مزن وزیر محمد شہباز شریف ءَ پاکستان ءِ جیولوجیکل سروے ءِ اپ گریڈ کتگیں جیو سائنس ایڈوانسڈ ریسرچ لیبارٹریز (گارل) ءِ بنگیج

اسلام آباد۔17اکتوبر  (اے پی پی): مزن وزیر محمد شہباز شریف ءَ پاکستان ءِ جیولوجیکل سروے ءِ اپ گریڈ کتگیں جیوسائنس ایڈوانسڈ ریسرچ لیبارٹریز (گارل) ءِ بنگیج کت۔ بنگیج ءِ مراگش ءَ چیف آف آرمی اسٹاف فیلڈ مارشل سید عاصم منیر، وفاقی وزیر ءُ درئی کارانی مزن اگدہ دار آں ھم بہر زرتگ ات۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے منصوبگ ءِ مول ءُ مراد ملک ءِ معدنیات ءِ پٹ ءُ پول ءِ صلاحیت آناں مزنیں کساس ءَ گیش کنگ ءُ پاکستان ءِ معدنیات ءِ شوبگ ءِ دیمروئی ءِ نیمگ ءَ مزن تک ءِ دلگوشی ءِ کشگ اِنت۔ اے لیبارٹری کہ بنداتی وھد ءَ 1991 ءَ جوڑ کنگ بوتگ ات، نوں ایشی ءَ را سرجمیں رنگ ءَ نوکیں رنگے ءَ جوڑ کنگ بوتگ ات کہ اے لیبارٹری ءَ را میان استمانی رہبندانی رد ءَ جوڑ کنگ بہ بیت۔ چک شہزاد ءَ جاہ منندیں نوکیں لیبارٹری کمپلیکس ءَ را آئی ایس او آئی ای سی 17025 ءِ اعتبار رستگ کہ ایشی ءَ چہ میاں اوستمانی معیار ءِ رد ءَ ٹیسٹنگ ءُ کیلیبریشن ءِ تہ ءَ آئی ءِ تکنیکی مہارت ءِ منگ بیت۔ اے دیمروئی ءِ آسر ءَ نوں لیب ءِ وسیلگ ءَ کان کنی کمپنی آناں JORC ءُ NI 43-101 رپورٹنگ ءِ رہبندانی رد ءَ ریزرو ءِ تخمینہ ءِ ھاتر ءَ لوٹوکیں میاں اوستمانی تک ءَ منگ بوتگیں تجزیاتی ڈیٹا ءِ وسیلگ ءَ رسگ ءِ وس ءُ واک بیت۔ جیولوجیکل سروے آف پاکستان ءِ حکام ءِ رد ءَ اے اپ گریڈ ءُ سرٹیفیکیشن ءَ چہ معدنی شوبگ ءَ سرمایہ کاری ءَ را گیش کنگ بیت پرچا کہ لیبارٹری ءَ چہ معتبریں ڈیٹا ءِ پھجارینگ ءَ را دل یکیمی کنگ بیت کہ میاں اوستمانی کان کنی کمپنی ءُ مالیاتی ادارگ مزنیں منصوبگ آنی واستہ ایشی ءِ سر ءَ انحصار کن اَنت۔ سئے دہائیاں چہ وتی نامداریں گوست ءِ سر ءَ کار کنگ ءَ اے آسراتی نوں معدنی شعبہ ءِ دیمروئی ءِ بدل بوھوکیں لوٹ آناں پیلو کنگ ءِ واستہ یک جدید ترین ریسرچ لیبارٹری ءِ بستار ءَ کار کنت۔