چیئرمین مزن وزیر ءِ ورنا پروگرام ءُ دولت مشترکہ ءِ اسسٹنٹ سیکرٹری جنرل ءِ آن لائن دیوان ءَ ورنا آنی دیمروئی ءُ وت مستر  کنگ ءِ بابت ءَ گپ ءُ تران کنگ بوتگ

لاہور۔17اکتوبر  (اے پی پی): چیئرمین مزن وزیر ءِ ورنا پروگرام رانا مشہود احمد خان ءُ دولت مشترکہ ءِ اسسٹنٹ سیکرٹری جنرل پروفیسر  لوئس فرانسشی  ءَ ورنا آنی دیمروئی ءُ وت مستر  کنگ ءِ بابت ءَ آن لائن گند ءُ نند کت۔ جمعہ ءِ روچ ءَ مزن وزیر ءِ ورنا پروگرام ءِ نیمگ ءَ جاڑی بوتگیں بیان ءِ رد ءَ مزن وزیر ءِ ورنا پروگرام ءِ چیئرمین رانا مشہود احمد خان ءُ دولت مشترکہ ءِ اسسٹنٹ سیکرٹری جنرل پروفیسر لوئیس فرانچی ءِ نیام ءَ یک ھاسیں آن لائن گند ءُ نند ءِ برجم دارگ بوت ایشی ءِ تہ ءَ ورنا آنی دیمروئی ءُ وت مستر  کنگ ءِ بابت ءَ گپ ءُ تران کنگ بوت۔ اے موہ ءِ سر ءَ مزن وزیر ءَ ورنا پروگرام ءُ دولت مشترکہ ءِ ورنا اتحاد ءِ نیام ءَ برجاھیں کمک ءَ را ساڑات۔ دوئیں ملک آنی تہ ءَ گند ءُ نند ءَ اسپورٹس پالیشی ءِ چار ءُ تپاسی ءُ مزن وزیر ءِ ورنا آنی کاروبار ءُ زراعت ءِ وام اسکیم ءِ ھوالگ ءَ برجاھیں کمک ءِ سر ءَ تران کنگ بوتگ۔ رانا مشہود احمد خان ءَ ورنا آنی جھان ءِ دیمروئی ءِ تہ ءَ پاکستان ءِ جوانیں ءُ موثر کرد ءَ را گیش مھکم کنگ ءِ سر ءَ زور پر دات ءُ گوشت کہ دولت مشترکہ ءِ نوکیں سیکرٹری جنرل شیرالی بوچوی ءِ پاکستان ءِ آیوکیں تر ءُ تاب ءِ سر ءَ ھم اُمیت وار اِنت ایشی ءَ چہ ورنا آنی دیمروئی ءُ دوئیں ملک آنی نیام ءَ یکوئی کمک ءَ را گیش دیمروئی رسیت۔ گند ءُ نند ءِ ساھت ءَ دولت مشترکہ ءِ گوما آیوکیں کمک ءِ منصوبگ آنی سر ءَ ھم ھیال ریچی کنگ بوت ءُ اے گپ ءِ سر ءَ تپاک کنگ بوت کہ آیوکیں ٹاسک فورس ءِ دیوان ءَ کہ ملاکا ءَ برجم دارگ بیت اے کمک ءَ را گیش مھکم کنگ بیت۔ لوئیس فرانچی ءَ گوشت کہ دولت مشترکہ ءِ ورنا آنی اتحاد ءِ جوڑ کنگ پاکستان ءِ یک سوبمندی یے ۔ دوئیں ملک آں جھان ءِ تک ءَ ورنا آنی واستہ وشیں باندات ءِ واستہ وتی کمک ءَ را برجاہ دارگ ءِ وتی جزم ءِ پدا زور دات۔