشیں ءُ دلبڈی ءِ دیمروئی اِنت۔آئی ءَ گوشت کہ دگنیا ءِ جیڈھ ءِ آماچیں بازیں دمگ آنی تہ ءَ امن ءِ برجائی ءِ واستہ صدر ٹرمپ ءِ ذاتی کوشست ءُ اسٹریٹجک سروکی راستی ءَ ستا کرز انت۔ ما اے سیادی ءَ را امن، ایمنی ءُ دیمروئی ءِ ھاتر ءَ ھاسیں جھان ءُ دمگی سروک آنی گوما گیش ءَ چہ گیش دیمروئی کن ایں ۔ فیلڈ مارشل ءَ گوشت کہ آپریشن معارکہ حق ءَ پاکستان ءِ سر ءَ وتی زوراکی ءِ ناکام بوھگ ءَ پد بھارت سرکاری سرپرستی ءَ ناشرکاری ءَ را ترجیحی پالیشی ءِ رنگ ءَ برجاہ دارگ ءَ اِنت۔ مئے دژمن ءِ فتنہ الهندستان ءُ فتنہ الخریج ءِ "کرایہ ءِ توپک” ءِ رنگ ءَ کارمرز کنگ آئی ءِ بزدل، منافق ءُ زھرناکیں دیم ءَ دنیا ءِ دیم ءَ پدر کنت۔ پاکستان ءَ ناشرکاری ءِ ھاترا اوگان سرزمین ءِ کارمرد کنگ ھمے پیم ءَ پریشان کنوک اِنت۔ ما اوگانستان ءِ اُلس ءَ گوں دزبندی کن ایں کہ آ دائمی زوراکی ءِ بدل ءَ یکے دومی ءِ ایمنی ءَ را گچین بہ کن اَنت ءُ سخت گیریں تعصب ءِ سر ءَ پیشرفت بہ کن اَنت۔ طالبان ءِ سرکار ھما پراکسیانی سر ءَ لگام بہ جنت کہ آھانی اوگانستان ءَ پناہ گاہ ھست اَنت۔ اے پراکسی پاکستان ءِ تہ ءَ زھرناکیں اُرش کنگ ءِ ھاترا اوگان سرزمین ءَ کارمرز کن اَنت۔ آئی ءَ گوشت کہ کانود ءِ نفاذ ءِ ادارگ ءُ سلاہ بندیں اُرد پاکستان ءِ دلیریں الس ھاسیں رنگ ءَ خیبر پختونخوا ءُ بلوچستان ءِ الس آنی کمک ءَ اے آفت ءَ را المی ءَ را شکست دینت۔ آئی ءَ گوشت کہ دلجم بہ بئے کہ روایتی میدان ءِ وڑ ءَ مئے ھمساھگ ءِ ھر ریاستی پراکسی ءِ سرا چہ مٹی ءَ چہ ٹُکّر ٹُکّر کنگ بیت۔ ما اسلام ءِ ردیں ترجمانی کنوکیں مٹّی یے ءِ گمراہیں ناشرکارانی دیم ءَ ھچبر جھک نہ کنیں۔ فیلڈ مارشل ءَ گوشت کہ ھندی ریاست ءِ چیردستی ءَ غیر کانودی قبضہ ءِ جموں ءُ کشمیر ءَ جاری ناشرکاری، زلم ءُ زوراکی ءُ ظلم ءُ زوراکی ھم ھلاس کنگ بہ بنت۔ کشمیری راج داں کدی زلم ءُ زوراکی ءِ آماچ ءُ وتی وت واجھی ءِ ھک ءَ چہ زبھر کنگ ءِ آماچ مان ایت؟ پاکستان کشمیر ءِ بابت ءَ وتی اصولی موقف ءِ سرا سدک انت۔ پاکستان کشمیری آنی آجوئی ءِ جائزیں جہد ءَ را سیاسی، سفارتی ءُ اخلاقی کمک ءَ را برجاہ دار ایت داں اے میاں اوستمانی تک ءَ منگ بوتگیں جیڈھ اقوام متحدہ ءِ سلامتی کونسل ءِ قرارداد ءُ کشمیری الس ءِ واھشت آنی رد ءَ گیش ءُ گیوار کنگ مہ بیت۔ فیلڈ مارشل ءَ گوشت کہ اسرائیل ءِ زوراکی، نسل کشی ءُ فلسطینی آنی زوراکی ءَ چہ آوار جنگ ءِ سر ءَ دگنیا ءَ گڈی ءَ نوٹس زرتگ۔ اے جنگ ءِ سوب ءَ ھزاراں بے گناہیں فلسطینی شہری چہ زالبول، زھگ ءُ پیریں مردماں شھید بوتگ اَنت۔ سفارتی پڑ ءَ پاکستان ءِ برجاھیں کوشستاں غزہ ءَ انوگیں امن ءِ گامگیج ءَ را دیم ءَ برگ ءَ مزنیں کردے پیلو کتگ۔ ما امیت کنیں کہ اے دمگ ءَ دائمی امن ءُ ایمنی ءِ سبب جوڑ بیت۔ فیلڈ مارشل ءَ گوشت کہ پاکستان ءَ امیت انت کہ جنگ بندی برجاہ بیت، ایشی ءَ پد غزہ ءَ انسانی کمک ءُ نوک جوڑیشت ءِ کار  برجاہ بیت۔ امیت انت کہ فلسطینی راج وتی ڈیھ ءَ امن ءُ ایمنی ءَ زند گوازینگ ءَ سوبین بہ بیت۔ پاکستان وتی اصولی موقف ءِ سرا اوشتاتگ کہ اے جیڑہ ءِ عادلانہ گیواری ءِ ھاتر ءَ دو ریاستی حل ءِ ناگزیری ءُ 1967 ءَ پیسر ءِ سیمسر ءِ بنیاد ءَ فلسطین ءِ یک آجوئیں، وت واجہ ءُ زندگ داروکیں ریاست ءِ ضلورت انت کہ آئی ءِ دارالحکومت القدس الشریف انت۔ آئی ءَ گوشت کہ سفارتی، اقتصادی ءُ جنگی کامیابی ءُ صلاحیت پاکستان ءَ انشاءاللہ دیمروئی ءِ مستریں کونڈاں سر کنت۔ یات بہ دار اِت کہ مئے سفر انگت سرجم نہ اِنت۔ دژمن انگت بے تاھیر اِنت بلے مئے جزم ءُ ھمت ھمے پیم ءَ مھکم ءُ مھکم اِنت۔ ما وردی پوشیں مردم پاکستان ءِ راج ءُ ریاست ءِ دیمروئی ءُ وشھالی ءُ اے مزنیں ملک ءِ نظریاتی ءُ جغرافیائی سیمسر آنی دیمپانی ءِ واستہ مدام تیار ایں ءُ تیار بئیں۔ فیلڈ مارشل ءَ قرآن مجید ءِ سورہ الصاف ءِ آیت 4 ءِ حوالہ ءَ گشتگ کہ بے شک اللہ تعالیٰ ہما مردماں دوست دار ایت کہ آئی ءِ راہ ءَ جنگ کن انت، انچو گشئے آ سیسہ ءِ دیوال انت۔ جنوری 1948 ءِ قائداعظم ءِ راجدپتری گپانی حوالہ ءَ فیلڈ مارشل ءَ گشتگ کہ ما درست پاکستانی ءُ ریاست ءِ شہری ایں، مارا ریاست ءِ ھاتر ءَ ھزمت کنگی اِنت، قربانی دیگی اِنت ءُ وتی جان ءِ ندر کنگی اِنت، دانکہ ما آئی ءَ را دنیا ءِ شاندار تریں ءُ آجوئیں ریاست جوڑ بہ کنیں۔ مشکلات ءُ چیلنجانی دیم ءَ دارگ ءِ تہا برجائی۔فیلڈ مارشل ءَ کیڈٹس  گشتگ کہ آ پیشہ وارانہ ، نظم و ضبط ءُ اخلاقی قیادت ءَ وتی ہال مارک جوڑ کنگ ءِ سرا دلگوش بہ کن انت بدبھتی ءَ ، ادراک حقیقت ءَ چہ گیش وزن ءَ برگ ءَ انت ءُ نیم راستی چہ نوکیں facts ءَ گیشتر شنگ ءُ تالان بنت ءُ نہ۔ آئی ءَ گوشت کہ منی پیغام ءِ گیشیں مول ءُ مراد یک دل یکیمی یے کہ ’’پاکستان ءِ توانائی ءُ دیمروئی کنوکیں پوزیشن ءَ را ھیال ءَ دارگ ءَ مارا دلیری ءُ جزم ءِ گوما چیلنج آناں دیم پہ دیم بوھگی اِنت‘‘، اے مئے فرض اِنت کہ ما وتی ملک ءَ را وتی ھک ءِ منزل ءِ نیمگ ءَ برگ بہ بئیں۔ وتی گشتانک ءِ گڈسرا آئی ءَ یک رندے پدا بے ہوش بوتگیں کیڈٹس  مبارک بات دات۔