بنجاھی وزیر اھوالکاری عطا ء اللہ تارڑ ءَ  گوں روس ءِ سفیر البرٹ پی خوروف ءِ گند ءُ نند، دو نیمگ یکوئی، شمالی دمگ آنی تہ ءَ کدرتی وش رنگی، سیل ءُ سواد ءِ دیمروئی ءُ میڈیا ءِ کمک آنی ھوالگ ءَ ھیال ریچی

اسلام آباد۔18اکتوبر  (اے پی پی): بنجاھی وزیر ءِ اھوالکاری ءُ شنگکاری عطا اللہ تارڑ ءَ پاکستان ءَ روس ءِ سفیر البرٹ خوروف ءَ گوں گند ءُ نند کتگ ءُ دو نیمگی سیادی، رودراتکی دمگ آنی قدرتی زیبائی، سیل ءُ سواد ءِ دیمروئی ءُ میڈیا ءِ کمک ءِ جتا جتائیں تک ءُ پھنات آنی ھوالگ ءَ ھیال ءُ لیکہ درشان کنگ بوتگ۔ گند ءُ نند ءِ ساھت ءَ راجی ھال رسانکی ادارگ ایسوسی ایٹڈ پریس آف پاکستان کارپوریشن ءُ روس ءِ اسپوتنک نواز ایجنسی ءِ نیام ءَ مفاہمت نامہ ءِ سر ءَ ھم گپ ءُ تران کنگ بوت، ایشی ءَ ابید پاکستان ٹی وی ویژن (پی ٹی وی ورلڈ) ءُ آر ٹی (رشین ٹی وی) ءِ نیام ءَ کمک ءِ منوگری ءَ را گڈی رنگ ءَ دیگ بوت۔ اے موہ ءِ سر ءَ پبلک ایکسچینج پروگرام ءِ چیر دستی ءَ ڈیٹا انفلوئنسر ءُ ورنا آنی سر ءَ ھواریں ڈل آنی تبادلہ ءِ ھوالگ ءَ تجویز آنی سر ءَ ھم چار ءُ تپاسی کنگ بیت۔ بنجاھی وزیر ءِ اھوالکاری ءَ گوشت کہ پاکستان ءُ روس ءِ نیام ءَ سفارتی سیادی وت مہ وتی دل یکیمی ءُ شرپ ءِ بنیات ءَ انت۔ روس ءِ نمائندہ ءَ گوشت کہ پاکستان ءِ کوہ ءِ دمگ آنی تہ ءَ رودراتکی دمگ ھم سرجمیں دگنیا ءِ سیل ءُ سواد ءِ واستہ دلکش انت ءُ روس ءِ سیل ءُ سواد کنوک ھاسیں رنگ ءَ پاکستان ءِ کوہ ءِ دمگ آنی تہ ءَ دلگوش انت۔ آئی ءَ گوشت کہ پاکستان ءُ روس ءِ سیادی ءَ را نوکیں جہت آنی دیمروئی ءَ چہ کار ی شریکداری ءِ تہ ءَ بدل کنگ بیت۔ دوئیں بامرد آں کشت ءُ کشاری، دود ءُ ربیدگ ءُ سیل ءُ سواد ءِ شوبگ ءَ وت مہ وتی کمک ءَ را دیمروئی دیگ ءِ سر ءَ ھم تپاک کتگ۔