پاکستان ءِ اقتصادی دیمروئی ءِ شرح 3.5 ءَ چہ 4 درسد ءِ امکان انت، پاکستان ءَ موسمیاتی بدلی ءِ سبب ءَ پیداکیں خطرہ آنی دیم ءَ انت، وفاقی وزیر خزانہ محمد اورنگزیب ءَ بلومبرگ ءَ   را گلگدار

اسلام آباد۔17اکتوبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ رواں مالی سال ءِ تہ ءَ پاکستان ءِ اقتصادی دیمروئی ءِ شرح 3.5 ءَ چہ 4درسد ءِ امکان اِنت، پاکستان ءَ موسمی بدلی ءَ چہ پیداکیں ھترہ آنی دیمپانی کنگ ءَ اِنت، پاکستان چینی ءِ تہ ءَ اے زرّ ءِ پنڈارن بانڈ جاری کنت۔ اے گپ آئی ءَ بلومبرگ ءَ گوں تران کنان ءَ گوشت اَنت۔ وفاقی وزیر خزانہ ءَ گوشت کہ پاکستان ءَ مون سون ءِ وھد ءَ سیلاب ءَ چہ کشت ءُ کشاری ءِ شوبگ ءَ تاوان رستگ، سیلاب ءَ چہ برنج ءُ کپاس ءِ شوبگ ءَ تاوان رستگ، ایشی ءَ چہ جی ڈی پی ءِ دیمروئی ءَ را تاوان بوت کنت۔ وزیر ءِ ھزانگ ءَ گوشت کہ سیلاب ءِ سبب ءَ بوتگیں تاوان آنی سرجمیں اندازہ کنگ بوھگ ءَ انت، تاوان ءِ سرجمیں اندازگ آیوکیں ماھ آنی تہ ءَ زانگ بیت۔ وزیر خزانہ ءَ گوشت کہ اگاں چہ سیلاب ءَ چہ جی ڈی پی ءِ شرح ءَ را تاوان رسیت بلے مئے اندازہ اِنت کہ اے سال ءَ اقتصادی دیمروئی ءِ شرح 3.5 ءَ چہ 4درسد ءِ نیام ءَ بوھگ ءِ امکان اِنت۔ ھزانگ ءِ وزیر ءَ گوشت کہ موسمی مٹ ءُ بدلی پاکستان ءِ واستہ راستیں ھوپ انت، ما ایشی ءَ گوں دیم پہ دیم آں ءُ گوستگیں سیلاب ھم ایشی ءِ ساچشت کنگ ءَ انت۔ ھزانگ ءِ وزیر ءَ گوشت کہ پاکستان ءَ را میاں اوستمانی کیپیٹل مارکیٹ ءَ چہ سیت زورگ ءَ انت۔ اولی پانڈا بانڈ نومبر ءِ گڈسر یا دسمبر ءِ بندات ءَ چینی کرنسی یوآن ءَ شنگ کنگ بیت۔ آئی ءَ گوشت کہ 250ملین ڈالر ءِ بنداتی بانڈ آنی جاری کنگ ءِ مول ءُ مراد فنڈنگ ​​ءِ وسیلگ آناں تنوع دیگ اِنت۔ ھزانگ ءِ وزیر ءَ گوشت کہ ایشی ءَ چہ پیسر پاکستان ءَ امریکی مارکیٹ، یورو بانڈز ءُ اسلامی سکوک جاری کتگ ات، بلے دومی مزنیں کیپیٹل مارکیٹ ءَ چہ مارا انگت ءَ نپ نہ رستگ ات۔