مزن وزیر محمد شہباز شریف ءَ سرجمیں صوبائی حکومت، وفاقی ءُ صوبائی ادارگ آناں ہدایت کتگ کہ آ پاکستان ءَ گیر کانودی  رنگ ءَ استیں اوگان آں زوت واتر کنگ ءَ را دل یکیمی  ءِ پنت ءُ شون

اسلام آباد۔17اکتوبر  (اے پی پی): مزن وزیر محمد شہباز شریف ءَ سرجمیں صوبائی حکومت، وفاقی ءُ صوبائی ادارگ آناں ہدایت کتگ کہ آ پاکستان ءَ ناجائزیں رنگ ءَ استیں اوگان آناں زوتیں وھد ءَ واتر کنگ ءَ را دل یکیمی بہ کن اَنت ءُ گوشت کہ اوگان سرزمین ءَ چہ پاکستان ءِ سر ءَ ناشرکاری اُرش ءُ اے اُرش آنی تہ ءَ اوگان آنی ھوار بوھگ جیڑہ ءِ سبب اِنت۔ پاکستان ءِ دلیریں راج ءَ کہ ناشرکاری ءِ ھلاپ ءَ جنگ ءَ وتی دوستیں مردم قربان کتگ انت مارا جست کن انت کہ سرکار داں کدی اوگان پناہ گزینانی بار ءَ برداشت کنت۔ سرجمیں راج پاکستانی سلاہ بندیں اُرد ءَ را اوگان اُرشانی دیم ءَ دارگ ءِ ھاترا یات کنت۔ مئے دلیریں اُرد ماتیں وطن ءِ دیمپانی ءَ زان اَنت۔ جمعہ ءِ روچ ءَ مزن وزیر محمد شہباز شریف ءِ سروکی ءَ اوگان پناہ گزین آنی واتر کنگ ءِ ھوالگ ءَ مزنیں تک ءِ دیوان برجم دارگ بوت، ایشی ءِ تہ ءَ چیف آف آرمی اسٹاف فیلڈ مارشل سید عاصم منیر، وفاقی وزیر، مزن وزیر آزاد جموں ءُ کشمیر، پنجاب، سندھ،  بلوچستان ءِ سر وزیر ، گلگت بلتستان ءِ سر وزیر ءُ خیبرپختونخوا ءِ سر وزیر ءِ نماھندگ ءَ ابید صوبائی  وزریر آں بھر زوری کت۔    خیبر پختونخوا ءِ ءُ وفاقی ءُ صوبائی حکومت ءُ ادارگ آنی مزنیں کارندہ آں بہر زرتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ دیوان ءَ بھر زوروک آناں وش آتک کتگ ءُ گوشت کہ آئی ءَ گوستگیں روچ ءَ خیبر پختونخوا ءِ بنجاھی وزیر ءَ گوں ٹیلی فون ءِ سر ءَ گپ ءُ تران کتگ، آئی ءَ را مبارکی داتگ ءُ وفاق ءِ نیمگ ءَ ھمک رنگ ءِ کمک ءِ دل یکیمی کتگ۔ خیبر پختونخوا وفاق ءِ یک ھاسیں یونٹ اِنت، وفاقی حکومت وتی الس ءِ وشھالی ءُ دیمروئی ءِ واستہ صوبائی حکومت ءَ را ہر وڑیں کمک ءِ پجارینگ ءَ تیار اِنت۔ دیوان ءَ سر وزیر خیبر پختونخوا سہیل آفریدی ءِ بہر نہ زورگ ءِ سبب ءَ آئی ءِ نمائندگی مزمل اسلم ءَ کت۔ مزن وزیر ءَ گوشت کہ پاکستان ءَ ھمک گرانیں ساھت ءَ اوگانستان ءِ کمک کتگ کہ آ دہائیاں چہ مشکل ءِ تہ ءَ اِنت۔ پاکستان ءَ ناشرکاری ءِ ھلاپ ءَ جنگ ءَ ھزاراں گران بھائیں جان ءُ ارباں ڈالر ءِ تاوان داتگ۔ مزن وزیر ءَ اوگان سرزمین ءَ چہ پاکستان ءِ سر ءَ ناشرکاری اُرش ءُ اے اُرش آنی تہ ءَ اوگان آنی ھوار بوھگ ءَ را جیڑگ ءِ گپ لیکگ ءَ گوشت کہ نائب مزن وزیر، دری کارانی وزیر، وزیر دیمپانی ءُ سرکاری مزنیں کارندہ آناں اوگانستان ءِ تہ ءَ بازیں رند ءَ تر ءُ تاب کتگ ءُ اوگانستان ءِ گوما گپ ءُ تران کتگ۔ پاکستان ءَ چہ اوگانستان ءَ خوارج ءِ دزگٹی ءِ دیم ءَ دارگ ءِ ھاترا سفارتی ءُ سیاسی گامگیج آنی وسیلگ ءَ ھمک وڑیں کوشست کتگ۔ مزن وزیر ءَ گوشت کہ پاکستان ءِ بہادریں الس آں کہ ناشرکاری ءِ ھلاپ ءَ جنگ ءَ وتی دوستیں مردم کُربان بوتگ اَنت مارا جست کن اِت کہ حکومت داں کدی اوگان پناہ گیری ءِ بار ءَ بار کنت۔ مزن وزیر ءَ ہدایت کت کہ توامیں صوبائی حکومت، وفاقی ءُ صوبائی ادارگ نزیکیں کمک ءَ پاکستان ءَ ناجائزیں رنگ ءَ استیں اوگان آناں زوت واتر کنگ ءَ را دل یکیمی بہ کن انت۔ آئی ءَ گوشت کہ اوگانستان ءِ گوستگیں روچاں پاکستان ءِ سر ءَ اُرش ءُ خوارج ءِ پاکستان ءِ تہ ءَ ھوار بوھگ ءِ کوشست آنی کمک جیڈھ ءِ گپ انت۔ پاکستان ءِ بہادریں اُرد ءَ اے اُرش ءِ سرا وتی ھساب ءَ پسو دات۔ چیف آف آرمی اسٹاف فیلڈ مارشل سید عاصم منیر ءِ سروکی ءَ پاکستانی اُرد ءَ اوگان اُرش دیم ءَ کش اِت اَنت کہ ایشی ءِ ھاتر ءَ من ءَ ھوار سرجمیں راج آئی ءَ را شگر ءُ منت گپت کناں۔ آئی ءَ گوشت کہ پاکستان ءِ اُرد ءَ چیف آف آرمی اسٹاف فیلڈ مارشل سید عاصم منیر ءِ سروکی ءَ بھارتی زوراکی ءِ وھد ءَ اے گپ ثابت کتگ کہ مئے بہادریں اُرد وتی پیشہ وارانہ ھنر ءَ گوں وطن ءِ رکھینگ ءَ زان اَنت۔ دیوان ءَ اوگان پناہ گیر آنی وطن واتر کنگ ءِ ھوالگ ءَ سرجمیں بریفنگ دیگ ءِ وھد ءَ گوشگ بوت کہ پاکستان ءَ نندوکیں اوگان پناہ گیر آنی وطن واتر کنگ ءِ مرحلہ وار بندات کنگ بوتگ۔ اکتوبر 2025 ءَ تاں 14 لکھ  77 ہزار 592  اوگان وتی ملک ءَ واتر کنگ بوتگ انت۔ اوگان پناہ گزیناں ہچ وڑیں گیشیں وھد دیگ نہ بیت ءُ آہانی وطن ءَ واتر کنگ ءِ زوت دل یکیمی کنگ بیت۔ ایوک ءَ ھما اوگان آں پاکستان ءَ نندگ ءِ اجازت دیگ بیت کہ آھانی گور ءَ پاکستانی ویزہ ھست ۔ بریفنگ ءِ تہ ءَ گوشگ بوت کہ اوگان نیمگ ءَ ایگزٹ پوائنٹ آنی کساس ءَ را گیش کنگ ءَ انت تانکہ اوگان آنی وطن ءَ واتر کنگ ءَ را آسان ءُ ترند کنگ بہ بیت۔ گند ءُ نند ءَ گوشگ بوت کہ پاکستان ءَ ناجائزیں رنگ ءَ ساڑی اوگان آناں پناہ دیگ ءُ مہمان جاہ آنی تہ ءَ نندگ ءِ موہ دیگ کانود ءِ رد ءَ جرم انت۔ اے وڑیں اوگانانی پجار کنگ بوھگ ءَ اِنت۔ پاکستان ءَ اوگان پناہ گزین آنی واتر کنگ ءِ کار ءَ الس ءَ را شریک جوڑ کنگ بیت ءُ سرکاری پالیشی آنی ھلاپ ورزی ءَ کس ءَ را اوگان آناں پناہ دیگ ءِ اجازت نہ دیگ بیت۔ مزن وزیر ءَ ہدایت کت کہ غیر قانونی اوگان پناہ گیر آنی وطن واتر کنگ ءِ وھد ءَ بزگ، زالبول، زھگ ءُ اقلیت آنی گوما شرپ ءُ شرپ کنگ بہ بیت۔ آزات جموں ءُ کشمیر ءِ مزن وزیر، پنجاب، سندھ، بلوچستان، گلگت بلتستان ءِ سر وزیر ءُ خیبر پختونخوا ءِ حکومت ءِ نمائندہ ءَ پاکستان ءِ سفارتی سوبمندی ءِ توسیپ کت ءُ مزن وزیر شہباز شریف ءِ مرکزی کرد ءِ توسیپ کت۔ دیوان ءِ گڈسرا فورم ءَ پیسلہ کت کہ دیوان ءَ پیش کنگ بوتگیں درستیں سفارشات آنی سر ءَ سک باز کار کنگ بیت۔ مزن وزیر ءَ صوبگ آناں اوگان پناہ گِر آنی وطن واتر کنگ ءِ ھوالگ ءَ سرجمی ءَ کمک کنگ ءِ لوٹ کت۔