راجی اسمبلی ءِ اسپیکر سردار ایاز صادق ءَ میرعلی  ءَ ناشرکاری اُرش ءِ ناکام کنگ ءِ پد ءَ سیکورٹی فورسز ءَ را  توسیپ ءُ ستا پیش کتگ

اسلام آباد۔17اکتوبر  (اے پی پی): راجی اسمبلی ءِ اسپیکر سردار ایاز صادق ءَ میر علی ءَ  ءَ ناشرکاری اُرش ءِ ناکام کنگ ءِ پد ءَ سیکورٹی فورسز ءَ را  توسیپ ءُ ستا پیش کتگ۔  جمعہ ءِ روچ ءَ وتی گشتانک ءِ تہ ءَ آئی ءَ گوشت کہ بہادریں سیکورٹی فورسز ءِ افسر ءُ مرد آنی بہادری ءُ قربانی ءِ سر ءَ من ءَ فخر اِنت، سیکورٹی فورسز ءَ یک رندے پدا راج دژمنیں عناصر آنی بدیں نیت آناں کچلگ کتگ۔ آئی ءَ گوشت کہ ناشرکاری ءَ را سرجمی ءَ ھلاس کنگ ءِ واستہ سیکورٹی فورسز ءِ بے دروریں جزم ستا کرز ایت، راج وتی سیکورٹی ادارگ آنی گوما شانک ءَ شانک ءَ اوشتاتگ، پاکستان ءِ بہادریں اُرد آنی ھست بوھگ ءَ ابید دژمن وتی نا شریں ارادہ آنی تہ ءَ کدی سوبمند نہ بیت، سرجمیں راج ناشرکاری ءِ ھلاپ ءَ جنگ ءَ یکجاھ اِنت۔