واشنگٹن ۔18اکتوبر (اے پی پی): واشنگٹن ڈی سی ءَ آئی ایم ایف ورلڈ بینک ءِ سالانہ دیوان آنی ساھت ءَ بنجاھی وزیر ھزانگ سینیٹر محمد اورنگزیب ءَ ورلڈ بینک ءِ صدر اجے بنگا ءَ گوں گند ءُ نند کتگ، ایشی ءِ تہ ءَ وزیر ھزانگ ءَ ورلڈ بینک ءِ گوما پاکستان ءِ شریکداری ءَ را گیش مھکم کنگ ءِ جزم ءِ درشانی کتگ۔ وزارت ءِ ھزانگ ءِ نیمگ ءَ …
بنجاھی وزیر خزانہ محمد اورنگزیب ءَ گوں ورلڈ بینک ءِ صدر ءَ گند ءُ نند
گیشتریں ھال
واشنگٹن ۔18اکتوبر (اے پی پی): واشنگٹن ڈی سی ءَ آئی ایم ایف ورلڈ بینک ءِ سالانہ دیوان آنی ساھت ءَ بنجاھی وزیر ھزانگ سینیٹر محمد اورنگزیب ءَ ورلڈ بینک ءِ صدر اجے بنگا ءَ گوں گند ءُ نند کتگ، ایشی ءِ تہ ءَ وزیر ھزانگ ءَ ورلڈ بینک ءِ گوما پاکستان ءِ شریکداری ءَ را گیش مھکم کنگ ءِ جزم ءِ درشانی کتگ۔ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ ھزانگ ءِ وزیر ءَ نیویارک ءَ اقوام متحدہ ءِ جنرل اسمبلی ءِ ساھت ءَ پاکستان ءِ مزن وزیر ءُ ورلڈ بینک ءِ صدر ءِ نیام ءَ گند ءُ نند ءِ آسر ءِ ذکر کتگ۔ وزیر خزانہ ءَ صدر اجے بانگا ءَ را حکومت ءِ سیلاب ءِ ھوالگ ءَ گامگیج آنی بابت ءَ سرپد کت۔ وزیر ءِ ھزانگ ءَ سیلاب ءِ تاوان ءِ ارزیابی سرجمی ءَ پد وھد ءِ سر ءَ کمک کنگ ءِ پد ءَ ورلڈ بینک ءِ شگر ءُ منت گپت۔ وزیر خزانہ ءَ کسانیں کشت ءُ کشاری ءَ را جوانیں رنگ ءَ رسگ ءِ واستہ یکجاھیں فارم ءُ کوآپریٹو آناں کارمرد کنگ ءِ تجویز ءَ را ساڑات۔ سینیٹر محمد اورنگزیب حکومت ءَ ملکی شریکداری ءِ فریم ورک ءِ سر ءَ کار درآمد ءِ تہ ءَ ورلڈ بینک ءِ تکنیکی کمک ءِ سر ءَ شگر ءُ منت گپت۔ وزیر خزانہ ءَ ورلڈ بانک ءِ صدر ءَ را ملکی شراکت داری ءِ چارچوب ءِ سر ءَ کار کنگ ءِ واستہ صوبگ آنی گوما بوتگیں منوگری آنی بابت ءَ سرپد کت۔ وزیر خزانہ ءَ آئی ڈی اے ءِ کمیں تخصیص ءِ رد ءَ گیشیں کمک ءِ لوٹ کتگ۔ وزیر خزانہ ءَ توان ءُ آپ ءِ شوبگ ءَ برجائی اصلاحات ءِ واستہ یک سرجمیں حکمت کار ی ءِ زیر کنگ ءِ ضلورت ءِ سر ءَ زور پر دات۔
